Tharun Bhascker : ఆ మూవీకి సీక్వెల్ నాకిష్టం లేదు.. కానీ చేయాల్సి వస్తుంది

Tharun Bhascker: తరుణ్ భాస్కర్ టాలీవుడ్ దర్శకుడిగా నటుడిగా ఇండస్ట్రీలో ఎంతో బిజీగా ఉన్నారు.. తరుణ్ భాస్కర్ దర్శకత్వంలో ప్రేక్షకుల ముందుకు వచ్చిన సినిమాలు పెద్ద ఎత్తున ప్రేక్షకులను ఆకట్టుకున్నాయి. ఇక తరుణ్ భాస్కర్ దర్శకత్వంలో పెళ్లిచూపులు, ఈ నగరానికి ఏమైంది (Ee Nagaraniki Emaindi)వంటి సినిమాలకు ప్రేక్షకుల నుంచి ఎలాంటి ఆదరణ లభించింది ప్రత్యేకంగా చెప్పాల్సిన పనిలేదు. తరుణ్ భాస్కర్ దర్శకత్వం వహించిన ఈ నగరానికి ఏమైంది సినిమా మంచి సక్సెస్ కావడంతో ఈ సినిమాను ఇటీవల రీ రిలీజ్ చేయడంతో అప్పుడు కూడా మంచి ఆదరణ లభించింది. దీంతో ఈ సినిమాకు సీక్వెల్ కూడా ప్రకటించారు.

ప్రేక్షకుల కోసమే ఈ నగరానికి ఏమైంది సీక్వెల్..

ఈ సినిమా త్వరలోనే రెగ్యులర్ షూటింగ్ పనులను జరుపుకోబోతోందని తెలుస్తోంది. ఈ క్రమంలోనే తరుణ్ భాస్కర్ ఈ సినిమా గురించి చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. సంతాన ప్రాప్తిరస్తు(Santhana Prapthirastu) సినిమా త్వరలోనే ప్రేక్షకుల ముందుకు రాబోతున్న నేపథ్యంలో హీరో విక్రాంత్ (Vikranth)తో కలిసి తరుణ్ భాస్కర్ ఒక ఇంటర్వ్యూ చేశారు. ఈ ఇంటర్వ్యూ సందర్భంగా ఈ నగరానికి ఏమైంది సీక్వెల్ గురించి ప్రస్తావనకు వచ్చింది. నిజానికి ఈ సినిమా సీక్వెల్ చేయాలనుకోలదట కానీ, అభిమానులకు, ప్రేక్షకులకు ఈ నగరానికి ఏమైంది సినిమా బాగా నచ్చటం వల్లే నేను కూడా ప్రేక్షకుల కోసమే ఈ సినిమా సీక్వెల్ చేయాల్సి వచ్చిందని తెలిపారు.

ఈ నగరానికి ఏమైంది 2..

ఏ సినిమా కైనా సరైన సమయం రావాలి. ఈ నగరానికి ఏమైంది 2 సినిమాకు ఇప్పుడు సమయం వచ్చిందని అలాగే టేబుల్ పై డబ్బులు కూడా రెడీగా ఉన్న నేపథ్యంలోనే ఈ సినిమా సీక్వెల్ తెరపైకి రాబోతుందని డైరెక్టర్ తరుణ్ భాస్కర్ తెలిపారు. ఇప్పటికే ఈ నగరానికి ఏమైంది సీక్వెల్ గురించి అధికారక పోస్టర్లు కూడా విడుదల చేశారు. ఈ సినిమాలో విశ్వక్ సేన్ (Vishwak Sen), అభినవ్ గోమఠం, వెంకటేష్ కాకుమాను, సుశాంత్ రెడ్డి వంటి తదితరులు సీక్వెల్లో కూడా సందడి చేయబోతున్నారు.

నిర్మాతగా తప్పుకున్న సురేష్ బాబు?

ఇక ఈ సీక్వెల్ సినిమాకు ఎస్ వర్జినల్ బ్యానర్ పై సృజన్, సందీప్ రెడ్డి నిర్మిస్తున్నారు. అలాగే ప్రముఖ నిర్మాత దగ్గుబాటి సురేష్ బాబు కూడా ఈ సినిమా నిర్మాణంలో భాగస్వామ్యం కాబోతున్నారని వెల్లడించారు. అయితే గత రెండు రోజులుగా ఈ సినిమా నిర్మాణ విషయంలో దగ్గుబాటి సురేష్ బాబు వెనుకడుగు వేస్తున్నారని ఈ ప్రాజెక్టు నుంచి తప్పుకోవాలనే ఆలోచనలో ఉన్నట్లు వార్తలు సోషల్ మీడియాలో వైరల్ అవుతున్నాయి. మరి దగ్గుబాటి సురేష్ బాబు ఈ సినిమా నుంచి తప్పుకుంటున్నట్టు వస్తున్న వార్తలలో ఎంతవరకు నిజం ఉందనేది తెలియాలి అంటే ఈ వార్తలపై చిత్ర బృందం స్పందించాల్సి ఉంది.

Also Read: Lokah 2: లోక సీక్వెల్లో మెగాస్టార్.. భారీగా ప్లాన్ చేసిన దుల్కర్ !