Spirit: స్పిరిట్ కోసం సందీప్ మాస్టర్ ప్లాన్.. ఏకంగా ఇద్దరు స్టార్ కిడ్స్ రంగంలోకి!

Spirit: పాన్ ఇండియా స్టార్ హీరో ప్రభాస్ (Prabhas) హీరోగా, సెన్సేషనల్ డైరెక్టర్ సందీప్ రెడ్డి వంగ (Sandeep Reddy Vanga) కాంబినేషన్ లో రాబోతున్న తాజా చిత్రం ‘స్పిరిట్’ . ఈ సినిమా కోసం అభిమానులు వేయికళ్లతో ఎదురుచూస్తున్న విషయం అందరికీ తెలిసిందే. ముఖ్యంగా ఈ ఇద్దరి కాంబినేషన్లో రాబోతున్న సినిమా బాక్సాఫీస్ వద్ద సంచలనం సృష్టించడం ఖాయమని.. అప్పుడే రెబెల్ స్టార్ ఫ్యాన్స్ కూడా ధీమా వ్యక్తం చేస్తున్నారు. ఇదిలా ఉండగా నిన్న ప్రభాస్ పుట్టినరోజు కావడంతో ఈ సినిమాకు సంబంధించిన ఆడియో టీజర్ ని మేకర్స్ విడుదల చేశారు. కేవలం ఆడియో టీజర్ తోనే సినిమాపై అంచనాలను పెంచేశారు చిత్ర బృందం.

స్పిరిట్ కోసం ఇద్దరు స్టార్ కిడ్స్..

ఇకపోతే అర్జున్ రెడ్డి, యానిమల్ చిత్రాలతో సంచలనం సృష్టించిన సందీప్ రెడ్డి వంగా ఈ స్పిరిట్ మూవీతో మరో లెవెల్ కి వెళ్లాలని ప్రయత్నం చేస్తున్నారు. అందులో భాగంగానే మాస్టర్ ప్లాన్ కూడా చేస్తున్నట్లు తెలుస్తోంది. ఈ క్రమంలోనే ఏకంగా ఒకరు కాదు ఇద్దరు స్టార్ కిడ్స్ ని రంగంలోకి దింపారు సందీప్ రెడ్డి వంగ. అసలు విషయంలోకి వెళ్తే.. మాస్ మహారాజా రవితేజ (Raviteja), స్టార్ డైరెక్టర్ త్రివిక్రమ్ (Trivikram) వారసుడు కూడా ఈ సినిమా కోసం పనిచేయబోతున్నారు. ముఖ్యంగా రవితేజ తనయుడు మహాధన్ భూపతి రాజు, త్రివిక్రమ్ తనయుడు రిషి మనోజ్ ఈ సినిమా డైరెక్షన్ డిపార్ట్మెంట్లో అసిస్టెంట్ డైరెక్టర్లుగా వర్క్ చేస్తున్నారు. ముఖ్యంగా సందీప్ రెడ్డి వంగా వద్ద టెక్నికల్ మెలుకువలు నేర్చుకోవడానికి ఈ ఇద్దరు స్టార్ వారసులు స్పిరిట్ లో జాయిన్ కావడం ఇప్పుడు టాక్ ఆఫ్ ది టౌన్ గా మారింది. ఇకపోతే ఈ సినిమాలో త్రిప్తి డిమ్రీ హీరోయిన్గా నటిస్తూ ఉండగా.. వివేక్ ఒబెరాయ్, ప్రకాష్ రాజ్ , కాంచన తదితరులు కీలకపాత్రలు పోషిస్తున్నారు.

సందీప్ రెడ్డి వంగ కెరియర్..

సందీప్ రెడ్డి వంగ కెరియర్ విషయానికి వస్తే.. విజయ్ దేవరకొండ (Vijay Deverakonda) , షాలిని పాండే (Shalini Pandey) జంటగా నటించిన ‘అర్జున్ రెడ్డి’ సినిమాకి దర్శకత్వం వహించి ఓవర్ నైట్ లోనే స్టార్ డైరెక్టర్గా పేరు సొంతం చేసుకున్నారు సందీప్. ఈ సినిమాతో అటు విజయ్ దేవరకొండ కి కూడా మంచి పేరు లభించిన విషయం తెలిసిందే. ఇదే చిత్రాన్ని హిందీలో కూడా తెరకెక్కించి మంచి విజయాన్ని సొంతం చేసుకున్నారు. అలాగే హిందీలో ప్రముఖ బాలీవుడ్ హీరో రణబీర్ కపూర్, రష్మిక మందన్న జంటగా యానిమల్ చిత్రం చేసి మరో విజయాన్ని తన ఖాతాలో వేసుకున్నారు. ఇప్పుడు ప్రభాస్ తో స్పిరిట్ అంటూ యాక్షన్ బ్యాక్ డ్రాప్ లో సినిమా చేయబోతున్నారు. ఇందులో ప్రభాస్ తొలిసారి పోలీస్ ఆఫీసర్ పాత్రలో నటించబోతున్నట్లు స్పష్టం చేసిన విషయం తెలిసిందే. మరి ఈ సినిమా ఎలాంటి విజయాన్ని అందుకుంటుందో చూడాలి.

ALSO READ:Bigg Boss : తప్పతాగి బిగ్ బాస్‌ షోకు వెళ్లిన హోస్ట్.. సెన్స్ లేదా అంటూ ఆడియన్స్ ఫైర్!