BJP Protest in Delhi: నిరసనకు దిగిన బీజేపీ.. ‘కేజ్రీవాల్ సీఎం పదవికి రాజీనామా చేయాలి’!

BJP Protest in Delhi: ఢిల్లీ సీఎం, ఆమ్ ఆద్మీ పార్టీ అధినేత అరవింద్ కేజ్రీవాల్ అరెస్ట్ కారణంగా దేశ రాజధాని ఢిల్లీ అట్టుడుకుతోంది. గత మూడు రోజులుగా ఆప్ శ్రేణులు ఢిల్లీ అంతటా ఆందోళనలు చేపడుతున్నారు. అయితే ఈ రోజు కేజ్రీవాల్‌కు వ్యతిరేకంగా బీజేపీ శ్రేణులు కూడా నిరసనకు దిగాయి. సీఎం కేజ్రీవాల్ వెంటనే తన సీఎం పదవికి రాజీనామా చేయాలంటూ నిరసన చేపట్టారు.

మంగళవారం ఢిల్లీ అటు ఆమ్ ఆద్మీ పార్టీ, ప్రతిపక్ష బీజేపీల ఆందోళనలతో దద్దరిల్లింది. ఇరు పార్టీలు ఢిల్లీ అంతటా ఆందోళనలతో అట్టుడుకుంతోంది. అవినీతి ఆరోపణల కేసులో అరెస్ట్ అయిన కేజ్రీవాల్ వెంటనే తన పదవికి రాజీనామా చేయాలని బీజేపీ శ్రేణులు నిరసన చేపడుతున్నారు. అయితే గత మూడు రోజులుగా ఆప్ నేతలు సీఎం కేజ్రీవాల్ ను బీజేపీ, ఈడీ తప్పుడు కేసులు పెట్టి అరెస్ట్ చేసిందని ఆరోపిస్తూ.. దేవవ్యాప్త నిరసనలకు పిలుపునిచ్చిన విషయం తెలిసిందే.

మూడు రోజులుగా నిరసన చేపడుతున్న ఆప్ శ్రేణులను మంగళవారం ఉదయం ఢిల్లీ పోలీసులు అరెస్ట్ చేశారు. వీరితో పాటుగా కేజ్రీవాల్ రాజీనామా చేయాలంటూ ఆందోళనలు చేపడుతున్న బీజేపీ శ్రేణులను కూడా పోలీసులు అరెస్ట్ చేశారు. పోలీసులు అరెస్ట్ చేసిన వారిలో ఢిల్లీ బీజేపీ అధ్యక్షుడు వీరేంద్ర సచ్ దేవ కూడా ఉన్నారు.