Delhi Air Quality: దీపావళి వేడుకల ప్రభావం దేశ రాజధాని ఢిల్లీపై పడింది. ఫలితంగా నగరమంతా కాలుష్య కోరల్లో చిక్కుకుంది. ఈ ఉదయం నగరంలో గాలి నాణ్యత సూచీ వెరీ పూర్ కేటగిరీకి చేరింది. దీంతో సామాన్యులు ఉక్కిరిబిక్కిరి అవుతున్నారు. కొన్ని ప్రాంతాల్లో పరిస్థితి మరింత దారుణంగా తయారైంది.
దీపావళి మరుసటి రోజు సోమవారం రోజు ఉత్తరాది రాష్ట్రాలను వాయు కాలుష్యం వెంటాడుతోంది. పంజాబ్, యూపీ, హర్యానా, ఢిల్లీలో ఇవాళ ఉదయం నుంచి దట్టమైన బూడిద రంగు పొగమంచు కమ్మేసింది. దీనివల్ల ఎదురుగా ఏ వాహనాలు వస్తున్నాయో కనిపించడం లేదు. దీనికితోడు రాత్రి దీపావళి ఫెస్టివల్ సందర్భంగా వాయు కాలుష్యం ఆ నాలుగు రాష్ట్రాలను కమ్మేసింది. ఫలితంగా ఢిల్లీ నగరంలో గాలి నాణ్యత సూచిక అమాంతంగా పడిపోయింది.
ఒక్కమాటలో చెప్పాలంటే అక్కడ కాలుష్కం డేంజర్ స్థాయిని దాటేసింది. ఏకంగా గాలి స్వచ్చత ఇండెక్స్‌లో ఏక్యూఐ- 370కి చేరిందంటే పరిస్థితి ఏ స్థాయిలో ఉందో అర్థం చేసుకోవచ్చు. సూచీ ప్రకారం తీవ్రమైన కేటగిరీకి దగ్గరగా ఉంది అక్కడ గాలి నాణ్యత. బురారి క్రాసింగ్ ఏరియాలో అత్యంత అధ్వాన్నమైన గాలి నాణ్యతను నమోదు చేశాయి. ఒక్కొక్క దానిలో AQI 437గా నమోదు అయ్యింది. మరో నాలుగు కేంద్రాలు పేలవమైన గాలి నాణ్యతను నమోదు చేశాయి.
కాలుష్య నియంత్రణ బోర్డు ఇండెక్స్ ప్రకారం.. 0 నుండి 50 మధ్య AQI ని మంచిది గా చెబుతారు. అదే 51 నుండి 100 మధ్య సంతృప్తికరమైనదిగా వర్ణిస్తారు. 101 నుండి 200 మధ్య బెటర్‌గా సూచిస్తారు. 201 నుండి 300 మధ్య పేలవమైనది చెబుతారు. ఇక 301 నుండి 400 మధ్య దారుణంగా ఉందని వర్ణించారు. 401 నుండి 500 మధ్య తీవ్రమైనదిగా వర్గీకరణ చేస్తారు అధికారులు.
ALSO READ: కూర రుచిగా లేదన్నందుకు.. కత్తితో పొడిచి భర్తను చంపి ఆ తర్వాత, అహ్మదాబాద్‌లో విచిత్ర ఘటన
బవానా, బురారి, జహంగీర్‌పురి, సోనియా విహార్, పంజాబీ బాగ్, ఓఖ్లా, రోహిణి వంటి ప్రాంతాల్లో గాలి నాణ్యత తీవ్రంగా ఉందని ఇండెక్స్ చెబుతోంది. వాయు నాణ్యత ముందస్తు హెచ్చరిక ప్రకారం.. ఢిల్లీలో గాలి నాణ్యత పగటి పూట తీవ్రమైన కేటగిరీలోకి జారింది. రాబోయే కొద్ది రోజుల పాటు అదే స్థాయిలో కొనసాగే అవకాశం ఉందని అంచనా వేస్తున్నారు అధికారులు. ప్రతికూల వాతావరణ పరిస్థితులు, వాహన ఉద్గారాలు, పొరుగు రాష్ట్రాల్లో పంట వ్యర్థాలను కాల్చడం వంటివి దీనికి కారణంగా చెబుతున్నారు.
#WATCH | Delhi: The Air Quality Index (AQI) in the area around Ring Road is at 370, categorised as 'Very Poor', as per the CPCB (Central Pollution Control Board).
(Visuals shot at 07.38 am) pic.twitter.com/tqIzZg59kH
— ANI (@ANI) November 9, 2026
Share
పిల్లలు పబ్లిక్ ప్లేస్‌లో మొండి చేస్తున్నారా? ఈ టిప్స్‌తో సులభంగా హ్యాండిల్ చేయండి
ఛీ.. మీది ఓ గెలుపేనా? 35 ఏళ్ల అలీ రజాను తీసుకొచ్చి టీమిండియా కుర్రాళ్ల‌ను ఓడించారు
