children tantrums In public| ఇంట్లో పిల్లలు అల్లరి చేస్తే ఎలాగోలా సర్దిచెప్పవచ్చు. కానీ అదే నలుగురి మధ్యలో జరిగితే తల్లిదండ్రులకు పెద్ద తలనొప్పిగా మారుతుంది. షాపింగ్ మాల్‌లోనో, మార్కెట్‌లోనో లేదా ఎక్కడైనా పెళ్లి, వేడుకల్లో అందరి ముందు పిల్లలు ఏడుస్తూ, అరుస్తూ, నేలపై పడుకుని మారాం చేస్తుంటే అందరూ మనవైపే చూస్తున్నట్లు అనిపిస్తుంది. దీంతో తల్లిదండ్రులకు కోపం, చిరాకు, ఇబ్బంది కలుగుతాయి.
అయితే ఇలాంటి సమయంలో పిల్లలను తిట్టడం లేదా కొట్టడం సమస్యకు పరిష్కారం కాదు. కాస్త ఓర్పుతో, తెలివిగా వ్యవహరిస్తే పిల్లల మొండితనాన్ని తగ్గించవచ్చు. మరి పబ్లిక్ ప్లేస్‌లో పిల్లలు మారాం చేసినప్పుడు పాటించాల్సిన సులభమైన చిట్కాలేంటో తెలుసుకుందాం.
పిల్లలు పబ్లిక్ ప్లేస్‌లో ఏడుస్తున్నప్పుడు తల్లిదండ్రులు కూడా కంగారుపడుతుంటారు. చుట్టూ ఉన్నవాళ్లు ఏమనుకుంటారోనని మరింత ఆందోళన చెందుతారు. దీంతో పిల్లలపై గట్టిగా అరుస్తుంటారు. కానీ ఇలా చేయడం వల్ల పరిస్థితి మరింత దిగజారుతుంది. అందుకే ముందుగా మీరు ప్రశాంతంగా ఉండాలి. కోపాన్ని అదుపులో పెట్టుకుని పిల్లలతో నెమ్మదిగా మాట్లాడాలి. మీ ప్రశాంతత పిల్లలకు కూడా భరోసానిస్తుంది.
కొన్నిసార్లు జనాల రద్దీ, పెద్ద శబ్దాలు, నచ్చిన వస్తువు దొరకకపోవడం వల్ల పిల్లలు మారాం చేస్తారు. అలాంటప్పుడు వారితో వాదించడం కంటే దృష్టి మళ్లించడం మంచిది. వారికి ఆసక్తికరమైన వస్తువులను చూపించండి. సరదా ప్రశ్నలు అడగండి. చుట్టుపక్కల ఉన్న రంగులు, బొమ్మలు లేదా కొత్త విషయాలను చూపిస్తూ వారి దృష్టిని ఆకర్షించండి.
పిల్లలు తమ బాధను, కోపాన్ని మాటల్లో చెప్పలేక ఏడుస్తుంటారు. అలాంటప్పుడు వారిని తిట్టకుండా, వారి భావాలను అర్థం చేసుకోవాలి. ‘నీకు కోపం వచ్చిందని నాకు అర్థమవుతోంది’ అంటూ ప్రేమగా మాట్లాడండి. వారి మాటలను వినండి. తమ భావాలను తల్లిదండ్రులు అర్థం చేసుకుంటున్నారని పిల్లలు భావించినప్పుడు క్రమంగా శాంతిస్తారు.
పిల్లల భావాలను అర్థం చేసుకోవడం అంటే వారు అడిగిన ప్రతిదీ కొనివ్వడం కాదు. నచ్చిన బొమ్మ కొనివ్వకపోతే ఏడుస్తున్నారని వెంటనే కొనివ్వకండి. మీ నిర్ణయాన్ని వారికి అర్థమయ్యేలా వివరించండి. అవసరమైతే మరో ప్రత్యామ్నాయాన్ని సూచించండి. ఇలా చేయడం వల్ల పిల్లలకు క్రమశిక్షణ అలవడుతుంది.
రద్దీ, శబ్దాలు పిల్లలను మరింత అసౌకర్యానికి గురిచేయవచ్చు. అలాంటప్పుడు వీలైతే వారిని కాస్త ప్రశాంతమైన ప్రదేశానికి తీసుకెళ్లండి. కొద్దిసేపు విశ్రాంతి తీసుకునేలా చూడండి. అవసరమైతే నీళ్లు ఇవ్వండి. వారు శాంతించే వరకు దగ్గరగా ఉండి భరోసా కల్పించండి.
Also Read: చనిపోయి మళ్లీ జీవించిన వ్యక్తి.. 40 గంటలకు పైగా ఆగిపోయిన గుండె.. ఏం జరిగిందంటే
పిల్లలు ఏడవకుండా తమ అవసరాలను చెప్పినప్పుడు వారిని అభినందించండి. చిన్న చిన్న మంచి పనులను కూడా గుర్తించి ప్రశంసించండి. ఇలా ప్రోత్సహించడం వల్ల పిల్లల్లో ఆత్మవిశ్వాసం పెరుగుతుంది. తమ భావాలను సరిగ్గా వ్యక్తపరచడం కూడా నేర్చుకుంటారు.
పిల్లలు పబ్లిక్ ప్లేస్‌లో మారాం చేయడం బాల్యంలో సాధారణమే. అయితే తల్లిదండ్రులు కోపంతో స్పందించకుండా ఓపికగా వ్యవహరించాలి. ప్రేమతో పాటు సరైన హద్దులు విధిస్తే పిల్లలు క్రమంగా తమ భావాలను అదుపులో ఉంచుకోవడం నేర్చుకుంటారు.
Also Read: తొలిసారి డేటింగ్‌కు వెళుతున్నారా? అమ్మాయిలు గమనించే విషయాలు ఇవే
Share
రోల్స్ రాయిస్‌ ను తలదన్నేలా BYD కొత్త లగ్జరీ కారు.. సింగిల్ ఛార్జ్ తో 1,000 కి.మీ రేంజ్!
దీపావళి ఎఫెక్ట్.. డేంజర్ స్థాయిలో ఢిల్లీ వాయు కాలుష్యం, నాలుగు రాష్ట్రాల ప్రజలు ఉక్కిరిబిక్కిరి
