Big Stories

Jayashankar Russia Tour : రష్యా వెళ్లనున్న విదేశాంగ మంత్రి జైశంకర్.. వాటి జోలికి వెళ్లొద్దని చెప్పడానికే..

Jayshankar Russia Tour : విదేశాంగ మంత్రి జైశంకర్‌ నవంబర్‌లో రష్యా పర్యటనకు వెళ్లనున్నారు. నవంబర్‌ 8న ఆయన రష్యా విదేశాంగ మంత్రి సెర్గీ లావ్రోవ్‌తో భేటీ కానున్నారు. ఈ విషయాన్ని మాస్కో ఒక ప్రకటన ద్వారా తెలియజేసింది. భారత్‌, రష్యాల మధ్య ద్వైపాక్షిక సంబంధాలు, అంతర్జాతీయ పరిణామాలపై చర్చిస్తారని మాస్కో ఆ ప్రకటనలో తెలిపింది. ఉక్రెయిన్ యుద్ధంలో అణ్వాయుధాల ప్రస్తావన వస్తున్న సమయంలో జై శంకర్ రష్యా పర్యటన ఖరారు కావడం ప్రాధాన్యత సంతరించుకుంది.

- Advertisement -

ఉక్రెయిన్‌పై రష్యా దాడులు మరింత తీవ్రమయ్యాయి. ఉక్రెయిన్ కూడా తగ్గకుండా నువ్వా నేనా అనే తరహాలో వ్యవహరిస్తుంది. ఉక్రియన్, రష్యా యుద్ధం తీవ్రతరమౌతే అది ప్రపంచానికి పెను ముప్పుగా మారనుందని భారత్ భావిస్తోంది. ఈ విషయంపైనే రష్యా విదేశాంగ మంత్రితో చర్చించడానికి జైశంకర్ రష్యా వెళ్లనున్నట్లు తెలుస్తోంది.

- Advertisement -

అణ్వాయుధాలను కూడా ఇరు దేశాలు ప్రయోగించే ఆస్కారం కనబడుతోంది. ఉక్రెయిన్ డర్టీ బాంబ్ తయారు చేస్తోందని రష్యా ఆరోపించింది. మరో వైపు రష్యా అణు దాడికి సిద్ధమైందని ఉక్రెయిన్ పేర్కొంటుంది. ఈ నేపధ్యంలో జయశంకర్ రష్యా పర్యటన ప్రాధాన్యం సంతరించుకుంది. ఇటీవళ రష్యా రక్షణమంత్రి సెర్గీ షోయిగుతో రక్షణమంత్రి రాజ్‌నాథ్ సింగ్ ఫోన్‌లో ఇదే అంశంపై ఫోన్లో మాట్లాడారు. ప్రధాని మోదీ.. రష్యా అధ్యక్షుడు పుతిన్‌కు యుద్దం చేసే సమయం కాదని సూచించినట్లు సమాచారం.

- Advertisement -

ఇవి కూడా చదవండి

Latest News