Patna Shocker: బిహార్ రాజధాని పాట్నాలో షాకింగ్ ఘటన చోటుచేసుకుంది. విధులు నిర్వర్తిస్తున్న ఓ మహిళా పోలీసు సిబ్బంది పట్ల అసభ్యంగా ప్రవర్తించడమే కాకుండా.. ఆమెపై 22 ఏళ్ల యువకుడు భౌతిక దాడికి తెగబడ్డాడు. ఇందుకు సంబంధించిన దృశ్యాలు నెట్టింట వైరల్ గా మారాయి. దీంతో పోలీసులు ఆ యువకుడ్ని అరెస్ట్ చేసి.. కటకట్టాల్లోకి నెట్టారు.
సెప్టెంబర్ 30 సాయంత్రం సుమారు 6:30 గంటల సమయంలో ఈ ఘటన జరిగింది. మహిళలు, విద్యార్థినుల రక్షణ కోసం ప్రత్యేకంగా ఏర్పాటు చేసిన ‘పోలీస్ దీదీ’ బృందం పరిసర ప్రాంతాల్లో గస్తీ కాస్తోంది. ఆ సమయంలో ఒక ప్రాంతంలో ముగ్గురు యువకులు అనుమానాస్పదంగా తిరుగుతూ కనిపిచడంతో మహిళా పోలీసులు వారిని నిలదీశారు. ఈ క్రమంలో ప్రదీప్ కుమార్ అనే యువకుడు పోలీసులతో వాగ్వాదానికి దిగి, వారి పట్ల అనుచితంగా ప్రవర్తించాడు.
Police didi slapped in Patna.
Are criminals in Bihar no longer afraid of law and police under Samrat Choudhary ? pic.twitter.com/3AFDzvG8tK
— With Love Bihar (@WithLoveBihar) October 2, 2026
పోలీసుల హెచ్చరికలను లెక్కచేయకుండా ప్రదీప్ దౌర్జన్యానికి దిగడంతో పరిస్థితిని అదుపు చేసేందుకు ఓ మహిళా కానిస్టేబుల్ అతడిని చెంపదెబ్బ కొట్టారు. దీంతో ఆవేశానికి లోనైన ఆ యువకుడు ఎదురుదాడి చేస్తూ ఆమెను కూడా లాగి పెట్టి కొట్టాడు. ఈ ఘటనకు సంబంధించిన దృశ్యాలు ప్రస్తుతం సామాజిక మాధ్యమాల్లో వైరల్‌గా మారాయి. వీడియోలో పోలీసులు, యువకుల మధ్య నిమిషం పాటు వాగ్వాదం జరగడం.. అనంతరం ముగ్గురు నిందితులు అక్కడి నుంచి పరారవ్వడం కనిపించింది.
Also Read: రూ.10 వేలతో బిజినెస్.. ఇంటి నుంచే రూ. లక్షల సంపాదన.. రిచ్ అవ్వడం పక్కా!
ఈ ఘటనను తీవ్రంగా పరిగణించిన పాట్నా పోలీసులు వెంటనే రంగంలోకి దిగి విచారణ చేపట్టారు. ఘటనా స్థలంలో సేకరించిన సీసీటీవీ ఫుటేజ్ ఆధారంగా ప్రదీప్ కుమార్‌ను గుర్తించి కటకటాల్లోకి నెట్టారు. పరారీలో ఉన్న మిగిలిన ఇద్దరు యువకుల కోసం పలు ప్రాంతాల్లో తనిఖీలు చేపట్టారు. త్వరలోనే వారిని కూడా పట్టుకుంటామని అధికారులు తెలిపారు. కాగా పాఠశాలలు, కళాశాలలు, ఇతర విద్యాసంస్థల వద్ద విద్యార్థినుల భద్రతను పర్యవేక్షించడం కోసం ప్రభుత్వం ఈ ‘పోలీస్ దీదీ’ బృందాలను ప్రత్యేకంగా ఏర్పాటు చేసింది.
Has Law and Order Collapsed in Bihar? Criminals Now Beating Police Officers on the Streets
A shocking incident in Patna has raised serious questions about law and order after a woman Sub-Inspector was allegedly slapped on the street following an altercation with three men. CCTV… pic.twitter.com/eH7pOA0XqH
— Whats In The News (@_whatsinthenews) October 2, 2026
Share
సుప్రీతకు సినిమా అవకాశాలు రాలేదా..అందుకే ఇలా చేస్తున్నారా?
విద్యార్థుల బంగారు భవిష్యత్తుకు పునాది..'రోహిణి ఇంజనీరింగ్ కాలేజ్' ప్రత్యేకతలివే!
