The Elephant whisperers : ఆస్కార్‌ విజేత, ది ఎలిఫెంట్ విష్పరర్స్ దర్శకురాలు కార్తికి గోంజాల్వెస్‌ వివాదంలో చిక్కుకున్నారు. ఆమెకు బొమ్మన్‌- బెల్లీ దంపతులు లీగస్‌ నోటీసు పంపించారు. ప్రాజెక్ట్‌ షూట్ చేసే టైమ్‌లో అన్నివిధాలుగా సాయం చేస్తానంటూ కార్తికి మాటిచ్చారని .. ఇప్పటికీ ఆ హామీలను నెరవేర్చలేదని నోటీసులో పేర్కొన్నట్లు తెలుస్తోంది.
తమకు ఇల్లు, వాహనం, తమ మనవరాలు చదువుకు కావాల్సిన ఆర్థికసాయంతోపాటు సినిమాలో నటించినందుకు గానూ కలెక్షన్స్‌ నుంచి కొంత మొత్తాన్ని ఇస్తానని కార్తికి తమకు చెప్పారన్నారు. అయితే ఆమె ఇచ్చిన మాటను నిలబెట్టుకోలేదని ఆరోపించారు.
ఆస్కార్‌ వచ్చిన తర్వాత దేశ ప్రధాని, తమిళనాడు సీఎం నుంచి ఆమె పురస్కారాలు అందుకున్న విషయాన్ని గుర్తు చేశారు. తమకు మాత్రం మొండిచేయి చూపించారని ఆవేదన వ్యక్తం చేశారు. ఈ విషయాలను లీగల్ నోటీసులో పేర్కొన్నట్లు వార్తలు వస్తున్నాయి.
ఈ విషయంపై స్పందించమంటూ ఓ మీడియా సంస్థ బొమ్మన్‌ను సంప్రదించగా.. కేసు కోర్టులో ఉన్నందు వల్ల తాను మాట్లాడాలనుకోవడం లేదని, అవసరం అయితే తమ న్యాయవాదిని సంప్రదించమని తెలిపారు. మ‌రి బొమ్మన్‌, బెల్లీల లీగల్ నోటీసుపై ది ఎలిఫెంట్ విష్పరర్స్ డైరెక్టర్ కార్తికి ఎలా స్పందిస్తారో చూడాలి.
Share
Hyderabad Updates : డ్రగ్స్ కు అడ్డగా దుర్గం చెరువు .. వెలుగులోకి సంచలన విషయాలు..
Polavaram Project news: చంద్రబాబు Vs జగన్.. పోలవరంపై డైలాగ్ వార్..
