Sia Goyal: కాబోయే భర్త కేతన్ అగర్వాల్ ను ప్రియుడితో కలిసి హత్య చేసిన సియా గోయల్ లో ఏ మాత్రం పశ్చాత్తాపం లేనట్లు కనిపిస్తోంది. విచారణ నిమిత్తం పూణె మార్కెట్ యార్డ్ లోని నివాసానికి ఆమెను తీసుకెళ్లగా.. బయటకు వస్తూ సియా ఇచ్చిన సిగ్నల్స్ ఇప్పుడు తీవ్ర చర్చకు దారితీశాయి. ప్రస్తుతం వైరల్ అవుతున్న వీడియోలో సియా.. ఓ మీడియాకు మిడిల్ ఫింగర్ ను చూపించడం వివాదస్పదమవుతోంది.
వైరల్ అవుతున్న 17 సెకన్ల వీడియోలో.. సియా గోయల్ తన నివాసం నుంచి బయటకు వస్తూ కనిపించింది. నల్లటి టీషర్ట్, ముఖాన్ని స్కార్ప్ తో ఉన్న ఆమె విజువల్స్ చిత్రీకరించేందుకు మీడియా ప్రతినిధులు ప్రయత్నించారు. దూరం నుంచి ఫుటేజీని రికార్డ్ చేస్తున్న క్రమంలో వారిని గమనించిన సియా.. మిడిల్ ఫింగర్ ను చూపిస్తూ తీవ్ర అభ్యంతరకంగా ప్రవర్తించింది. ప్రస్తుతం ఆ దృశ్యాలు నెట్టింట విపరీతంగా వైరల్ అవుతున్నాయి.
మీడియాకు మిడిల్ ఫింగర్ చూపిన సియా గోయల్
పూణే వ్యాపారవేత్త కేతన్ అగర్వాల్ హత్య కేసు నిందితురాలు సియా గోయల్ ప్రవర్తన తీవ్ర వివాదాస్పదమైంది. విచారణలో భాగంగా పోలీసులు ఆమెను నివాసానికి తీసుకెళ్లగా, తిరుగు ప్రయాణంలో అక్కడ వేచి ఉన్న మీడియా ప్రతినిధులకు మిడిల్ ఫింగర్ చూపించి దురుసుగా… pic.twitter.com/7YNIhGHKTz
— BIG TV Breaking News (@bigtvtelugu) July 3, 2026
ఈ వీడియోపై నెటిజన్లు తీవ్రస్థాయిలో ఆగ్రహం వ్యక్తం చేస్తున్నారు. ‘ఇంతటి ఘోరమైన హత్య కేసులో నిందితురాలిగా ఉండి కూడా ఈమెకు ఇంత పొగరా? అంటూ పలువురు కామెంట్స్ చేస్తున్నారు. ‘చట్టం అంటే అస్సలు భయం లేనట్లు ప్రవర్తిస్తోంది’ అంటూ పోస్టులు పెడుతున్నారు. ఆమెకు కోర్టులో కఠినమైన శిక్ష పడేలా చూడాలని డిమాండ్ చేస్తున్నారు.
Also Read: థాయ్లాండ్లో ఘోర ప్రమాదం.. 11 ఏళ్ల బాలుడి చేతిలో స్టీరింగ్.. 9 మంది సాధువుల దుర్మరణం!
జూన్ 18న మహారాష్ట్ర పుణేలోని లోహగఢ్ కోట పైనుంచి కేతన్ అగర్వాల్ ను సియా గోయల్, ఆమె ప్రియుడు చేతన్ చౌదరి కిందరికి తోసి హత్య చేసినట్లు ఆరోపణలు ఉన్నాయి. తొలుత సియా ఫొటో తీస్తుండగా.. హోరుగాలి వీచి ప్రమాదవశాత్తు కిందపడిపోయినట్లు పోలీసులను నమ్మించే ప్రయత్నం చేసింది. అయితే కేతన్ మృతిపై సియాలో ఎలాంటి విచారం లేకపోవడంతో అనుమానించి.. అతడి కుటుంబ సభ్యులు పోలీసులకు ఫిర్యాదు చేశారు. దీంతో అసలు గుట్టుబయట పడి.. సియాతో పాటు ఆమె బాయ్ ఫ్రెండ్ చేతన్ చౌదరిని పోలీసులు అరెస్టు చేశారు.
Share
Aishwarya Rajesh : స్టైలిష్ లుక్ లో ఐశ్వర్య రాజేష్.. ఇంత అందాన్ని చూడకుండా ఉండలేరు..!
పసిడి ప్రియులకు షాక్.. తగ్గినట్టే తగ్గి మళ్లీ ఆకాశానికి చేరిన బంగారం ధరలు!
