Car Hit Electric Pole: దేశంలో యాక్సిడెంట్ల సీజన్ మొదలైంది. శీతాకాలం రావడంతో దట్టమైన పొగ కారణంగా ఎదురుగా వచ్చే వాహనాలు కనిపించలేదు. ఫలితంగా వాహనాలు ప్రమాదాలకు గురవుతున్నాయి. తాజాగా అలాంటి ఘటన యూపీలో చోటు చేసుకుంది. ఈ ఘటనలో కారులోని ఆరుగురు వ్యక్తులు సజీవ దహనమయ్యారు. అసలు ఘటన ఎలా జరిగింది?
ఉత్తరప్రదేశ్‌ ముజఫర్‌నగర్ జిల్లాలో సోమవారం తెల్లవారుజామున ఘోర రోడ్డు ప్రమాదం చోటు చేసుకుంది. షామ్లీ హైవేపై విద్యుత్ స్తంభాన్ని ఢీ కొట్టింది ఓ కారు. వెంటనే మంటలు కారుని చుట్టుముట్టాయి. ఈ ఘటనలో కారులోని ఆరుగురు వ్యక్తులు సజీవ దహనం అయ్యారు. ఈ విషయాన్ని ఆ జిల్లా పోలీసులు వెల్లడించారు. ఘటన గురించి సమాచారం అందిన వెంటనే పోలీసు సిబ్బంది అగ్నిమాపక బృందాలతో కలిసి ఘటన ప్రాంతానికి చేరుకున్నారు.
వాహనాల్లోని బాధితులను జిల్లా ఆసుపత్రికి తరలించామని, అప్పటికే మరణించినట్టు వైద్యులు ప్రకటించారని వివరించారు జిల్లా అధికారులు. మృతులను ఇంకా గుర్తించాల్సి ఉందని, వారి గుర్తింపును నిర్ధారించి కుటుంబాలకు సమాచారం అందించేందుకు పోలీసులు ప్రయత్నిస్తున్నట్లు ఓ అధికారి తెలిపారు.
ALSO READ: దీపావళి ఎఫెక్ట్.. డేంజర్ స్థాయిలో ఢిల్లీ వాయు కాలుష్యం, నాలుగు రాష్ట్రాల ప్రజలు ఉక్కిరిబిక్కిరి
ప్రాథమిక సమాచారం మేరకు.. బాధితులు హర్యానాలోని హిసార్ నుంచి హరిద్వార్ వెళ్తుండగా ఈ ఘటన జరిగింది. కారుకు నిప్పంటుకోవడంతో అందులోని ప్రయాణికులు చిక్కుకుపోయారని స్థానికులు తెలిపారు. వేగంగా వస్తున్న కారుకు, ఎదురుగా ఏముందో కనిపించకపోవడంతో ఈ ఘటన జరిగిందని అంటున్నారు.
కారులో మంటలు.. ఆరుగురు సజీవ దహనం
యూపీలోని ముజఫర్‌నగర్‌లో ఘటన
కారు విద్యుత్తు స్తంభాన్ని ఢీకొనడంతో ప్రమాదం #UttarPradesh #Muzaffarnagar #RoadAccident #CarFire #Bigtv pic.twitter.com/3olBQcf162
— BIG TV Breaking News (@bigtvtelugu) November 9, 2026
Share
పాకిస్తాన్ ప్లేయ‌ర్ షూ లేస్ క‌ట్టిన టీమిండియా ప్లేయ‌ర్..షాకింగ్ వీడియో వైర‌ల్
వెట్రిమారన్ సినిమాల్లో అలాంటి సీన్లు ఓకేనా? జాన్వీపై నెటిజన్ల సెటైర్లు
