Uttarakhand Tunnel: ఉత్తరాఖండ్‌లోని ఉత్తరకాశీలో సొరంగంలో చిక్కుకున్న కార్మికులను బయటకు తీసేందుకు సహాయక చర్యలు 17వ రోజుకు చేరుకున్నాయి. సహాయక సిబ్బంది మేన్యువల్ డ్రిల్లింగ్ ప్రక్రియ చేపట్టారు. మంగళవారం ఉదయానికి 51.5 మీటర్లు వరకు పూర్తి అయిన తవ్వకాలు. లోపల చిక్కుకున్న కార్మికులకు సహాయక సిబ్బంది 5 మీటర్ల దూరంలోనే ఉన్నట్టు అధికారులు తెలిపారు. అయితే.. ఇంకా చాలా సమయం పడుతుందని అధికారులు చెబుతున్నారు. మొత్తం 24 మంది నిపుణులు ఈ సహాయక చర్యల్లో పాల్గొన్నారు. శిథిలాలను తొలగిస్తూ, సురక్షితమైన మార్గాన్ని డ్రిల్ చేయడం కత్తిమీద సాములా మారిందని సమాచారం. ఎంత కష్టమైనా కార్మికుల దగ్గరకు చేరుకొని వారిని సురక్షితంగా బయటకు తీసుకొస్తామని అధికారులు చెబుతున్నారు.
అయితే, వాతావరణ పరిస్థితులు కూడా చాలా ఆందోళన కలిగిస్తున్నాయి. ఆ ప్రాంతంలో వర్షం పడే అవకాశం ఉందని వాతావరణ శాఖ తెలిపింది. మరోవైపు ఉష్ణోగ్రతలు 4 డిగ్రీలకు పడిపోయే ప్రమాదం ఉందని హెచ్చరించింది. ఇదే జరిగితే.. సహాయక చర్యలకు ఆటంకాలు ఏర్పడవచ్చు. ఇక కార్మికుల దగ్గరకు చేరుకున్న తర్వాత.. వారిని బయటకు తీసుకురావడం కోసం కూడా ఏర్పాట్లు జరుగుతున్నాయి. వారికి హెల్మేట్లు, యూనిఫామ్లు, మాస్క్లు, గ్లాసెస్ రెడీ చేశారు. టన్నెల్లో చిక్కుకున్న కార్మికుల మానసిక ఆరోగ్యంపై ఆందోళన వ్యక్తమవుతోంది. మొదటి నుంచి ఈ విషయంలో జాగ్రత్తపడుతున్న అధికారులు.. ఓ పైప్ ద్వారా ల్యాండ్ లైన్ని వారి వద్దకు పంపిస్తున్నారు. ప్రతి రోజు ఉదయం 9 నుంచి 11 గంటల వరకు .. సాయంత్రం 5 నుంచి 8 గంటల వరకు వారితో అధికారులు, వైద్యులు మాట్లాడుతున్నారు.
Share
Chandrababu Naidu : మళ్లీ జనంలోకి చంద్రబాబు.. టీడీపీ శ్రేణుల్లో ఉత్సాహం..
Mood Of Telangana-2: గెలిచేది వీళ్ళే.! | Present Telangana Election Analysis 2023 Report | BIG TV
