Beauty of Vanajangi : వనజంగి.. ముద్దాడే నింగి

Beauty of Vanajangi : ఎత్తైన కొండలు.. ఆ కొండలను తాకుతూ వెళ్లే మంచు మేఘాలు. ఆ మేఘాల మధ్యలో నుంచి ఉదయించే ఎర్రని సూర్యుడి అందం చెప్పతరం కాదు.. చూడతరమే. ఇదంతా కలలో కనిపించే మాయ కాదు.. ఇలలో కనిపిస్తున్న ‘వనజంగి’ అందాలు. మరి నింగిని ముద్దాడే ఈ వనజంగి ఎక్కడ ఉంది? దాని ప్రత్యేకతేంటో చూద్దాం రండి.

ఆంధ్రా కులుమనాలి
అది అల్లూరి సీతారామరాజు జిల్లా.. ప్రకృతి అందాలను తనలో దాచుకున్న మన్యం జిల్లా. విశాఖపట్నాకి 100 కి.మీ. దూరంలో.. పాడేరు మండలానికి 10 కి.మీ. దూరంలో ఉన్న ప్రకృతి సోయగాల నిధే ఈ వనజంగి. అతి తక్కువ కాలంలోనే ఫేమస్ అయిన ఈ వనజంగిని ‘ఆంధ్రా కులుమనాలి’గా పిలుచుకుంటారు.

ప్రకృతి అందాల సోయగం
సముద్ర మట్టానికి 3,400 అడుగుల ఎత్తులో ఉండే వనజంగి అందాలను ఆస్వాదించాలంటే.. దాదాపు 5 కి.మీ. ట్రెక్కింగ్ చేయాల్సిందే. ఒక్కసారి ఈ హిల్ ప్రాంతానికి చేరుకుంటే అక్కడ నుంచి సూర్యోదయం, సూర్యాస్తమయం అద్భుతంగా కనిపిస్తుంది. అక్కడ రాత్రి స్టే చేసేందుకు ఫుడ్, టెంట్స్, క్యాంప్ ఫైర్స్ ఉంటాయి. ప్రకృతి ఒడిలో సేదతీరానులకునే ప్రేమికులకు బెస్ట్ లొకేషన్ ఈ వనజంగి.

Share

• 
• 
• 
• 
• 
•