Newtons 3rd Law OTT: ఈ మధ్యకాలంలో థియేటర్లలో విడుదలైన ఎన్నో చిత్రాలు నాలుగు వారాల్లోనే ఓటీటీ స్ట్రీమింగ్ కి వస్తూ అభిమానులను సర్ప్రైజ్ చేస్తున్నాయి. ముఖ్యంగా క్రైమ్, హార్రర్, ఇన్వెస్టిగేషన్ థ్రిల్లర్ సినిమాలకు ఇప్పుడు ప్రేక్షకులలో ప్రత్యేకమైన ఆదరణ లభిస్తోంది. ముఖ్యంగా ఊహించని ట్విస్ట్ లు, మర్డర్ మిస్టరీలు , పోలీస్ ఇన్వెస్టిగేషన్ నేపథ్యంలో సాగే కథలకు కూడా ఆదరణ లభిస్తోంది. ఇప్పుడు అలాంటి ఒక ఆసక్తికరమైన క్రైమ్ ఇన్వెస్టిగేషన్ థ్రిల్లర్ ‘న్యూటన్స్ థర్డ్ లా’ సైలెంట్ గా ఓటీటీ లోకి వచ్చేసి అభిమానులను సర్ప్రైజ్ చేసింది.
అక్కినేని సుమంత్ (Akkineni Sumanth) హీరోగా ఇటీవల థియేటర్లలో విడుదలైన క్రైమ్ ఇన్వెస్టిగేషన్ థ్రిల్లర్ మూవీ న్యూటన్స్ థర్డ్ లా.. ఈ సినిమా తాజాగా నెల రోజుల్లోనే ఓటీటీ బాట పట్టింది. ముఖ్యంగా తెలుగు ఓటీటీ ప్లాట్ఫామ్ ఈటీవీ విన్ లో ఆగస్టు 27న స్ట్రీమింగ్ కి రాగా, ఆగస్టు 28 నుంచి నెట్ ఫ్లిక్స్ లో స్ట్రీమింగ్ కి అందుబాటులోకి వచ్చింది. ముఖ్యంగా తెలుగు, తమిళ్ ,మలయాళం , కన్నడ, హిందీ భాషల్లో ఈ సినిమా ఓటీటీ స్ట్రీమింగ్ కి రావడం గమనార్హం.
థియేటర్లలో మిశ్రమ స్పందన లభించినప్పటికీ.. ఇలాంటి థ్రిల్లర్ కథలు ఓటీటీ ప్రేక్షకులకు బాగా కనెక్ట్ అయ్యే అవకాశం కనిపిస్తోంది. దీంతో ఈ సినిమాకి ఎలాంటి రెస్పాన్స్ లభిస్తుందనే ఆసక్తి నెలకొంది. ఈ చిత్రానికి రాజేష్ ఖన్నా దర్శకత్వం వహించగా.. సుమంత్ తో పాటు సీనియర్ నటుడు జగపతిబాబు, అవసరాల శ్రీనివాస్ కీలక పాత్రలు పోషించారు. రవి వర్మ, త్రినాథ్ వర్మ, నేహా పఠాన్, షెల్లీ ఎన్ కుమార్, రూపేష్, హరిని రావు, పండిట్ గౌతమ్ , అభినయ తదితరులు కీలకపాత్రలు పోషించారు. ఈ చిత్రానికి సింజిత్ ఎర్రమల్లి సంగీతం అందించగా, హరీష్ కొహిర్కర్ నిర్మించారు.
ALSO READ: టాక్సిక్’ ఫ్లాప్ పై నయనతార క్రేజీ రియాక్షన్!
ఈ సినిమా స్టోరీ విషయానికి వస్తే.. ఈ సినిమా కథ మొత్తం ఒక అనుమానాస్పద మరణం చుట్టూ తిరుగుతుంది. ఇంజనీరింగ్ విద్యార్థి వినయ్ (త్రినాథ్ వర్మ) ఒకరోజు ఇంటి పైనుంచి పడి మృతి చెందుతాడు. మొదట ఇది సాధారణ ప్రమాదమా? లేక ఆత్మహత్య ? అనే సందేహాలు వ్యక్తం అవుతాయి. అయితే కేసు దర్యాప్తులో ఊహించని మలుపు చోటు చేసుకుంటుంది. వినయ్ మృతదేహానికి నిర్వహించిన పోస్ట్ మార్టం నివేదికలో అతని తలలో బుల్లెట్టు ఉన్నట్లు బయటపడుతుంది. దీంతో ఈ కేసు సాధారణ ప్రమాదం కాదని స్పష్టం అవుతుంది. ఇక ఈ మిస్టరీని ఛేదించేందుకు పోలీస్ ఆఫీసర్ వాసుదేవ్ (సుమంత్) రంగంలోకి దిగుతాడు. దర్యాప్తు ప్రారంభించిన కొద్ది వినయ్ జీవితం వెనుక దాగివున్న రహస్యాలు ఒక్కొక్కటిగా బయటకు వస్తాయి. ఒక్కో ప్రశ్నకు సమాధానం వెతికే కొద్దీ మరో కొత్త ట్విస్ట్ బయటపడేలా దర్శకుడు ఈ కథను చాలా అద్భుతంగా రూపొందించారు. థియేటర్లలో మిశ్రమ స్పందన అందుకున్న ఈ సినిమా ఇటు ఓటీటీలో ఎలాంటి ఆదరణ దక్కించుకుంటుందో చూడాలి.
Share
స్థానిక ఎన్నికలను అడ్డుకోవడానికి జగన్ కుట్రలు.. సీఎం చంద్రబాబు ఫైర్!
రోబో వ్యాక్యూమ్‌తో భార్య ఎఫైర్ బట్టబయలు.. రూ.15 లక్షలు గెలిచి.. చివరికి జైలు పాలైన భర్త!
