OTT Movie : ఒంట్లో వణుకు పుట్టించే తమిళ సైకో కిల్లర్ మూవీస్ చూడాలనుకుంటున్నారా ? అయితే వీటిని మాత్రం మిస్ చేయకండి. ఒక్కసారి చూశాక మళ్ళీ చూడాలనిపించే విధంగా ఉంటాయి. ఒక వేల ఇదివరకే వీటిని చూసినా, మళ్ళీ ఈ వీకెండ్ ఫ్యామిలీతో కలసి చూసి ఎంజాయ్ చేయండి. ఈ సినిమాల పేర్లు ఏమిటి ? ఎందులో స్ట్రీమింగ్ అవుతున్నాయి ? అనే వివరాల్లోకి వెళితే ..
రాట్సాసన్ సిగప్పు రోజక్కల్ (Ratsasan Sigappu Rojakkal)
1978లో విడుదలైన ఈ తమిళ సైకలాజికల్ థ్రిల్లర్ మూవీకి భారతీరాజా దర్శకత్వం వహించారు. కమల్ హాసన్, శ్రీదేవి నటించిన ఈ సినిమాలో గౌండమణి , భాగ్యరాజ్, వడివుక్కరాసి సహాయక పాత్రల్లోనటించారు. ఈ స్టోరీ స్త్రీలతో ఏకాంతంగా గడిపిన తరువాత, రహస్యంగా వాళ్ళను చంపే దిలీప్ అనే సైకో చుట్టూ తిరుగుతుంది. 1978న విడుదలైన ఈ సినిమా చాలా థియేటర్లలో 175 రోజులు పూర్తి చేసుకుంది. ఇది ఉత్తమ నటుడు, ఉత్తమ దర్శకుడు విభాగాలలో రెండు ఫిల్మ్‌ఫేర్ అవార్డులను గెలుచుకుంది. ఈ సినిమాని భారతీరాజా స్వయంగా హిందీలో రెడ్ రోజ్ (1980) పేరుతో రీమేక్ చేశారు. ఈ మూవీ యూట్యూబ్ (Youtube) లో స్ట్రీమింగ్ అవుతోంది.
అన్నీయన్ (Anniyan)
2005లో విడుదలైన ఈ తమిళ సైకలాజికల్ యాక్షన్ థ్రిల్లర్ మూవీకి ఎస్ . శంకర్ దర్శకత్వం వహించగా , వి. రవిచంద్రన్ నిర్మించారు. ఈ మూవీలో విక్రమ్ చట్టాన్ని గౌరవించే న్యాయవాదిగా నటించాడు. అతను డిసోసియేటివ్ ఐడెంటిటీ డిజార్డర్‌తో బాధపడుతుంటాడు. తెలుగులో ‘అపరిచితుడు’ గా వచ్చి మంచి విజయాన్ని అందుకుంది. ఇందులో విక్రమ్, సధ , ప్రకాష్ రాజ్ , వివేక్ , నేడుముడి వేణు , నాసర్ నటించారు. ఈ మూవీ జీ 5 (Zee 5), యూట్యూబ్ (Youtube) లో స్ట్రీమింగ్ అవుతోంది.
వెట్టైయాడు విలైయాడు (Vettaiyaadu Vilaiyaadu)
2006 లో విడుదలైన ఈ తమిళ నియో-నోయిర్ యాక్షన్ థ్రిల్లర్ మూవీకి గౌతమ్ వాసుదేవ్ మీనన్ దర్శకత్వం వహించారు. ఈ మూవీలో కమల్ హాసన్, జ్యోతిక ప్రధాన పాత్రల్లో నటించగా , కమలినీ ముఖర్జీ , ప్రకాష్ రాజ్ , డేనియల్ బాలాజీ, సలీం బేగ్ సహాయక పాత్రలు పోషించారు.ఈ స్టోరీ ఇద్దరు సీరియల్ కిల్లర్లైన అముధన్, ఇల్లమారన్‌లను పట్టుకోవడానికి ప్రయత్నించే DCP రాఘవన్ చుట్టూ తిరుగుతుంది. ఈ సినిమాకి హారిస్ జయరాజ్ సంగీతం అందించారు. ఈ సినిమాకు కమల్ హాసన్ ఉత్తమ నటుడిగా తమిళనాడు రాష్ట్ర చలనచిత్ర అవార్డును గెలుచుకున్నారు . ఈ మూవీ జీ 5 (Zee 5) లో స్ట్రీమింగ్ అవుతోంది.
ఇమైక్కా నోడిగల్ (Imaikkaa Nodigal)
2018లో విడుదలైన ఈ తమిళ యాక్షన్ థ్రిల్లర్ సినిమాకి ఆర్. అజయ్ జ్ఞానముత్తు దర్శకత్వం వహించారు. ఇందులో నయనతార , అథర్వ , రాశి ఖన్నా ప్రధాన పాత్రల్లో నటించగా, అనురాగ్ కశ్యప్ , బేబీ మనస్వి , వినోద్ కిషన్ , రమేష్ తిలక్ , దేవన్ సహాయక పాత్రల్లో నటించారు. ఇందులో విజయ్ సేతుపతి అతిధి పాత్రలో కనిపిస్తారు. హిప్హాప్ తమిజా సంగీతం సమకూర్చగా, సిజె జయకుమార్ ఈ సినిమాను నిర్మించారు. ఈ స్టోరీ ఒక సీరియల్ కిల్లర్‌ను తెలివైన సిబిఐ అధికారి ఎలా పట్టుకుంటారనేదానిపై తిరుగుతుంది. అమెజాన్ ప్రైమ్ వీడియో (Amazon prime video) లో ఈ మూవీ స్ట్రీమింగ్ అవుతోంది.
Read Also : మహిళ మర్డర్ కేసులో ఊహించని ట్విస్ట్ లు … కేక పెట్టించే క్రైమ్ థ్రిల్లర్
Share
Human Workers No AI: ఏఐ ఉందిగా అని ఉద్యోగులను తొలగించిన కంపెనీ.. నిండా మునిగింది
Ap Govt: ఏపీలో కొత్త పథకం.. ఫ్యామిలీకి రూ. 25 లక్షల వరకు
