Avihitham: మలయాళం సినిమాలకు ఇండియన్ సినిమాల్లో ఓ సపరేట్ ఫ్యాన్ బేస్ ఉంటుంది. ఈ సినిమాలు మలయాళంలోనే కాదు ఇతర భాషల్లో కూడా హిట్ అవడానికి కారణం మెసేజ్ ఓరియంటెడ్ సినిమాలను తీసుకురావడమే. అయితే అలాంటి ఒక సినిమానే ఓటీటిలోకి రాబోతుంది. అదే అవిహితం.. సెన్నా హెగ్డే డైరెక్షన్లో వచ్చిన ఈ బ్లాక్ కామెడీ మూవీ ఓ గ్రామంలో ఉండే పురుషుల చుట్టూనే కథ అంతా తిరుగుతుంది. ముఖ్యంగా పితృస్వామ్య నేపథ్యంలో మహిళలు ఎలాంటి ఇబ్బందులు ఎదుర్కొంటారు? అనేది ఈ సినిమాలో ప్రధానంగా చూపించారు. థియేటర్లో విడుదలైన నెల తర్వాత ఈ మూవీ నవంబర్ 14న ఓటీటీలోకి రాబోతుంది.
ఈ కథ ఏంటంటే..ప్రకాశన్ ఇద్దరి మధ్య ఉన్న అక్రమ సంబంధం గురించి ఓ పుకారు క్రియేట్ చేస్తాడు.ఆ తర్వాత వారు రహస్యంగా ఎక్కడ కలుసుకుంటున్నారో తెలియడానికి వాళ్లపై నిఘా పెడతాడు. అలా ప్రకాశన్ రహస్యంగా దాక్కొని చూస్తూ ఉన్నప్పుడు అతను.. పిండి మిల్ లో పనిచేసే వినోద్ అని గుర్తిస్తాడు. కానీ ప్రకాశన్ ఆ మహిళ ముఖాన్ని సరిగ్గా చూడకపోయినప్పటికీ ఆ తర్వాత మళ్లీ ఆమె నిర్మల అని నిర్ధారించుకుంటాడు.ఆ తర్వాత స్థానిక దర్జీ అయినటువంటి వేణు దగ్గరకి వెళ్లి ఈ విషయాన్ని బయట పెడతారు. అలా రాత్రిపూట బయటకు వెళ్లిన ఆ జంటను చూడడం కోసం వీరు రహస్యంగా వెళ్తారు.అలా ఆ మహిళ ఎవరో గుర్తుపట్టి ఈ విషయాన్ని ఆ మహిళ ఇంట్లో వాళ్లకి చెప్పినప్పుడు చాలామంది అక్కడికి రావడంతో పరిస్థితి గందరగోళంగా మారుతుంది.
also read:Dilraju: ఓల్డ్ ఈజ్ గోల్డ్.. వెనక్కి వెళ్తున్న దిల్ రాజు.. ఈ ఆలోచన వర్కౌట్ అవుతుందా?
ఈ చిత్రం సారాంశం ఏంటంటే.. పురుషులు.. వారి వ్యవహారాల గురించి కొన్ని గాసిప్ లతో నిండిన ఓ గ్రామంలో సమాజం మహిళల గుర్తింపులను ఎలా అసంబద్ధంగా తీర్పు ఇస్తుంది అనేది ఈ మూవీలో చూడవచ్చు. అంతేకాదు పితృస్వామ్య పరిపాలనలో కూతుర్లు ఎలాంటి ఇబ్బందులు ఎదుర్కొన్నారు అనే విషయాలను కూడా ఈ సినిమాలో చూపించారు. మహిళల పట్ల పురుషుల ఆలోచన ధోరణి ఎలాంటిది? అసలు కాలం మారుతున్నా.. ఎందుకు మహిళలను తక్కువగా చూస్తున్నారు? అనే కథాంశాలతో మంచి కాన్సెప్ట్ తో వచ్చిన ఈ సినిమా ఇప్పుడు ఓటీటీలో అలరించడానికి సిద్ధమవుతోంది.
ఇక ఈ మూవీలో ఉన్ని రాజ్, వినీత్ చాక్యార్, రెంజీ కంకోల్, ధనేష్ కోలియత్, రాకేష్ ఉషార్, బృందా మీనన్, అజిత్ పున్నద్ వంటి వాళ్ళు కీలక పాత్రల్లో పోషించారు.. సెన్నా హెగ్డే ఈ సినిమాకి దర్శకత్వం వహించగా.. అంబరీష్ కలతేరా రచయితగా వ్యవహరించారు. అలా నవంబర్ 14 నుండి అవిహితం అనే మూవీ జియో హాట్ స్టార్ లో స్ట్రీమింగ్ కాబోతోంది. ఈ మూవీ మలయాళం తో పాటు తెలుగు,తమిళ,కన్నడ, హిందీ భాషల్లో కూడా అందుబాటులోకి రానుంది. థియేటర్లలో ప్రేక్షకులను అలరించిన ఈ సినిమా ఓటీటీలో అంతకుమించి రికార్డు క్రియేట్ చేయాలని చిత్ర బృందం ఆశాభావం వ్యక్తం చేస్తోంది.
Share
Jammu Kashmir Encounter: కశ్మీర్ లో ఎన్‌కౌంటర్‌.. ఇద్దరు టెర్రరిస్టులను లేపేసిన భారత ఆర్మీ
Motorola Mobile Offer: ఫ్లిప్‌కార్ట్‌లో హాట్ డీల్‌.. రూ.19వేల మోటరోలా ఫోన్‌ ఇప్పుడు కేవలం రూ.15వేల లోపే..
