Colombian Comedy Drama Series: పెళ్లయి ఇరవై ఏళ్లు గడిచిపోయాయి. అయితే భార్య జీవితంలోకి మరో వ్యక్తి రావడంతో ఆ ఇంట్లో ఊహించని రచ్చ జరుగుతుంది. అలాంటి కంటెంట్ తో ఓ కామెడీ సిరీస్ ఓటీటీలో ఆకట్టుకుంటోంది. ప్రేమ, పెళ్లి, కుటుంబ గొడవలు, కామెడీ, ఎమోషన్స్ అన్నీ కలిపిన పాపులర్ సిరీస్ ‘Betty La Fea: The Story Continues’ సీజన్ 3 ఇప్పుడు Prime Videoలో స్ట్రీమింగ్ అవుతోంది. ఫ్యామిలీ డ్రామా, భార్యాభర్తల మధ్య సమస్యలు, పాత ప్రేమ మళ్లీ రావడం, బిజినెస్ గొడవలు, కామెడీతో కూడిన కథలు ఇష్టపడేవారికి ఈ సిరీస్ వీకెండ్ బింజ్.
కథ చాలా సంవత్సరాల తర్వాత మళ్లీ బెట్రీ, డాన్ ఆర్మాండో జీవితంలోకి తీసుకెళ్తుంది. వీరిద్దరూ ఇప్పుడు టీనేజ్ కుమార్తెకు తల్లిదండ్రులు. ఒకప్పుడు ఎంతో ప్రేమగా ఉన్న ఈ దంపతుల మధ్య మాత్రం పరిస్థితులు అంత సాఫీగా ఉండవు. బెట్రీ తన జీవితాన్ని, కెరీర్ను, తనకంటూ ఉన్న కలలను కొత్తగా ఆలోచించుకోవడం మొదలుపెడుతుంది. మరోవైపు ఆర్మాండో మాత్రం బెట్రీని తిరిగి తన దగ్గరకు తీసుకురావాలని ప్రయత్నిస్తుంటాడు.
ఇంతలో బెట్రీ జీవితంలోకి ఆమె పాత పరిచయం అయిన మిషెల్ మళ్లీ వస్తాడు. బెట్రీ అతనితో సన్నిహితంగా మారుతుండటం ఆర్మాండోలో అసూయ పెరుగుతుంది. ఇద్దరి మధ్య పాత ప్రేమ మళ్లీ మంటలు రేపుతుంటే, ఎకోమోడా బిజినెస్ కూడా మరో పెద్ద సమస్యలో చిక్కుకుంటుంది. కంపెనీని కొనుగోలు చేయడానికి వచ్చే ఆఫర్, దాని వెనుక ఉన్న కుట్రలు, కుటుంబ సభ్యుల మధ్య విభేదాలు కథను మరింత ఆసక్తికరంగా మారుస్తాయి.
అంతేకాదు, బెట్రీ తన అధ్యక్ష పదవిని వదిలి రచయితగా తన కలను కొనసాగించాలని అనుకోవడం మరో మలుపు. ఆ సమయంలో మిలా, రోమాన్ సంబంధం, ఎకోమోడాను కాపాడేందుకు రోమాన్ చేసే ప్రయత్నాలు, ఏంజెల్కు సంబంధించిన మోసం వంటి విషయాలు ఒక్కొక్కటిగా బయటపడతాయి. మరి బెట్రీ, ఆర్మాండో చివరికి కలిసి ఉంటారా? మిషెల్ ఎంట్రీతో వారి పెళ్లి పరిస్థితి ఏమవుతుంది? ఎకోమోడాను కాపాడేది ఎవరు? చివర్లో వచ్చే ఊహించని వ్యక్తి ఎవరు? అనేదే సీజన్లో అసలు ట్విస్ట్.
‘Betty La Fea: The Story Continues’ సీజన్ 3లో అనా మారియా ఒరోజ్కో, జార్జ్ ఎన్రికే అబెల్లో, నటాలియా రామిరెజ్ ప్రధాన పాత్రల్లో నటించారు. ఈ సీజన్లో మొత్తం 10 ఎపిసోడ్లు ఉన్నాయి. సీజన్ 3 ఆగస్టు 28, 2026 నుంచి Prime Videoలో అన్ని ఎపిసోడ్లతో స్ట్రీమింగ్ అవుతోంది. Prime Video లో తెలుగు ఆడియోలో కూడా అందుబాటులో ఉంది.
Share
లింగమనేని కొడుకు కేసు.. పోలీసుల విచారణపై అనుమానం
ఇరుముడి సక్సెస్ పెరిగిన కొమరక్క రెమ్యూనరేషన్.. ఫస్ట్ జీతం ఎంతో తెలుసా?
