Period Medical Drama: ఈ మధ్యకాలంలో కె-డ్రామాలకు (Korean Dramas) తెలుగు ఆడియన్స్ లో విపరీతమైన క్రేజ్ పెరిగింది. కేవలం యాక్షన్, రొమాన్స్ కాకుండా లైఫ్ కి కనెక్ట్ అయ్యే ఎమోషనల్ స్టోరీస్ ని కొరియన్ మేకర్స్ అద్భుతంగా తెరకెక్కిస్తున్నారు. ఆ కోవకు చెందినదే ‘Poong, the Joseon Psychiatrist’ కొరియన్ వెబ్ సిరీస్. జోసోన్ కాలం నాటి పీరియడ్ మెడికల్ డ్రామాగా వచ్చిన ఈ క్రేజీ సిరీస్ ప్రస్తుతం Amazon Prime Video లో స్ట్రీమింగ్ అవుతోంది. మనసుకి హత్తుకునే విజువల్స్ తో ఈ వెబ్ సిరీస్ ని రూపొందించారు.
యూ సే-పూంగ్ (కిమ్ మిన్-జే) రాయల్ ప్యాలెస్ లోనే అత్యంత ప్రతిభావంతుడైన అక్యుపంక్చర్ డాక్టర్. రాజకుటుంబానికి చికిత్స చేసే అతనంటే అందరికీ ఎంతో గౌరవం. కానీ, ఒక పెద్ద కుట్ర కారణంగా ప్యాలెస్ లో ఒక రాయల్ మెంబర్ మరణిస్తాడు, ఆ నింద పూంగ్ పై పడుతుంది. దాంతో అతను ఆ రాజభవనాన్ని వదిలేసి రోడ్డుపైకి రావాల్సి వస్తుంది. ఆ మానసిక బాధతో అతను తన అక్యుపంక్చర్ స్కిల్ ని కూడా కోల్పోతాడు.
ఆ తర్వాత పూంగ్ ఒక చిన్న విలేజ్ లో ఉన్న గ్యెసు క్లినిక్ కి చేరుకుంటాడు. అక్కడ అతనికి ఒక విచిత్రమైన డాక్టర్, ఒక వితంతువు అయిన సీయున్-వూ పరిచయమవుతారు. అక్కడ పూంగ్ కి ఒక విషయం అర్థమవుతుంది.. కేవలం శరీరానికి మాత్రమే కాదు, మనసు ముక్కలైన వాళ్లకి కూడా వైద్యం అవసరమని. అలా అతను ఆ ఊరి ప్రజల మానసిక సమస్యలను, గుండె గాయాలను నయం చేసే సైకియాట్రిస్ట్‌గా మారుతాడు. ఈ ప్రాసెస్ లో వచ్చే ఎమోషనల్ ఎపిసోడ్స్ ఆడియన్స్ హార్ట్ ని టచ్ చేస్తాయి. ఒక బ్యూటిఫుల్, పీస్ ఫుల్ ఫీల్ గుడ్ సిరీస్ చూడాలనుకుంటే ప్రైమ్ లో దీన్ని వెంటనే చూసేయండి.
‘Poong, the Joseon Psychiatrist’ కేవలం ఒక పీరియడ్ డ్రామా కాదు, ప్రతి ఎపిసోడ్ మనసుని ప్రశాంతంగా మార్చే ఒక ‘హీలింగ్ మెడిసిన్’ లాంటిది. ఇందులో కిమ్ మిన్-జే, కిమ్ హ్యాంగ్-గి ల మధ్య కెమిస్ట్రీ చాలా క్యూట్‌గా ఉంటుంది. విలేజ్ బ్యాక్‌డ్రాప్, అక్కడి క్యారెక్టర్స్ చేసే కామెడీ సిరీస్‌ను ఎక్కడా బోర్ కొట్టించకుండా చూస్తాయి. ఈ క్లాసిక్ సిరీస్ అమెజాన్ ప్రైమ్ వీడియోలో ఒరిజినల్ ఆడియో, ఇంగ్లీష్ సబ్‌టైటిల్స్‌తో లభిస్తోంది. తెలుగు డబ్బింగ్ ప్రస్తుతం అందబాటులో లేదు. ఇది తెలుగు ఓటీటీ ఆడియన్స్ కి కొంచె నిరాశ కలిగించే విషయమనే చెప్పాలి.
Share
'దారిపొంటొతుండు'తో సెన్సేషన్..మామిడి మౌనిక పాటకు రూ.లక్షల్లో పారితోషికమా?
కొటియా సరిహద్దుల్లో మళ్లీ తీవ్ర ఉద్రిక్తత.. 21 గ్రామాలను ముట్టడించిన పోలీసులు!
