Korean Spy Action Thriller: చనిపోయాడని ప్రపంచాన్ని నమ్మించి తొమ్మిదేళ్లుగా రహస్య జీవితం గడుపుతున్న ఓ మాజీ ఇంటెలిజెన్స్ ఆఫీసర్… కానీ ఒకరోజు అతని కోసం వచ్చిన ప్రొఫెషనల్ కిల్లర్ ఎవరో తెలిసి షాక్ అవుతాడు. శత్రువు కాదు… తన సొంత కూతురే అతన్ని చంపడానికి వస్తే పరిస్థితి ఎలా ఉంటుంది ? తండ్రి ప్రాణాలు కాపాడుకోవడానికి పోరాడుతుంటే, కూతురు మాత్రం అతడిని దేశద్రోహిగా భావించి వేటాడితే ? ఈ తండ్రీకూతుళ్ల మధ్య జరిగే ఎమోషనల్ యాక్షన్ గేమ్, హై-వోల్టేజ్ స్పై థ్రిల్లర్ ‘బటర్‌ఫ్లై’ (Butterfly). మరి ఈ సిరీస్‌ను ఎక్కడ చూడవచ్చు ? తెలుగులో ఎక్కడ స్ట్రీమింగ్ అవుతోంది ? అనే వివరాలను తెలుసుకుందాం పదండి.
డేవిడ్ జంగ్ ఒకప్పుడు అమెరికాకు చెందిన అత్యంత ప్రతిభావంతుడైన సీక్రెట్ ఇంటెలిజెన్స్ ఆఫీసర్. తన గతానికి సంబంధించిన ఒక ప్రమాదకరమైన రహస్యాన్ని దాచుకోవడానికి తొమ్మిదేళ్ల క్రితం తాను చనిపోయినట్లు ప్రపంచాన్ని నమ్మిస్తాడు. ఆ తర్వాత తన అసలు గుర్తింపును పూర్తిగా దాచుకుని దక్షిణ కొరియాలో ప్రశాంతమైన, రహస్య జీవితాన్ని గడుపుతుంటాడు. ప్రపంచం దృష్టిలో డేవిడ్ జంగ్ ఇక లేడు. కానీ అతని గతం మాత్రం అతన్ని ఇంకా వెంటాడుతూనే ఉంటుంది.
డేవిడ్ జీవితం ప్రశాంతంగా సాగుతున్న సమయంలో ‘కాడిస్’ అనే అంతర్జాతీయ స్పై ఆర్గనైజేషన్‌కు అతను ఇంకా బతికే ఉన్నాడనే విషయం తెలుస్తుంది. గతంలో డేవిడ్‌తో ఉన్న సంబంధాలు, అతని వద్ద ఉన్న రహస్య సమాచారం కారణంగా అతన్ని ఎలాగైనా అంతం చేయాలని ఆ సంస్థ నిర్ణయిస్తుంది. అయితే డేవిడ్‌ను చంపేందుకు పంపిన వ్యక్తి సాధారణ కిల్లర్ కాదు.
కాడిస్ అత్యంత ప్రమాదకరమైన ఒక ప్రొఫెషనల్ అసాసిన్‌ను రంగంలోకి దింపుతుంది. ఆమెను ఎదుర్కొన్న డేవిడ్‌కు ఒక్క క్షణంలో ప్రపంచమే తలకిందులైనంత షాక్ ఎదురవుతుంది. ఎందుకంటే తనను చంపడానికి వచ్చిన ఆ కిల్లర్ మరెవరో కాదు… తన సొంత కూతురు రెబెక్కా. డేవిడ్ తొమ్మిదేళ్ల క్రితమే చనిపోయాడని నమ్మిన రెబెక్కా, అతడిని ఒక దేశద్రోహిగా భావిస్తుంది. కాడిస్ ఆమెను చిన్నప్పటి నుంచి ఒక కోల్డ్ బ్లడెడ్ కిల్లర్‌గా తీర్చిదిద్దడంతో, తన తండ్రిని చంపడమే తన బాధ్యత అని నమ్ముతుంది. మరోవైపు డేవిడ్ మాత్రం తన కూతురిని చంపడం కాదు, ఆమె నిజం తెలుసుకునేలా చేయాలని ప్రయత్నిస్తాడు.
ఇక్కడి నుంచే తండ్రీకూతుళ్ల మధ్య అసలు మైండ్ గేమ్ మొదలవుతుంది. ఒకవైపు కాడిస్ నుంచి తప్పించుకోవాలి, మరోవైపు తన ప్రాణాల కోసం వేటాడుతున్న కూతురి నుంచి బయటపడాలి. మరి కాడిస్ అసలు లక్ష్యం ఏంటి ? డేవిడ్ గతంలో దాచిన రహస్యం ఏమిటి ? రెబెక్కాను ఎవరు, ఎందుకు ఇంత ప్రమాదకరమైన హంతకురాలిగా మార్చారు ? అనే ప్రశ్నలకు సమాధానం కావాలంటే ఈ సిరీస్ ను చూడాల్సిందే.
డేనియల్ డే కిమ్, రీనా హార్డెస్టి ప్రధాన పాత్రల్లో నటించిన ‘బటర్‌ఫ్లై’ సిరీస్‌కు మొత్తం 6 ఎపిసోడ్లు ఉన్నాయి. దక్షిణ కొరియాలోని సియోల్, బుసాన్, దేగు వంటి ప్రాంతాల నేపథ్యంలో సాగే ఈ స్పై యాక్షన్ థ్రిల్లర్‌కు హాలీవుడ్ మేకింగ్‌తో పాటు కొరియన్ క్రైమ్ థ్రిల్లర్ టచ్ కూడా కనిపిస్తుంది. ప్రస్తుతం అమెజాన్ ప్రైమ్ వీడియో (Amazon Prime Video)లో ఈ సిరీస్ అందుబాటులో ఉంది. సిరీస్ ఇంగ్షీషుతో పాటు తెలుగు, హిందీ, తమిళం ఆడియోల్లోనూ ఉంది. తండ్రీకూతుళ్ల ఎమోషన్‌తో పాటు స్పై యాక్షన్, చేజింగ్, మైండ్ గేమ్స్ ఉండే సిరీస్ కోసం వెతుకుతుంటే ఈ సిరీస్ మంచి ఛాయిస్.
Read Also: దర్జీ చెప్పిన ఒక్క అబద్ధం… రెండు దేశాలను యుద్ధానికి దించిందంటే నమ్ముతారా భయ్యా ?
Share
టీటీడీ భక్తులకు బిగ్ అలర్ట్.. ఈ విషయంలో జాగ్రత్త లేకపోతే మీ డబ్బులు గోవిందా!
ఎండిపోయిన నిమ్మ తొక్కలతో దోమలకు చెక్.. 3 సింపుల్ ట్రిక్స్ ఇవిగో
