OTT Movie : సినిమా ఇప్పుడు నిత్యవసర వస్తువుగా మారిపోయింది. ఎంటర్టైన్మెంట్ కోసం ఎక్కువగా సినిమాల వైపే చూస్తున్నారు జనాలు. అయితే థియేటర్ లనుంచి ఓటీటీ లోకి ఇప్పుడు అన్ని సినిమాలు వచ్చేస్తున్నాయి. వీటిలో కొన్ని సినిమాలు చాలా ప్రత్యేకంగా ఉంటాయి. అటువంటి మూవీ గురించి ఈ రోజు మనం చెప్పుకుందాం. ఇందులో పిల్లలు లేని దంపతులకు ఒక వింత జీవి దొరుకుతుంది. దానిని ఆ దంపతులు సొంత పిల్లలా పెంచుతారు. ఆతరువాత కొన్ని దారుణమైన సంఘటనలు జరుగుతాయి. ఈ మూవీ పేరు ఏమిటి ?ఎందులో స్ట్రీమింగ్ అవుతుందో వివరాల్లోకి వెళితే ..
అమెజాన్ ప్రైమ్ వీడియో (Amazon prime video)లో
ఈ మూవీ పేరు ‘లాంబ్’ (Lamb). 2021 లో విడుదలైన ఈ ఐస్లాండిక్ ఫోక్ హారర్ మూవీకి వాల్డిమార్ జోహన్సన్ దర్శకత్వం వహించారు. ఇందులో నోవామీ రాపస్, హిల్మిర్ స్నేర్ గుడ్నాసన్ ప్రధాన పాత్రల్లో నటించారు. ఈ సినిమా ఒక వింత గొర్రె చుట్టూ తిరుగుతుంది. ఈ మూవీ బాక్సాఫీస్ వద్ద నాలుగు మిలియన్లు వసూలు చేసింది. ఇది 94వ అకాడమీ అవార్డ్స్లో ఉత్తమ అంతర్జాతీయ చలనచిత్రం కోసం పోటీ పడింది. ఈ మూవీ అమెజాన్ ప్రైమ్ వీడియో (Amazon prime video) లో స్ట్రీమింగ్ అవుతుంది.
స్టోరీలోకి వెళితే
మరియా, ఇంగ్వర్ అనే దంపతులు ఐస్లాండ్లోని ఒక ప్రాంతంలో, గొర్రెల పెంపకం చేస్తూ జీవిస్తుంటారు. వారి జీవితం రొటీన్గా సాగుతూ ఉంటుంది. వాళ్ళు సంతోషంగా గడిపి కూడా చాలా రోజులు అవుతుంది. గతంలో వాళ్ళకు ఒక ఆడ బిడ్డ పుడుతుంది. పుట్టిన కొన్ని రోజులకే ఆమె చనిపోతుంది. ఆ బాధను వాళ్ళు ఇంకా భరిస్తున్నారు. అయితే ఒక రోజు వారి గొర్రెలలో ఒకటి అసాధారణమైన జీవికి జన్మనిస్తుంది. అది సగం గొర్రె, సగం మానవ రూపంలో ఉంటుంది. దానిని చూసి ఆ దంపతులు ఆశ్చర్యపోతారు. ఇక దానిని తమ సొంత బిడ్డలా చూసుకోవాలని నిర్ణయించుకుంటారు. ఈ జీవికి వారు ‘అడా’ అని పేరు పెట్టి పిలుస్తారు. ఆ పేరు ఒకప్పుడు తమ కూతురుకు పెట్టి ఉంటారు. ఇక అప్పట్నుంచి వారి జీవితంలో అడా ఆనందాన్ని తెస్తుంది. వారి ఒంటరితనాన్ని, గత బాధలను మరచిపోయేలా చేస్తుంది.
కొన్ని రోజులకు ఇంగ్వర్ సోదరుడు పేటుర్ వారి ఇంటికి వస్తాడు. అడా గురించి తెలుసుకుని షాక్ అవుతాడు. ఒకసారి దానిని చంపాలి అనుకుంటాడు. అలా చేయలేక, అతను కూడా క్రమంగా అడాతో బంధం పెంచుకుంటాడు. ఇలా సాగిపోతున్న క్రమంలో ఊహించని సంఘటన ఎదురు పడుతుంది. అడా కు సంభందించిన ఒక భయంకరమైన జీవి అక్కడికి వస్తుంది. అది మరెవరో కాదు సగం గొర్రె, సగం మానవ రూపంలో ఉండే అడా తండ్రి. అది రావడంతో వీళ్ళ జీవితాలు పూర్తిగా మారిపోతాయి. చివరికి ఇంగ్వర్ దంపతులకు అడా తండ్రి వల్ల ఏమైనా సమస్యలు వస్తాయా? అడాను తన తండ్రి తీసుకెళ్తాడా ? ఈ విసహయాలను తెలుసుకోవాలి అనుకుంటే, ఈ మూవీని మిస్ కాకుండా చూడండి.
Share
Horoscope Today March 29th: ఆ రాశి వారికి ఆకస్మిక ధనలాభం – ఇతరులతో జాగ్రత్తగా వ్యవహరించాలి
Sandalwood For Skin: గంధంలో ఈ 2 కలిపి వాడితే.. అమ్మాయిలే అసూయపడే అందం
