Crime Comedy Drama on OTT : ఒక ప్రమాదకరమైన గ్యాంగ్స్టర్ను పట్టుకోవడానికి ఓ ఏజెంట్ అండర్ కవర్గా రంగంలోకి దిగుతాడు. టార్గెట్ను పట్టుకోవడం పెద్ద కష్టమేమీ కాదని అనుకుంటాడు. కానీ మిషన్ మొదలైన తర్వాత ఒక్కో అడుగులో ఒక్కో సమస్య ఎదురవుతుంది. అసలు దొంగను పట్టుకోవాల్సిన ఏజెంట్నే పరిస్థితులు ఉక్కిరిబిక్కిరి చేస్తే ? సీరియస్గా మొదలైన మిషన్ కాస్తా కామెడీగా మారితే ? ఇలాంటి క్రైమ్, కామెడీ, అడ్వెంచర్తో తెరకెక్కిన పంజాబీ మూవీనే ‘మెహ్కమా ఛడియాన్ దా’ (Mehkma Chhadeyan Da). మరి ఈ సినిమా స్టోరీ ఏంటి ? ఏ ఓటీటీలో చూడొచ్చు ? తెలుగులో స్ట్రీమింగ్ అవుతుందా ? అనే వివరాలపై ఒక లుక్కేద్దాం పదండి.
కథ ఒక అండర్కవర్ ఏజెంట్ చుట్టూ తిరుగుతుంది. నగరంలో పేరుమోసిన ఓ ప్రమాదకరమైన గ్యాంగ్స్టర్ను పట్టుకోవాల్సిన బాధ్యత అతనికి అప్పగిస్తారు. తన అసలు గుర్తింపును దాచుకుని టార్గెట్కు దగ్గర కావడమే అతని ప్లాన్. మొదట మిషన్ అనుకున్నట్టే సాగుతున్నట్లు కనిపిస్తుంది. కానీ టార్గెట్ దగ్గరకు వెళ్లే కొద్దీ ఏజెంట్కు సమస్యలు మొదలవుతాయి. ఒక సమస్యను పరిష్కరించేలోపే మరో సమస్య ఎదురవుతుంది. దీంతో గ్యాంగ్స్టర్ను పట్టుకోవడం కంటే తన గుర్తింపును కాపాడుకోవడమే పెద్ద సవాలుగా మారుతుంది.
ఇక్కడి నుంచే సినిమాలో అసలు కామెడీ మొదలవుతుంది. సీరియస్గా ఆపరేషన్ చేయాలని ప్రయత్నించిన ప్రతిసారీ పరిస్థితులు అతని ప్లాన్ను తారుమారు చేస్తుంటాయి. ఎవరిని నమ్మాలో, ఎవరు గ్యాంగ్స్టర్కు సంబంధించిన వ్యక్తులో అర్థం కాక అతని మిషన్ మరింత గందరగోళంగా మారుతుంది. మరోవైపు నగరంలోని క్రైమ్ నెట్వర్క్ గురించి అతనికి ఒక్కో కొత్త విషయం తెలుస్తుంటుంది. తాను వెంబడిస్తున్న వ్యక్తి వెనుక ఉన్న అసలు వ్యవహారం ఏంటి? తన చుట్టూ ఉన్నవాళ్లలో ఎవరు నిజంగా సహాయం చేస్తున్నారు? అనే అనుమానాలు మొదలవుతాయి.
అలా ఒక గ్యాంగ్స్టర్ను పట్టుకోవడానికి మొదలైన మిషన్… అనుకోని సంఘటనలు, కామెడీ సిట్యుయేషన్స్, క్రైమ్ ట్విస్టులతో పూర్తిగా మారిపోతుంది. మరి చివరికి ఏజెంట్ తన టార్గెట్ను పట్టుకోగలిగాడా? అసలు ఈ మిషన్ వెనుక ఉన్న పెద్ద రహస్యం ఏంటి? అనేదే సినిమాలో చూడాల్సిన అసలు విషయం.
Also Read : ఎయిర్పోర్ట్లో రోజుకో సమస్య… వాటి వెనుక దిమ్మతిరిగే కథలు… ఈ సిరీస్ మిస్ కావొద్దు
‘మెహ్కమా ఛడియాన్ దా’కు గురిందర్ డింపీ రచన, దర్శకత్వం వహించారు. అమన్ జై సింగ్, రానా రణ్బీర్, బి.ఎన్. శర్మ, సర్దార్ సోహి తదితరులు కీలక పాత్రల్లో నటించారు. సుమారు 1 గంట 54 నిమిషాల నిడివి ఉన్న ఈ పంజాబీ మూవీ 2024 మే 31న థియేటర్లలో విడుదలైంది. ప్రస్తుతం ఈ సినిమా Chaupal ఓటీటీలో స్ట్రీమింగ్ అవుతోంది. 2026 ఆగస్టు 23 నుంచి అందుబాటులోకి వచ్చిన ఈ మూవీ పంజాబీ భాషలోనే ఉంది. తెలుగు డబ్బింగ్ మాత్రం అందుబాటులో లేదు. అండర్కవర్ మిషన్, క్రైమ్, కామెడీ సిట్యుయేషన్స్, అనుకోని ట్విస్టులతో ఈ సినిమా బాగుంటుంది.
Share
బిగ్ బాస్ ప్రియులకు సర్ప్రైజ్.. హౌస్ లోకి వెళ్ళే జబర్దస్త్ కమెడియన్స్ వీళ్ళే!
ఐఫోన్ అల్ట్రా రంగులపై కొనసాగుతున్న ఉత్కంఠ.. డిజైన్ ఎలా ఉండొచ్చంటే?
