OTT Movie : ఫీల్ గుడ్ సినిమాలను చూస్తున్నప్పుడు, ఎదో ఒక సమయంలో ఒక కన్నీటి బొట్టు కళ్ళల్లో కదలాడుతూ ఉంటుంది. ఈ సినిమాలలో సన్నివేశాలు ఆలా హృదయాన్ని తాకుతాయి. ఇప్పుడు మనం చెప్పుకోబోయే సినిమాలో లవ్ స్టోరీని చుస్తే అలాగే అనిపిస్తుంది. ఇందులో ఒక అమెరికన్ అమ్మాయి ఆక్స్‌ఫర్డ్ యూనివర్సిటీలో చదువుకోవడానికి వస్తుంది. అక్కడ ఒక బ్రిటిష్ యువకుడితో ప్రేమలో పడుతుంది. అయితే క్లైమాక్స్ ఊహించని ట్రాజెడీతో ముగుస్తుంది. ఇది ఫీల్-గుడ్ రొమాన్స్ ఇష్టపడే వారికి ఒక మరచిపోలేని అనుభూతిని ఇస్తుంది. ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …
నెట్‌ఫ్లిక్స్‌లో స్ట్రీమింగ్
‘My Oxford Year’ ఒక అమెరికన్ రొమాంటిక్ చిత్రం. దీనికి ఇయాన్ మోరిస్ దర్శకత్వం వహించారు. ఇందులో సోఫియా కార్సన్, కోరీ మైల్‌క్రీస్ట్ ప్రధాన పాత్రల్లో నటించారు. ఈ సినిమా 2025 ఆగస్టు 1న నెట్‌ఫ్లిక్స్‌లో విడుదలైంది. 1 గంట 51 నిమిషాల నిడివితో, ఇంగ్లీష్ , జర్మన్, స్పానిష్, ఫ్రెంచ్, ఇటాలియన్ ఆడియోతో ఈ సినిమా అందుబాటులో ఉంది. IMDbలో ఈ సినిమా 6.3/10 స్కోర్ ను పొందింది.
స్టోరీలోకి వెళితే
అన్నా ఒక అమెరికన్ మహిళ. చిన్నప్పటి నుండి ఆక్స్‌ఫర్డ్ యూనివర్సిటీలో చదువుకోవాలనే కలతో ఉంటుంది. 24 ఏళ్ల వయసులో ఆమె స్కాలర్‌షిప్‌తో ఇంగ్లాండ్‌లోని ఆక్స్‌ఫర్డ్‌కు చదువుకోవడానికి వెళ్తుంది. అక్కడ విక్టోరియన్ పోయెట్రీ చదువుతూ తన జీవితాన్ని సెట్ చేసుకుంటుంది. ఆమెకు అమెరికాలో ఒక రాజకీయ నాయకుడి ప్రెసిడెన్షియల్ క్యాంపెయిన్‌లో పనిచేసే అవకాశం కూడా లభిస్తుంది. దీంతో ఆమె జీవితం పర్ఫెక్ట్‌గా సాగుతున్నట్లు అనిపిస్తుంది. ఆమె మొదటి రోజున జామీ డావెన్‌పోర్ట్ అనే బ్రిటిష్ యువకుడు తన కారుతో ఆమెపై బురదను చల్లడంతో వారి మధ్య శత్రుత్వం మొదలవుతుంది. తర్వాత ఇంగ్లీష్ లిటరేచర్ కోర్సుకు జామీనే టీచర్ అని తెలుస్తుంది. దీనితో వారి మధ్య గొడవ మరింత పెరుగుతుంది. అయితే ఒక రోజు రాత్రి ఒక పబ్‌లో గడిపిన తర్వాత, వారు ఒకరినొకరు ఇష్టపడటం ప్రారంభిస్తారు. జామీ ఆమెను ఒక ప్రత్యేకమైన పుస్తకం ఇచ్చి ఆమెకు దగ్గర అవుతాడు. ఇక వీళ్లిద్దరూ ప్రేమలో పడతారు. కానీ విచిత్రంగా ఈ సంబంధం లైఫ్ లాంగ్ ఉండకూడదని ఒప్పందం చేసుకుంటారు.
Read Also : నల్లటి జంటకు తెల్లని బిడ్డ… ఇదెక్కడి విడ్డూరం సామీ… అనుమానంతో ఆ జంట చేసే పనికి ఫ్యూజులు అవుట్
Share
Test Jersey : టెస్ట్ క్రికెట్ లో తెల్ల జెర్సీలే ఎందుకు వేసుకుంటారో మీకు తెలుసా ?
Brazil News: షాకింగ్.. బాడీపై 26 ఐఫోన్లు అతికించుకుని.. యువతి మృతి?
