Psychological Thriller OTT : టీచర్-స్టూడెంట్ మధ్య జరిగే ప్రేమకథలు చాలానే ఉన్నాయి. కొన్ని మంచి ఫీలింగ్ ఇస్తే, మరికొన్ని భయంకరమైన మలుపులు తిరుగుతాయి. ఇప్పుడు మనం చెప్పుకోబోయే సినిమా రెండో రకం. ఇందులో టీచర్-స్టూడెంట్ మధ్య జరిగే మైండ్ గేమ్స్ ప్రేక్షకులకు బాగా కనెక్ట్ అయ్యాయి. ఈ సినిమా ఫిలిం ఫెస్టివల్స్లో ప్రదర్శించబడినప్పుడు విమర్శకుల నుండి మంచి మార్కులు కూడా కొట్టేసింది. ఈ సినిమాను కేవలం 12 రోజుల్లోనే షూట్ చేశారు. తక్కువ బడ్జెట్తో తీసినా, ఉత్కంఠతను మాత్రం బాగా మెయింటైన్ చేశారు. మొత్తానికి ఈ కథ ఒక తెలివైన స్టూడెంట్ కి, ఒక క్రూరమైన టీచర్ కి మధ్య జరిగే ఈ మైండ్ గేమ్ తో ఆడియన్స్ కి కావాల్సిన స్టఫ్ అయితే ఇస్తోంది.
నోమ్ క్రోల్ దర్శకత్వంలో వచ్చిన ఈ సైకలాజికల్ థ్రిల్లర్ సినిమా పేరు ‘టీచర్స్ పెట్’ (Teacher’s Pet) ఇందులో క్లారా పాత్రలో మిచెల్ టోరియన్, మిస్టర్ హెల్లర్ (టీచర్) పాత్రలో ల్యూక్ బార్నెట్ లీడ్ రోల్స్ లో నటించారు. ఈ సినిమా మొదట 2025 జూన్ 21 ‘డాన్సెస్ విత్ ఫిల్మ్స్’ ఫెస్టివల్లో ప్రదర్శించబడింది. ఆ తర్వాత 2026 ఫిబ్రవరి 6 నుంచి ఈ సినిమా Prime video, apple tv ప్లాట్ ఫామ్స్ లో ఇది అందుబాటులోకి వచ్చింది.
క్లారా అనే అమ్మాయి హైస్కూల్లో భీభత్సమైన టాపర్. ఎలాగైనా పెద్ద కాలేజీలో సీటు కొట్టాలని పిచ్చెక్కించే రేంజ్లో చదువుతుంటుంది. సరిగ్గా అదే టైంలో మిస్టర్ హెల్లర్ అనే కొత్త ఇంగ్లీష్ టీచర్ వస్తాడు. మొదట్లో అతను చాలా మంచోడిలా నటిస్తూ, క్లారా టాలెంట్ని మెచ్చుకుంటూ ఆమెకు బాగా దగ్గరవుతాడు. కానీ మెల్లమెల్లగా అసలు రంగు బయటపెడతాడు. వాడు మామూలు టీచర్ కాదు, ఎదుటివారి మైండ్తో ఆడుకునే ఒక సైకో అని క్లారాకు అర్థమవుతుంది.
అతను క్లారాను తన గుప్పిట్లో పెట్టుకోవాలని చూస్తూ, ఆమె కెరీర్ను, ప్రాణాన్ని రిస్కులో పడేస్తాడు. వాడు వేసే ప్లాన్లు, చేసే మెంటల్ టార్చర్ కి క్లారాకు పిచ్చెక్కిపోతుంది. ఒకానొక సమయంలో ఆ టీచర్ వేధింపులు తట్టుకోలేక, ఆ సైకో గాడి నుండి తనను తాను కాపాడుకోవడానికి క్లారా కూడా అంతే రేంజ్లో ఎదురుదాడి చేయాల్సి వస్తుంది. ఈ పోరులో ఎవరిది పై చేయి అవుతుంది ? హెల్లర్ చేతిలో క్లారా నలిగిపోతుందా ? హెల్లర్ పై రివేంజ్ తీర్చుకుంటుందా ? అనే విషయాలను, ఈ సినిమాను చూసి తెలుసుకోవాల్సిందే.
Read Also : వరణాసిలో వరుడి కష్టాలు… ప్రియుడికి వింత కండిషన్ పెట్టే పిల్ల తండ్రి… ఓటీటీలోకి రొమాంటిక్ కామెడీ
Share
Double Decker Flyover: రూ.940 కోట్లతో అద్భుతమైన డబుల్ డెక్కర్ ఫ్లై ఓవర్.. మంత్రి కోమటిరెడ్డి కీలక వ్యాఖ్యలు
Venky Atluri: ‘విశ్వనాథ్ అండ్ సన్స్’ సెట్లోకి చిరుతపులి.. షాకింగ్ విషయం చెప్పిన డైరెక్టర్
