Australian Family Drama: ఓ చిన్న పల్లెటూరి అమ్మాయికి జీవితంలో ఒక్కసారే వచ్చే డెబ్యుటాంట్ బాల్… అదే తనను అందరి దృష్టిలో పడేసే పెద్ద అవకాశం. కానీ సిటీ నుంచి వచ్చిన కజిన్ మాత్రం ఆ వేడుకలో ఉన్న పాత పద్ధతులనే ప్రశ్నిస్తే ? ఒకరికి డెబ్ అంటే కల… మరొకరికి అదే డెబ్ అంటే మార్చాల్సిన వ్యవస్థ. ఈ ఇద్దరి మధ్య మొదలైన గొడవలు చివరకు ఎలాంటి మార్పుకు దారి తీశాయి ? ఇలా ఫన్, మ్యూజిక్, ఫ్యామిలీ డ్రామాతో సాగే ఆస్ట్రేలియన్ మ్యూజికల్ కామెడీ ‘ది డెబ్’ కథేంటో తెలుసుకుందాం.
ఆస్ట్రేలియాలోని డన్ బర్న్ అనే చిన్న పల్లెటూరిలో టేలాహ్ అనే హైస్కూల్ అమ్మాయి ఉంటుంది. చదువు, సోషల్ లైఫ్లో పెద్దగా గుర్తింపు లేని ఆమెకు డెబ్యుటాంట్ బాల్ అనే ఈవెంట్ తన జీవితాన్ని మార్చే అవకాశం అనిపిస్తుంది. ఆ వేడుకలో అందరి దృష్టిని ఆకర్షించి, ఊరిలో తనకంటూ ఒక గుర్తింపు తెచ్చుకోవాలని కలలు కంటుంది. అదే సమయంలో సిడ్నీ నుంచి ఆమె కజిన్ మేవ్ అక్కడికి వస్తుంది. మేవ్ చాలా మోడ్రన్గా ఆలోచించే అమ్మాయి. ఆమె దృష్టిలో డెబ్ అనేది పాతకాలపు సామాజిక పద్ధతులను కొనసాగించే వేడుక.
దీంతో టేలాహ్కు నచ్చినదే మేవ్కు అస్సలు నచ్చదు. ఒకరు డెబ్లో స్టార్ కావాలని చూస్తుంటే… మరొకరు ఆ వేడుకనే మార్చాలని ప్రయత్నిస్తారు. దీంతో ఇద్దరి మధ్య చిన్న గొడవలు కాస్తా పెద్ద సమస్యలుగా మారతాయి. కానీ క్రమంగా ఇద్దరికీ తమ తమ సమస్యలు ఉన్నాయని అర్థమవుతుంది. టేలాహ్కు గుర్తింపు కావాలి. మేవ్ మాత్రం తనపై ఏర్పడిన ఇమేజ్ను దాటి, తనను తాను అర్థం చేసుకోవాలని చూస్తుంది.
డెబ్ దగ్గరపడే కొద్దీ పార్ట్నర్ను వెతకడం, ఇమేజ్ మార్చుకోవడం, ఊరి వాళ్ల అభిప్రాయాలను ఎదుర్కోవడం వంటి పరిణామాలు కామెడీని పండిస్తాయి. చివరకు ఒకరిని మరొకరు అర్థం చేసుకున్న ఈ ఇద్దరు కజిన్స్, తమ మధ్య ఉన్న విభేదాలను పక్కన పెట్టి ఒకరికొకరు అండగా నిలబడతారు. అయితే టేలాహ్ కల నెరవేరిందా ? మేవ్ డెబ్లో మార్పు తీసుకురాగలిగిందా ? ఈ ఇద్దరి గొడవ చివరకు వారి బంధాన్ని మరింత బలపరిచిందా ? అనేదే సినిమా కథ.
రెబెల్ విల్సన్ దర్శకత్వం వహించిన తొలి సినిమా ‘ది డెబ్’. నటాలీ అబాట్, షార్లెట్ మాక్ఇన్నెస్, రెబెల్ విల్సన్ కీలక పాత్రల్లో నటించారు. మ్యూజిక్, డ్యాన్స్, Gen-Z కామెడీ, ఫ్యామిలీ ఎమోషన్స్తో పాటు సెల్ఫ్ యాక్సెప్టెన్స్, యూత్ ప్రెజర్, సోషల్ ఎక్స్పెక్టేషన్స్ వంటి అంశాలతో సరదాగా సాగిపోతుంది సినిమా. ఆగస్టు 25 నుంచి డిజిటల్గా అందుబాటులోకి వచ్చింది. అయితే Prime Videoలో ఈ సినిమా రెంట్ కి అవైలబుల్ గా ఉంది. మ్యూజికల్ కామెడీ, యూత్ఫుల్ ఎంటర్టైన్మెంట్, ఫ్యామిలీ డ్రామా ఇష్టపడేవారికి ఈ సినిమా మంచి వీకెండ్ ఛాయిస్.
Share
హరీశ్ రావు ‘హైటెక్’ అవినీతి.. ఎక్స్ వేదికగా మంత్రి పొంగులేటి సంచలన ఆరోపణలు!
ఇరుముడిలో నాగులు.. ఈ క్యారెక్టర్ వెనుక ఇంత కథ ఉందా?
