OTT Movie : ఈ బిజీ జీవితంలో మనిషి రిలాక్స్ కోసం సినిమాలను ఎక్కువగా ఫాలో అవుతున్నాడు. నచ్చిన సినిమాలను, దొరికిన సమయంలో చూస్తూ రిలాక్స్ అవుతున్నాడు. అయితే కొన్ని సినిమాలు చూస్తున్నంత సేపు మంచి ఫీలింగ్ తో మనిషిని కదిలిస్తాయి. ఇప్పుడు మనం చెప్పుకోబోయే ఈ సినిమా ఎమోషన్స్ తో మూవీ లవర్స్ ని ఆకట్టుకుంటోంది. ఈ మూవీ పేరు ఏమిటి? ఎందులో స్ట్రీమింగ్ అవుతుందో వివరాల్లోకి వెళితే…
అమెజాన్ ప్రైమ్ వీడియో (Amazon prime video) లో
ఈ హాలీవుడ్ మూవీ పేరు ‘ది వేల్‘ (The Whale). 2022 లో వచ్చిన ఈ సైకలాజికల్ డ్రామా మూవీకి డారెన్ అరోనోఫ్స్కీ దర్శకత్వం వహించారు. ఈ మూవీలో బ్రెండన్ ఫ్రేజర్, సాడీ సింక్, హాంగ్ చౌ, టై సింప్‌కిన్స్, సమంతా మోర్టన్ నటించారు. ఊబకాయంతో అనారోగ్యంగా ఉన్న తండ్రి దగ్గరికి, ఎనిమిదేళ్ల క్రితం అతను విడిచిపెట్టిన కుమార్తె రావడంతో స్టోరీ రన్ అవుతుంది. ఇది 2022 డిసెంబర్ 9న U.S.లో థియేటర్‌లలో విడుదలైంది. $3 మిలియన్ల బడ్జెట్‌తో తెరకెక్కిన ఈ మూవీ $57 మిలియన్లు వసూలు చేసింది. ఈ మూవీ అమెజాన్ ప్రైమ్ వీడియో (Amazon prime video) లో స్ట్రీమింగ్ అవుతోంది.
స్టోరీ లోకి వెళితే
చార్లీ అధిక బరువుతో బాధపడుతూ ఉంటాడు. లేచి సరిగ్గా నడవలేక వీల్ చైర్ లోనే తిరుగుతూ ఉంటాడు. ఇతడు ఆన్లైన్ లో ఇంగ్లీష్ క్లాసులు చెప్తూ ఉంటాడు. క్లాసులు తీసుకునే సమయంలో అతని మొహాన్ని చూపించకుండా జాగ్రత్త పడతాడు. ఎందుకంటే అంత భారీ కాయాన్ని చూసి జనాలు మరోలా అనుకుంటారని భయపడతాడు. చార్లీ కి తన ఫ్రెండ్ అంటే చాలా ఇష్టం అతనితోనే ఎక్కువగా సమయం గడిపేవాడు. దీని కారణంగానే భార్యకి సమయం కేటాయించకుండా, ఫ్రెండ్ తోనే ఎక్కువ సమయం గడపడం వల్ల విడాకులు కూడా జరిగిపోయి ఉంటాయి. ఆతరువాత ఫ్రెండ్ కూడా చనిపోవడంతో చార్లీ చాలా దుఃఖంలో మునిగిపోతాడు. ఫ్రెండ్ చెల్లెలు చార్లీని దగ్గరుండి చూసుకుంటూ ఉంటుంది. అయితే ఒక రోజు చార్లీ కూతురు తన దగ్గరికి వస్తుంది. మమ్మల్ని పట్టించుకోకపోవడం వల్లే నీ మీద కోపం ఎక్కువ అంటూ చార్లీతో మాట్లాడుతుంది. ఆమె మాటలను చార్లీ పెద్దగా పట్టించుకోడు.
అయితే చార్లీ కూతురుకి ఇంగ్లీషులో నాలెడ్జ్ తక్కువగా ఉంటుంది. ఇంగ్లీష్ నేర్పిస్తానని తండ్రి ఆమెతో చెబుతాడు. ఆమె ఒప్పుకోకపోవడంతో, నా దగ్గర ఉంటే నా అకౌంట్ లో ఉన్న డబ్బులు అన్ని నీకే ఇస్తానంటూ కూతురికి చెప్తాడు. అయినా తండ్రిని మరింత బాధ పెడుతుంది కూతురు. ఒకరోజు భార్యతో పాటు కూతురు కూడా చార్లీ దగ్గరికి వస్తారు. చార్లీకి తన ఫ్రెండ్ చెల్లెలు సహాయం చేస్తుండటంతో, డబ్బు కోసమే ఇదంతా చేస్తున్నావా అని అడుగుతుంది. తన దగ్గర నాకు ఇచ్చే అంత డబ్బు ఏమీ లేదని ఆమె చార్లీ భార్యతో అంటుంది. అయితే చార్లీ ఎక్కువ రోజులు బతికే అవకాశం లేదని డాక్టర్లు చెబుతారు. అధిక బరువు కారణంగా ఇక కొద్ది రోజులే బ్రతికే అవకాశం ఉందని తెలుసుకుంటాడు చార్లీ. చివరికి చార్లీ ఏమవుతాడు? తన కూతురికి ఇంగ్లీష్ నేర్పుతాడా? అతనికి ఉన్న జబ్బు నయమవుతుందా? ఈ విషయాలు తెలుసుకోవాలనుకుంటే ‘ది వేల్’ (The Whale) అనే ఈ మూవీని మిస్ కాకుండా చూడండి.
Share
Indian Railways: ‘కవచ్‌’పై కీలక నిర్ణయం.. 2 ఏండ్ల తర్వాత రూల్స్ ఫ్రేమ్ చేసిన ఇండియన్ రైల్వే!
Panasa Payasam Recipe: పనసకాయలతో ఇలా పాయసం చేశారంటే గిన్నె ఖాళీ అయిపోవడం ఖాయం
