అస‌మ‌ర్థుని జీవ‌యాత్ర. 1947లో త్రిపుర‌నేని గోపిచంద్ రాసిన మ‌నోవైజ్ఞానిక న‌వ‌ల. ఇలా చెప్పేబ‌దులు.. సైకాల‌జిక‌ల్ నావెల్ అంటే ఎక్కువ మందికి అర్థ‌మవుతుంది కావొచ్చు. మ‌నిషి త‌త్వంపై, మాన‌సిక స్థితిపై రాసిన ప్ర‌సిద్ద న‌వ‌ల. ఇప్ప‌టికీ ఎప్ప‌టికీ ఇది అంద‌రికీ న‌ప్పే న‌వ‌ల. ఎవ‌రికి వారు త‌మ‌ని తాము త‌రిచి చూసుకునే న‌వ‌ల.
అందులో పాత్ర‌పేరు సీతారామారావు. అత‌నే అందులో హీరో. తెలివిగ‌ల వాడు. ఎంత తెలివిగ‌లవాడైంటే.. త‌న‌లాంటి వాడు, త‌న‌లా ఆలోచించేవాడు ఇక ఈ ప్ర‌పంచంలోనే లేడ‌నుకునేవాడు. ఇక పుట్ట‌బోడ‌ని కూడా భ్ర‌మించేవాడు.ఆ స‌మ‌యంలో అత‌ను ఏది అనుకుంటే అదే క‌రెక్టు. ఒక‌వేళ ఆ అభిప్రాయం త‌రువాతి కాలంలో మార్చుకున్నాడ‌నుకో.. అప్పుడు అదే క‌రెక్టు. అంతే ఎప్ప‌టిక‌ప్పుడు నిర్ణ‌యాలు మార్చుకుంటా ఉంటాడు.
స‌మాజాన్ని తిట్టిపోస్తా వుంటాడు. తోటి మ‌నుషుల‌ను పురుగుల క‌న్నా అధ్వాన్నంగా చూస్తా వుంటాడు. వాళ్ల ఆలోచ‌న‌లు, న‌డ‌వ‌డిక, ప్ర‌వ‌ర్త‌న‌ను విప‌రీతంగా ఏవ‌గించుకుంటూ ఉంటాడు. నిండా అహంకారం పూని… అదే మ‌దంతో త‌న‌కు తోచింది చేస్తావుంటాడు. చెప్తావుంటాడు. అదే క‌రెక్టు అని వాదిస్తా వుంటాడు. తోటి మ‌నిషిని త‌ప్పుబ‌డ‌తా ఉంటాడు. వారు ఎంత‌టి దురాశ ప‌రులో క‌దా అని తిట్టిపోస్తా వుంటాడు.
తినేందుకే పుట్టారా ఈ మ‌నుషులు..? ఈ స‌మాజం ఏంది ఇంత ఛండాలంగా ఉంది..? అని ఏవ‌గించూ ఉంటాడు. త‌ను ఈ ప్ర‌పంచంలో పుట్ట‌క‌పోతే.. ఈ ప్ర‌పంచం ఏమైపోయేది అని కూడా చింతిస్తూ ఉంటాడు. త‌న‌లాంటి మ‌నిషి పుట్టుక అంటే. ఇదేదో అద్భుతం జ‌రిగితే త‌ప్ప సంభ‌వం కాద‌ని కూడా స‌ర్టిఫికెట్ ఇచ్చుకుంటా ఉంటాడు.
మొత్తంగా.. ఇది అంద‌రూ చ‌దువుకుని, సీతారామారావులా ఉండ‌కూడ‌ద‌ని నేర్చ‌కునేందుకు ప‌నికి వ‌చ్చే ఓ అద్భుత న‌వ‌ల. ఇప్ప‌టి త‌రానికి ఈ పుస్త‌కం గురించి తెలియ‌దు. అవును.. ఇంత‌లా దీని గురించి ఎందుకు ఇప్పుడు చెప్ప‌డం..? అని అనుకుంటున్నారా? అక‌స్మాత్తుగా, అనుకోకుండా.. కేటీఆర్ నోటి వెంట ఈ పుస్త‌కం పేరు వచ్చింది. స‌ర్కార్‌ను విమ‌ర్శించే స‌మ‌యంలో, పాల‌కుడి పాల‌న‌ను చేత‌గాని పాలన అని సంబోధించేందుకు అస‌మ‌ర్థుడి జీవ‌యాత్ర‌లా మారింద‌న్నాడు.
ఇది అన్య‌ప‌దేశంగా వ‌చ్చిన మాట‌నా? లేక ఈ పుస్త‌కాన్ని కేటీఆర్ చ‌ద‌వి ఉంటాడా? అందులో పాత్ర పేరు సీతారామారావు, ఇక్క‌డ కేటీ రామారావు.. అంతే తేడా. మ‌రి కేటీఆర్ ఆ సీతారామారావు నుంచి నేర్చ‌కున్నాడా? ఆ సీతారామారావునే ఫాలో అవుతున్నాడా..? ఆ న‌వ‌ల చివ‌ర‌లో ముగింపు విషాదంగా ఉంటుంది. చివ‌ర‌కు ఆ విషాదం చ‌దివైనా.. త‌ను ప‌రివ‌ర్త‌న చెందాడ‌ని అనుకుందామా? అంటే కేటీఆర్ మాట‌ల‌ను, చేష్ట‌ల‌ను చూస్తే అట్లా అనిపించ‌డం లేదు. అచ్చంగా ఆ న‌వ‌ల‌లోని పాత్ర‌లాగే ప్ర‌వ‌ర్తిస్తున్నాడు త‌ప్ప… దీని సారం తెలుసుకుని అస‌లైన అర్థాన్ని వంట‌బ‌ట్టించుకున్న‌ట్టైతే క‌నిపించ‌డం లేదు.
అవునూ.. డెబ్బై వేల పుస్త‌కాలు చ‌దివిన మ‌హానేత పుస్త‌కాల లిస్టులో ఈ పుస్త‌కం ఉండి ఉంటుందా? ఉన్నా .. చ‌ద‌వి ఉంటాడా? చ‌దివినా.. అది నెత్తికెక్కి ఉంటుందా? నెత్తికెక్కితే మాత్రం ఇలా తిక్క‌తిక్క చేష్ట‌లైతే చేయ‌డు.
Share
వైద్య చరిత్రలోనే మహా అద్భుతం.. ఒకేసారి 5 అవయవాల మార్పిడితో యువకుడికి పునర్జన్మ!
మొబైల్ ఫోన్లతో ఈవీ వాహనాలను ఆపేస్తున్న ఆకతాయిలు.. ఓర్ని ఇలా కూడా చేయొచ్చా?
