Mutton Bone Soup: కొన్నిసార్లు వాతావరణ మార్పుల వలనో లేదా ఇతర కారణాల వలనో చాలామంది జలుబు, దగ్గు వంటి సమస్యలతో ఇబ్బంది పడుతుంటారు. ఇలాంటి సమయంలో ప్రతిసారీ మాత్రల మీదే ఆధారపడకుండా.. కొన్ని హోమ్ రెమిడీస్తో వైరల్ ఇన్ఫెక్షన్లకు చెక్ పెట్టొచ్చు. ముఖ్యంగా ఆహారంలో కొన్ని మార్పులు చేసుకుంటే సరిపోతుంది.
ముఖ్యంగా జలుబు, దగ్గు తగ్గాలంటే ఇంట్లోనే ఆరోగ్యకరమైన మటన్ బోన్ సూప్ తయారు చేసుకుని తాగడం వల్ల ఉపశమనం లభిస్తుంది. శరీరానికి తక్షణ శక్తిని ఇస్తూ, గొంతు నొప్పిని తగ్గించే ఈ అద్భుతమైన సూప్ను రెస్టారెంట్ స్టైల్లో ఎలా తయార చేసుకోవాలో ఇప్పుడు తెలుసుకుందాం.
Also Read: వంట రాని వారు కూడా అదరగొట్టేలా.. సింపుల్ అండ్ స్పైసీ చేపల ఇగురు!
అర కిలో మటన్ బోన్స్ తీసుకోవాలి. దీనికి రెండు చెంచాల నెయ్యి, కప్పు ఉల్లిపాయ తరుగు, 2 టమోటాలు, 4 నుండి 5 పచ్చిమిర్చి రెడీ చేసుకోవాలి. మసాలా దినుసుల కోసం 3 బిర్యానీ ఆకులు, అర స్పూన్ షాజీరా, ఇంచ్ దాల్చిన చెక్క, 2 యాలకులు, 2 లవంగాలు అవసరమవుతాయి. రుచి కోసం అర స్పూన్ మిరియాల పొడి, అర స్పూన్ ధనియాల పొడి, అర స్పూన్ జీలకర్ర పొడి, పావు స్పూన్ పసుపు, ఒక స్పూన్ కారం, సరిపడా ఉప్పు తీసుకోవాలి. వీటితో పాటు ఒక స్పూన్ అల్లం వెల్లుల్లి పేస్టు, అర కప్పు పుదీనా, అర కప్పు కొత్తిమీర, 2 రెబ్బల కరివేపాకును దగ్గర పెట్టుకోండి.
స్టవ్ మీద కుక్కర్లో నెయ్యి వేసి వేడి అయ్యాక బిర్యానీ ఆకులు, షాజీరా, దాల్చిన చెక్క, లవంగాలు, యాలకులు వేసి వేయించాలి. ఆ తర్వాత ఉల్లిపాయ తరుగు, పచ్చిమిర్చి, కరివేపాకు వేసి రంగు మారే వరకు వేపి, అల్లం వెల్లుల్లి పేస్టు కలిపి పచ్చివాసన పోనివ్వాలి. ఇప్పుడు మటన్ ఎముకలు వేసి అందులోనే పసుపు, ఉప్పు, కారం, ధనియాల పొడి, జీలకర్ర పొడి వేసి బాగా కలపాలి.
ఈ తర్వాత టమోటా ముక్కలు, పుదీనా, కొత్తిమీర కూడా వేసి కాసేపు మగ్గనివ్వాలి. ఎముకలు మునిగేలా తగినన్ని నీళ్లు పోసి, మిరియాల పొడి చల్లి కుక్కర్ మూత పెట్టి ఐదు నుండి ఆరు విజిల్స్ వచ్చే వరకు ఉడికించాలి. ఎముకల్లోని సారం అంతా నీటిలోకి దిగి సూప్ చిక్కబడ్డాక వేడివేడిగా సర్వ్ చేసుకుంటే సరిపోతుంది.
Also Read: మైదా లేకుండా హెల్దీ పన్నీర్ రోల్స్.. ఈ సీక్రెట్ మసాలాలతో చేసుకుంటే టేస్ట్ మామూలుగా ఉండదు!
Share
Ponnam Prabhakar: అర్హులైన ప్రతి ఒక్కరికి ఇందిరమ్మ ఇల్లు మంజూరు చేస్తాం : మంత్రి పొన్నం ప్రభాకర్
Sree vishnu: విష్ణు విన్యాసం, మృత్యుంజయ విడుదలపై శ్రీ విష్ణు క్లారిటీ.. బయటపడ్డానంటూ!
