Cabbage Egg Fry Recipe: క్యాబేజీ తినని వాళ్లు కూడా ఫిదా అవ్వాల్సిందే.. ఈ స్టైల్‌లో ఒకసారి ట్రై చేయండి!

Cabbage Egg Fry Recipe: ప్రోటీన్ అనగానే మనకు గుర్తొచ్చేది చికెన్ లేదా కోడి గుడ్లు. కానీ, మనకు అందుబాటులో ఉండే కూరగాయలతో కూడా అద్భుతమైన ప్రోటీన్ రిచ్ డైట్ ప్లాన్ చేసుకోవచ్చు. అలాంటి వాటిలో క్యాబేజీ ఎగ్ ఫ్రై ఒకటి. క్యాబేజీలోని ఫైబర్, కోడిగుడ్డులోని హై ప్రోటీన్ కలిస్తే.. అది సంపూర్ణ ఆహారంగా మారుతుంది. ముఖ్యంగా బరువు తగ్గాలనుకుంటున్న వారికి, కండరాల పుష్టి కావాలనుకునే వారికి ఈ రెసిపీ బెస్ట్ ఆప్షన్. మరి ఈ టేస్టీ అండ్ హెల్తీ ఫ్రైని ఎలా చేయాలో తెలుసుకుందామా..

కావలసిన పదార్థాలు:

క్యాబేజీ – 2 కప్పులు (చాలా సన్నగా తరిగినవి)
కోడిగుడ్లు – 3
పెద్ద ఉల్లిపాయ – 1 (సన్నగా తరుక్కోవాలి)
పచ్చిమిర్చి – 2 (చీలికలు)
వెల్లుల్లి – 4 రెబ్బలు (కచ్చాపచ్చాగా దంచినవి)
నూనె – 2 టేబుల్ స్పూన్లు
పోపు దినుసులు – అరటీస్పూన్ చొప్పున ఆవాలు, జీలకర్ర, కరివేపాకు
మసాలాలు – ఉప్పు (రుచికి సరిపడా)
పసుపు – అర టీస్పూన్
కారం – ఒకటీస్పూన్
ధనియాల పొడి – ఒకటీస్పూన్

Also Read: పాలకూరను పచ్చిగా తింటే ప్రమాదమా? నిపుణులు ఏం చెబుతున్నారంటే?

వండే పద్ధతి ఇది:

స్టవ్ మీద పాన్ పెట్టి.. సరిపడ నూనె వేసుకోవాలి. ఆయిల్ కాగాక ఆవాలు, జీలకర్ర, కరివేపాకు వేసి చిటపటలాడించండి. దానిలోనే దంచిన వెల్లుల్లి, పచ్చిమిర్చి వేసి మంచి సువాసన వచ్చే వరకు వేయించాలి.

తర్వాత ఉల్లిపాయ ముక్కలు వేసి అవి దోరగా వేగిన తర్వాత, సన్నగా తరిగి పెట్టుకున్న క్యాబేజీ తురుమును వేయాలి. దీనికి తగినంత ఉప్పు, పసుపు కలిపి మూత పెడితే, క్యాబేజీ త్వరగా మగ్గుతుంది.

క్యాబేజీ బాగా వేగిన తర్వాత, మధ్యలో కొంచెం గ్యాప్ ఇచ్చి 3 కోడిగుడ్లను పగులగొట్టి వేయాలి. ఒక నిమిషం పాటు కదపకుండా ఉంచి, ఆపై చిన్న చిన్న ముక్కలుగా అయ్యేలా కలపాలి.

కోడి గుడ్డు మిశ్రమం అంతా క్యాబేజీకి పట్టాక.. కారం, ధనియాల పొడి వేసి మరో రెండు నిమిషాలు ఫ్రై చేయాలి. చివరగా కొత్తిమీర చల్లుకుంటే సరి.

Also Read: 10 నిమిషాల్లో అదిరిపోయే బచ్చలికూర రోటి పచ్చడి.. బ్యాచిలర్స్ కూడా ఈజీగా చేసేయొచ్చు!