బీఆర్ఎస్ పార్టీకి షాకుల మీద షాకులు తగులుతూనే ఉన్నాయి. వరుసగా సిట్ అధికారులు నోటీసులు పంపడం, విచారణకు రావాలని పిలవడంతో ఆ పార్టీ నేతలు తలలు పట్టుకుంటున్నారు. చోటా మోట నేతలంతా భయాందోళనకు గురవుతున్నట్టు తెలుస్తున్నది. ఓవైపు మున్సిపల్ ఎన్నికలు సమీపిస్తున్న వేళ పార్టీని ముందుండి నడిపించే నేతలు విచారణకు వెళ్తూ వస్తున్నారు.ఇక ఈ వ్యవహారంతో గులాబీ శ్రేణులు తీవ్ర నిరుత్సాహానికి గురవుతున్నారు. ఎన్నికల ముందు ముఖ్యమంత్రి రేవంత్ రెడ్డి ప్రతిపక్ష పార్టీ నేతలపై కక్షపూరితంగా వ్యవహరిస్తున్నారని విమర్శలు మొదలెట్టారు.మున్సిపల్ ఎన్నికల్లో దెబ్బకొట్టాలనే ప్రభుత్వం ఇలా విచారణ పేరుతో ఇబ్బంది పెడుతోందని కారు పార్టీ నేతలు మండిపడుతున్నారు.
ఫోన్ ట్యాపింగ్ కేసులో మాజీ ఎస్ఐబీ చీఫ్ ప్రభాకరావ్ను విచారించిన సిట్ అధికారులు.. అంతకుముందే తిరుపతన్న, రాధాకిషన్ రావు, ఓ న్యూస్ మీడియా చైర్మన్ శ్రవణ్ రావునూ విచారించారు. ఆ తర్వాత వీరంతా ఇచ్చిన స్టేట్మెంట్ ఆధారంగా విచారణ ప్రారంభించిన సిట్.. ముందుగా శ్రవణ్ రావు తన వాంగ్మూలంలో మాజీ మంత్రి హరీశ్ రావు ప్రస్తావన వచ్చిందని పేర్కొంటూ ముందుగా ఆయనకు విచారణకు రావాలని నోటీసులు అందజేశారు. దీంతో ఆయనకు రెండ్రోజుల కింద విచారణకు హాజరయ్యారు. సిట్ అడిగిన ప్రశ్నలకు సమాధానం చెప్పేసి బయటకు వచ్చారు. ఈ కేసులో మరోసారి విచారణకు హాజరవ్వాల్సి ఉంటుందని సిట్ పర్యవేక్షణాధికారి సజ్జనార్.. హరీశ్ రావుకు చెప్పినట్టు ప్రకటించారారు.
ఫోన్ ట్యాపింగ్ కేసులో హరీశ్ రావు అనంతరం బీఆర్ఎస్ వర్కింగ్ ప్రెసిడెంట్ కేటీఆర్..విచారణకు రావాలని సిట్ నోటీసులు ఇవ్వడంతో ఆయన నిన్న ఉదయం జూబ్లీహిల్స్ పీఎస్లో ఆయన హాజరయ్యారు.గత ప్రభుత్వ హయాంలో టాలీవుడ్ పెద్దలు, ప్రతిపక్ష పార్టీల నేతల ఫోన్లను ట్యాప్ చేయడం గురించి పలు ప్రశ్నలు సిట్ సంధించినట్టు తెలిసింది. అడిగిన ప్రశ్నలే మళ్లీ మళ్లీ అడుగుతున్నారని కేటీఆర్ సైతం బయటకు వచ్చి తీవ్ర అసహనం వక్తంచేశారు. ఇక బీఆర్ఎస్ అగ్రనేతలు హరీశ్ రావు, కేటీఆర్ విచారణ అనంతరం తదుపరి నోటీసులు ఎవరికి అందనున్నాయని గులాబీ పార్టీలో జోరుగా చర్చ నడుస్తున్నది. నాటి ప్రభుత్వంలో సీఎం కేసీఆర్ తర్వాత హరీశ్ రావు, కేటీఆర్లదే పెత్తనం..
Harsha Vardhan: మందుబాబులకు హర్షవర్ధన్ అలెర్ట్.. ఏం చెబుతున్నారంటే?
వారిద్దరి విచారణ ముగిసినందున మాజీ మంత్రులకు నోటీసులు వెళ్తాయా? లేక ఏకంగా గులాబీ బాస్కే సిట్ నోటీసులు ఇస్తుందా?అనే చర్చ ప్రస్తుతం రాష్ట్ర రాజకీయాల్లో జరుగుతోంది. ఇప్పటికే కాళేశ్వరం ప్రాజెక్టు డ్యామేజీ వ్యవహారంలో కేసీఆర్ను కాళేశ్వరం కమిషన్ నివేదిక దోషిగా తేల్చింది. తాజాగా ఫోన్ ట్యాపింగ్ కేసులోనూ ఆయనకు నోటీసులు అందుతాయని టాక్ వినిపిస్తోంది. నాడు ముఖ్యమంంత్రిగా చేసిన కేసీఆర్ ఆదేశాలు లేకుండా ఏది జరగదు కాదా? అని ప్రస్తుతం అధికార పార్టీ నేతలు ప్రశ్నిస్తున్నారు. ప్రతిపక్షాలను తొక్కిపెట్టి మరోసారి అధికారంలోకి రావాలని కేసీఆర్ చూశారని.. అందుకే వారి ఫోన్లు ట్యాప్ చేయించారని పెద్దఎత్తున విమర్శలు వస్తున్నాయి. కాగా, సిట్ విచారణ ముగింపుపై నేటికీ క్లారిటీ లేకపోవడంతో తదుపరి నోటీసులు ఎవరికి వస్తాయా? అని గులాబీ నేతలు భయాందోళనలో ఉన్నట్టు తెలుస్తున్నది.
Share
Cabbage Egg Fry Recipe: క్యాబేజీ తినని వాళ్లు కూడా ఫిదా అవ్వాల్సిందే.. ఈ స్టైల్లో ఒకసారి ట్రై చేయండి!
Rajinikanth: 37 ఏళ్ల తర్వాత విడుదలకు రజనీకాంత్ మూవీ.. వాయిదా వెనుక కారణం?
