Malabar Spinach Pachadi: ఆకుకూర అనగానే ముందుగా గుర్తొచ్చే పేరు ‘బచ్చలికూర’. ఇది తినడానికి రుచిగానే కాదు.. దీనిలో పోషకాలు కూడా మెండుగా ఉంటాయి. విటమిన్ A, C, K లతో పాటు ఐరన్, కాల్షియం వంటి ఖనిజాలు బచ్చలి కూరలో పుష్కలంగా ఉంటాయి. రోగనిరోధక శక్తిని పెంచే ఈ ఆకుకూరతో పప్పు, పులుసు ఎలా చేసినా అద్భుతంగా ఉంటుంది. అయితే.. వేడి వేడి అన్నంలోకి బచ్చలికూర రోటి పచ్చడి ఉంటే ఆ మజానే వేరబ్బా. మరి ఆ టేస్టీ పచ్చడిని సింపుల్గా ఎలా చేసుకోవాలో ఇప్పుడు చూసేద్దామా..
బచ్చలికూర – 3 నుంచి 4 కట్టలు (శుభ్రంగా కడిగి తరిగినవి)
ఎండుమిర్చి – 15 (కారానికి తగ్గట్టు)
పచ్చిమిర్చి – 5 నుంచి 6
చింతపండు – నిమ్మకాయ సైజులో సగం
తాలింపు దినుసులు – టేబుల్ స్పూన్ చొప్పున ఆవాలు, జీలకర్ర, శనగపప్పు, ధనియాలు, మెంతులు
నూనె – సరిపడా
ఉప్పు – రుచికి తగినంత
ముందుగా స్టవ్ మీదపాన్ పెట్టుకుని కొద్దిగా నూనె వేయండి. నూనె వేడెక్కాక ఎండుమిర్చి, ఆవాలు, జీలకర్ర, శనగపప్పు వేసి దోరగా వేయించాలి. చివరగా ధనియాలు, మెంతులు కూడా వేసి మంచి సువాసన వచ్చే వరకు వేయించి, ఒక ప్లేట్లోకి తీసుకుని పక్కన పెట్టుకోండి.
తర్వాత అదే పాన్లో ఇంకాస్త నూనె వేసి, తరిగి పెట్టుకున్న బచ్చలికూర, పచ్చిమిర్చి ముక్కలు, చింతపండు వేయండి. ఆకుకూరలోని నీరంతా పోయి మెత్తగా మగ్గే వరకు ఉడికించాలి. ఆ తర్వాత స్టవ్ ఆఫ్ చేసి మిశ్రమాన్ని పూర్తిగా చల్లార్చాలి.
మిక్సీ జార్లో మొదట వేయించి పెట్టుకున్న మసాలా దినుసులు వేసి పొడి చేయాలి. ఆ తర్వాత అందులోనే మగ్గించి పెట్టుకున్న బచ్చలికూర మిశ్రమం, తగినంత ఉప్పు వేసి గ్రైండ్ చేయాలి.
మరో ముఖ్యమైన విషయం ఏమిటంటే.. పచ్చడి మరీ మెత్తగా కాకుండా కొంచెం కచ్చా పచ్చాగా ఉంటే రోటి పచ్చడి రుచి వస్తుంది. అంతే.. ఎంతో రుచికరమైన, ఆరోగ్యకరమైన బచ్చలికూర పచ్చడి రెడీ.
Also Read: నీరసం, అలసట మాయం.. శరీరంలో రక్తాన్ని పెంచే నేచురల్ డ్రింక్స్!
Share
BRS : పెద్దాయన అంటే ఎవరు?
Gold rates: రికార్డులు బద్దలు కొడుతున్న బంగారం.. ట్రంప్ నిర్ణయాలతో అంతర్జాతీయ మార్కెట్ అతలాకుతలం
