Makkutam Movie Review: విశాల్.. ఈ పేరు వినగానే మనకు ఎక్కువగా యాక్షన్, ఫైట్స్, మాస్ సీన్స్ గుర్తొస్తాయి. అలాంటి విశాల్ ఈసారి హీరోగా నటించడంతో పాటు దర్శకుడిగా కూడా తన అదృష్టాన్ని పరీక్షించుకున్నాడు. దీంతో ‘మకుటం’ సినిమా ఎలా ఉండబోతుందన్న క్యూరియాసిటీ ఆడియన్స్లో పెరిగిపోయింది. మరి విశాల్ డైరెక్టర్గా మెప్పించాడా? సినిమా ప్రేక్షకులను మెప్పించిందా? చూద్దాం.
కృపాకరం ఓ సాధారణ మెడికల్ రిప్రజెంటేటివ్. భార్య, పిల్లలతో కలిసి హ్యాపీగా జీవిస్తుంటాడు. కానీ ఊటీకి ఫ్యామిలీతో వెళ్లినప్పుడు అతని జీవితంలో ఊహించని విషాదం జరుగుతుంది. జరిగిన దాడిలో భార్యతో పాటు ఓ బిడ్డను కోల్పోతాడు. మరో కొడుకుతో కలిసి ప్రాణాలతో బయటపడతాడు.
అసలు తన కుటుంబంపై దాడి ఎందుకు జరిగింది? ఎవరు చేశారు? అనే విషయాలను తెలుసుకునే ప్రయత్నంలో కృపాకరానికి తన తండ్రి లింగ గురించి తెలుస్తుంది. అక్కడి నుంచి కథ మరో మలుపు తిరుగుతుంది.
తండ్రి గతం, కుటుంబంలో దాచిన విషయాలు, పాత గొడవలు ఒక్కొక్కటిగా బయటకు వస్తాయి. చివరికి కుటుంబానికి జరిగిన అన్యాయానికి ప్రతీకారం తీర్చుకోవడానికి హీరో రంగంలోకి దిగడంతో సినిమా యాక్షన్ వైపు వెళ్తుంది.
విశాల్ నటుడిగా మరోసారి తన మార్క్ చూపించాడనే చెప్పాలి. కృపాకరం, లింగ అనే రెండు పాత్రల్లో కనిపిస్తూ వేరియేషన్ చూపించి ఆకట్టుకున్నాడు.
ముఖ్యంగా లింగ పాత్రలో విశాల్ లుక్, బాడీ లాంగ్వేజ్, యాక్షన్ సీన్స్ బాగున్నాయి. హీరో ఎంట్రీలు, ఫైట్స్ వచ్చే సమయంలో అభిమానులకు కావాల్సిన మాస్ ఫీల్ కనిపిస్తుంది.విశాల్కు యాక్షన్ సీన్స్ కొత్తేమీ కాదు కాబట్టి వాటిని చాలా ఈజీగా చేశాడు. కొన్ని సీన్స్లో ఆయన స్క్రీన్ ప్రెజెన్స్ బాగుంది.
అంజలి, దుషారా విజయన్, అజయ్ కూడా తమ పాత్రలకు తగ్గట్టుగా నటించారు.
జీవీ ప్రకాష్ కుమార్ అందించిన సంగీతం కంటే బ్యాక్గ్రౌండ్ స్కోర్ ఎక్కువగా ఆకట్టుకుంటుంది. ముఖ్యంగా ఫైట్స్, హీరో ఎలివేషన్ సీన్స్లో బీజీఎం బాగా పనిచేసింది.
యాక్షన్ సీన్స్ను మరింత ఎలివేట్ చేయడంలో బ్యాక్గ్రౌండ్ స్కోర్ ఉపయోగపడింది.
ఇక్కడే విశాల్కు కొంచెం తక్కువ మార్కులు పడతాయి. యాక్షన్ సీన్స్ను బాగానే డీల్ చేసినా.. కథను నడిపించే విషయంలో అంతగా కొత్తదనం చూపించలేకపోయాడు.
దర్శకుడిగా మొదటి ప్రయత్నం కాబట్టి కొన్ని లోపాలు కనిపించడం సహజమే. ముఖ్యంగా స్క్రీన్ప్లేను మరింత టైట్గా ఉంచాల్సింది. కథలో మంచి పాయింట్ ఉన్నా దాన్ని చెప్పే విధానం కొంచెం స్లోగా ఉంది.
విశాల్ గతంలో నటించిన పందెం కోడి, అభిమన్యుడు, సామాన్యుడు లాంటి సినిమాల్లో కనిపించిన యాక్షన్ ఇంపాక్ట్ ఇక్కడ కూడా కొన్ని చోట్ల కనిపిస్తుంది. కానీ ఆ సినిమాల స్థాయిలో కథ మాత్రం ఆకట్టుకోదు.
‘మకుటం’లో విశాల్ నటుడిగా బాగానే చేశాడు. ముఖ్యంగా మాస్ సీన్స్, యాక్షన్ ఎపిసోడ్స్లో తన సత్తా చూపించాడు. జీవీ ప్రకాష్ బీజీఎం కూడా సినిమాకు ప్లస్ అయింది.కానీ దర్శకుడిగా మాత్రం విశాల్కు ఇది పర్ఫెక్ట్ డెబ్యూ అని చెప్పలేం. కథలో కొత్తదనం లేకపోవడం, ఫస్ట్ హాఫ్ స్లోగా ఉండటం, ఫ్లాష్బ్యాక్ ఎక్కువగా సాగడం సినిమాకు మైనస్గా మారాయి.
విశాల్ ఫ్యాన్స్కి కొన్ని మాస్ సీన్స్ నచ్చుతాయి. కానీ సాధారణ ప్రేక్షకులకు మాత్రం సినిమా అంతగా కొత్తగా అనిపించకపోవచ్చు.
విశాల్ యాక్షన్ బాగుంది.. కానీ కథలో మాత్రం కొత్త కిక్ లేదు.
Share
కల్యాణలక్ష్మి కాస్త సంతానలక్ష్మిగా మారిందా.. కాంగ్రెస్ పై కల్వకుంట్ల సంజయ్ ఫైర్!
బాయ్ ఫ్రెండ్ తో రొమాంటిక్ డాన్స్ చేసిన లక్ష్మీ నివాసం బ్యూటీ.. వీడియో వైరల్!
