I-Nobody Review :’ఐ నోబడీ’ మూవీ రివ్యూ..

I – Nobody Review : థియేటర్లళ్ల ‘ఐ – నోబడీ’ (I – Nobody) అని ఓ బొమ్మ పడ్డది. టైటిల్ చూసి అరెరే ఏదో హాలీవుడ్ లెవెల్ థ్రిల్లర్ దింపిండ్రు అనుకుని ఫస్ట్ షోకి ఉరికితే… కట్ చేస్తే, సినిమా చూసినంక మనమెవరో మనకే తెల్వనంత ఫ్యూజులు ఎగిరిపోయినయ్. అసలు ఈ బొమ్మల ఏముంది? ఎట్లుంది? అనేది సూద్దాం!

అసలు స్టోరీలో ఏముంది ?

కథ గురించి పెద్దగా బుర్ర పాడుచేసుకోవాల్సిన పనేం లేదు భాయ్. మన హీరో ఎవ్వరికీ తెల్వని ఓ సైలెంట్ కుర్రాడు (అదేనండీ, మన నోబడీ). పనీపాటా లేకుండా ఎక్కడో మూలన పడుండే ఈ సైలెంట్ గాడి లైఫ్‌లకి ఓ పెద్ద విలన్ గ్యాంగ్ ఎంటర్ అయితది. ఆ తర్వాత వీడు తలుపులు మూసి విలన్ల ఎముకలు ఇరగదీస్తాడు. అసలు వీడెవడు? వీని గతం ఏంది? మధ్యల హీరోయిన్ పనులేంది? ఇదీ ముచ్చట. పాత సీసాలో కొత్త కూల్ డ్రింక్ పోసినట్టు, అదే రివెంజ్ డ్రామాకి కాస్త స్టైలిష్ గా ప్లాన్ చేసిండ్రు.

బొమ్మ ఎట్లుందంటే?

ఫస్ట్ హాఫ్.. అంతా బిల్డప్పే.. సినిమా స్టార్టింగ్లనే హీరోకి మస్తు ఎలివేషన్లు ఇస్తరు. వాడు నడిచొస్తుంటే స్లో మోషన్లు, బ్యాక్‌గ్రౌండ్‌లో చెవులు పగిలే బీజీఎమ్. అసలు హీరో ఫేస్ రివీల్ చేయడానికి డైరెక్టర్ తీసుకున్న టైం చూస్తే.. మనకి బీపీ రావడం గ్యారెంటీ.. సినిమా అట్లుంది.. కొంచెం పరేషాన్ అయ్యితారు..

సెకండ్ హాఫ్ : యాక్షన్ పటాస్: విరామం తర్వాత బొమ్మ జర స్పీడ్ అందుకుంటది. ఎందుకంటే డైరెక్టర్ స్టోరీ రాయడం మానేసి, ఫైట్ మాస్టర్‌కి ఫుల్లుగా వదిలేసిండు. తుపాకులు, కత్తులతో గట్టిగానే కొట్లాడిండ్రు. యాక్షన్ సీన్లు అయితే రఫ్ ఆడించిండ్రు గానీ, స్టోరీల మాత్రం ఎమోషన్ గల్లంతయింది.

ఎవరెట్లు చేసిండ్రు?

హీరో: సైలెంట్ క్యారెక్టర్ కాబట్టి డైలాగులు తక్కువ, యాక్షన్ ఎక్కువ. ఫైట్లలో మస్తు ఇరగదీసిండు కానీ, ఏడ్చే సీన్లలో మాత్రం మనం ఏడ్చేలా చేసిండు.

హీరోయిన్ : కమర్షియల్ బొమ్మలల్ల హీరోయిన్ ఎందుకుంటదో ఈ సినిమా చూస్తే మళ్ళీ అర్థమైతది. వాన పాటకి, డ్యూయెట్‌కి కరెక్ట్‌గా వస్తది.

విలన్: ఎప్పటిలాగే కళ్లు పెద్దవి చేసి, గట్టిగా అరిచి, లాస్ట్‌కి హీరో చేతిలో తన్నులు తినడానికి బాగా సెట్ అయిండు.

టెక్నికల్ సైడ్: సినిమాటోగ్రఫీ, కెమెరా వర్క్ రిచ్‌గా ఉన్నయ్. ఫైట్ మాస్టర్ కష్టానికి వంద మార్కులు వేయొచ్చు.

చివరగా ఫైనల్ పంచ్..

‘ఐ – నోబడీ’ అంటే… టైటిల్ పెట్టుకున్నట్టే బొమ్మకు కూడా ‘ఎవరూ లేరు’ అన్నట్టు ఉంటుంది . యాక్షన్, ఫైట్లు పిచ్చ పిచ్చగా ఇష్టపడే మాస్ బ్యాచ్‌కి ఇదొక టైంపాస్ బొమ్మ. కానీ స్టోరీ, లాజిక్కులు కావాలనుకునే క్లాస్ పబ్లిక్ మాత్రం థియేటర్ వైపు పొరపాటున కూడా పోకండి. ఓటీటీల వస్తే, ఫార్వర్డ్ బటన్ మీద చేయి వేసి ప్రశాంతంగా చూసుకోవచ్చు.

I – Nobody Movie Rating : 2/5

Also Read : ‘లెనిన్’ మూవీ ట్విట్టర్ రివ్యూ.. అయ్యగారు అకౌంట్లో హిట్ పడిందా..?