New Year Scams : ప్రస్తుతం ఆన్లైన్ ఈ కామర్స్ ప్లాట్ఫామ్స్ లో క్రిస్మస్, న్యూ ఇయర్ సేల్స్ (New Year sales) కొనసాగుతున్న సంగతి తెలిసిందే. అయితే ఈ ఫెస్టివల్, హాలీడే సీజన్… స్కామ్ సీజన్గా కూడా మారిపోయింది. ఈ పండగ సేల్స్ను అదునుగా చేసుకుని సైబర్ నేరగాళ్లు పంజా విసురుతున్నారు. వినియోగదారులకు ఆకర్షణీయమైన ఆఫర్ల పేరుతో వల వేసి బురిడి కొట్టిస్తున్నారు. వాళ్ల డబ్బులను కాజేస్తున్నారు. కాబట్టి మీరు కూడా అటువంటి స్కామ్స్ బారిన పడకుండా ఉండేందుకు, హాలీడే సీజన్ లో స్కామ్ ట్రాప్ కు గురి కాకుండా ఉండేందుకు.. 5 సేఫ్టీ టిప్స్ ను మీ ముందుకు తీసుకొచ్చాం. అవేంటో ఇక్కడ తెలుసుకుందాం.
ఆకర్షణకు గురి కావొద్దు – ఈ ఫెస్టివల్ సీజన్లో స్కామర్స్.. ట్రావెల్, గ్యాడ్జెట్స్, ఫ్యాషన్ పై అదిరిపోయే ఆకర్షణీయమైన ఆఫర్లను ప్రకటిస్తూ వినియోగదారులను బుట్టలో వేసేందుకు ప్రయత్నిస్తుంటారు. కాబట్టి ఇలాంటి డిస్కౌంట్లకు అట్రాక్ట్ అవ్వకుండా, ముందుగా అవి నమ్మదగినవా లేదా నకిలీవా అనేవి తెలుసుకునేందుకు ప్రయత్నం చేయాలి. దాని రివ్యూస్ చూడాలి. వెరీఫైడ్, అథెంటిక్ వైబ్సైట్స్లోకి వెళ్లి ఆ ఆఫర్ల గురించి చెక్ చేసుకోవాలి. అప్పుడే కొనుగోలు చేయాలి.
లింక్స్ను నమ్మొద్దు – స్కామర్స్.. ఈ మెయిల్స్, టెక్ట్స్ లేదా ఇతర సోషల్ మీడియా ప్లాట్ఫామ్స్ ద్వారా నకిలీ లింక్స్ను సెండ్ చేస్తుంటారు. వాటిపై మనం క్లిక్ చేయగానే, మన దగ్గరన్న వ్యక్తిగత సమాచారాన్ని దొంగిలించేస్తుంటారు. కాబట్టి ఎటువంటి లింక్ వచ్చినా, పైగా అది మీ ఫ్రెండ్ నెంబర్ నుంచి వచ్చినా, అస్సలు వాటిపై క్లిక్ చేసి మోసపొవద్దు. వెరీఫై చేసుకున్నాకే ముందడుగు వెయ్యాలి.
మరింత పటిష్టంగా సెక్యూరిటీ ఫీచర్ – ఇలాంటి స్కామ్స్ నుంచి తప్పించుకోవాలంటే, మీ డివైసెస్లో సెక్యూరిటీ ఫీచర్స్ పటిష్టతను మరింత పెంచుకోవాలి. అన్ని కట్టుదిట్టంగా ఉండేలా జాగ్రత్త చర్యలు పాటించాలి. కాబట్టి మీ అకౌంట్స్లో టూ ఫ్యాక్టర్ అథెన్టిసియేషన్ (2FA) ఎనేబుల్ చేసుకోవాలి. అలానే మీ సెన్సిటివ్ ఇన్ఫర్మేషన్ను అనవసరపు, అన్వెరీఫైడ్ వెబ్సైట్స్లో నమోదు చేయకూడదు.
ఫేక్ బ్యాంక్ కాల్స్ – కొంతమంది స్కామర్స్ అయితే బ్యాంక్కు సంభంధించిన అధికారులలాగా మాట్లాడి బురిడి కొట్టిస్తుంటారు. ఏఐ ఫోన్ నెంబర్స్ లేదా ఈమెయిల్స్ ద్వారా ఒరిజినల్ బ్యాంక్కు సంబంధించిన అధికారులు లాగా మాట్లాడి వ్యక్తిగత సమాచారం, పిన్, ఓటీపీ నెంబర్లు అడిగి మనల్ని ట్రాప్ చేస్తుంటారు. ఒరిజినల్ బ్యాంక్స్ ఎప్పుడూ కూడా మీ వ్యక్తిగత సమాచారాన్ని అడగవు. కాబట్టి అలాంటి కాల్స్ లేదా ఇతర లింక్స్, ఈ మెయిల్స్ వస్తే వాటిని తక్షణమే డిస్కనెక్ట్ చేయండి.
ర్యాండమ్ గివ్అవేస్లో నో పార్టిసిపేట్ – స్కామర్స్.. ఫేక్ గివ్అవేస్ ద్వారా కూడా వినియోగదారులను ట్రాప్ చేసి మోసం చేస్తుంటారు. వారి వ్యక్తిగత సమాచారాన్ని దోచేస్తుంటారు. కాబట్టి ఇటువంటి కంటెస్ట్లో అస్సలు పాల్గొనకూడదు. వారు అడిగిన సెన్సిటివ్ డీటెయిల్స్ను ఇవ్వొద్దు. ఎందుకంటే స్కామర్స్ ఈ సెన్సిటివ్ డీటెయిల్స్ను సేకరించి, డార్క్ వెబ్కు అమ్మేస్తుంటారు. కాబట్టి చాలా జాగ్రత్తగా ఉండాలి.
ALSO READ : స్పేస్ డాకింగ్ టెక్నాలజీ ఉపయోగించబోతున్న ఇస్రో.. అంతరిక్షంలో జాయింట్ శాటిలైట్లు
Share
Shukra Gochar 2025: శుక్రుడి సంచారం.. ఈ రాశుల వారికి జనవరి 28 నుంచి డబ్బే డబ్బు
Coconut for White Hair: కొబ్బరి నూనెలో వీటిని కలపి రాసుకోండి చాలు.. తెల్లజుట్టు నల్లగా మారిపోవడం ఖాయం..!
