iPhone SE 4 : ఐఫోన్ SE 4 – 5 బిగ్ ఛేంజెస్ ఇవే

iPhone SE 4 : రీసెంట్గానే యాపిల్ నుంచి ఐఫోన్ 16 సిరీస్ విడుదలైన సంగతి తెలిసిందే. అయితే ఇప్పుడు యాపిల్ లవర్స్, త్వరలోనే విడుదల కానున్న ఐఫోన్ SE 4 కోసం ఎంతో ఆసక్తిగా ఎదురు చూస్తున్నారు. ఈ క్రమంలోనే ఈ స్మార్ట్ ఫోన్కు సంబంధించిన కొన్ని ఫీచర్స్ లీక్ అయ్యాయి. 16 సిరీస్తో పోలిస్తే SE 4 మరిన్ని మేజర్ అప్డేట్స్ను యాపిల్ చేయబోతుందట. దాదాపు 5 మేజర్ ఛేంజస్తో రానుందట. వీటి గురించి యాపిల్ అఫీషియల్గా ప్రకటించకపోయినప్పటికీ, దాదాపుగా ఇదే ఫీచర్స్తో SE 4 రాబోతుందని అంతా ఆశిస్తున్నారు. ఇంతకీ అవేంటి? అనేది ఈ కథనంలో తెలుసుకుందాం.

డిజైన్ – ఐఫోన్ SE 4… ఐఫోన్ 14 డిజైన్ను పోలి ఉంటుంది. అయితే 4.7 అంగుళాల ఎల్సీడీ స్క్రీన్కు బదులు 6.1 అంగుళాల ఓఎల్ఈడీ డిస్ప్లేతో రానుంది. ఇంకా హోమ్ బటన్, ఫేస్ ఐడీ వంటి ఫీచర్లు కూడా ఉన్నాయి.

కెమెరా – కెమెరా విషయానికొస్తే, ఐఫోన్ SE 4 కొన్ని మేజర్ అప్గ్రేడ్స్తో రానుంది. 48 మెగా పిక్సల్ మెయిన్ కెమెరా, సెల్ఫీల కోసం 12 మెగా పిక్సల్ను అమర్చారట. ప్రస్తుత ఐఫోన్ మోడల్లోని బేసిక్ ఫొటోగ్రఫీ సెటప్తో పోలిస్తే ఈ ఇమ్ప్రూమెంట్స్ SE 4లో బిగ్ ఛేంజ్ను ఇవ్వనున్నాయి.

పెర్ఫార్మెన్స్ – యాపిల్ లేటెస్ట్ ప్రాసెసర్, A18 చిప్సెట్తో SE 4 రానుందని తెలుస్తోంది. 8 జీబీ ర్యామ్తో రానుంది. అలానే రైటింగ్ టూల్స్, జెన్మోజీ, ఫొటోస్ క్లీన్ అప్, ఆల్ న్యూ సిరి వంటి యాపిల్ ఇంటెలిజెన్స్ ఫీచర్స్ కూడా ఉండనున్నాయట.

యూఎస్బీ సీ ఛార్జింగ్ పోర్ట్ – ఈయూ రెగ్యూలేషన్స్ ప్రకారం, అప్కమింగ్ ఐఫోన్ ఎస్ఈ 4 లైటనింగ్ పోర్ట్కు బదులుగా యూఎస్బీ సీ ఛార్జింగ్ పోర్ట్తో రానుంది. ఐప్యాడ్, మ్యాక్బుక్ లేదా ఇతర ఆండ్రాయిడ్ డివైసెస్కు ఉండే టైప్ సీ ఛార్జ్ కేబుల్తోనే ఈ ఎస్ఈ 4కు ఛార్జ్ పెట్టుకునేలా వీలు కల్పించనుంది.

యాపిల్స్ ఇన్ హోస్ మోడెమ్ – యాపిల్ ఇన్ హౌస్, ఐఫోన్ ఎస్ఈ 4తో ఇంట్రడ్యూస్ కానుంది. అలానే ఈ స్మార్ట్ ఫోన్ 5జీ, వైఫై, బ్లూటూత్, జీపీఎస్ వంటి ఫీచర్లు కూడా ఉన్నాయి. దీని వల్ల యాపిల్, క్వాల్కమ్పై ఆధారపడటాన్ని తగ్గిస్తుంది. ధర విషయానికొస్తే ఈ ఐఫోన్ ఎస్ఈ 4 దాదాపు 499 డాలర్లుగా ఊండనుంది. అంటే భారత కరెన్సీలో దాదాపు రూ.49,900గా ఉండొచ్చన మాట. మొత్తంగా దీనిపై ఓ స్పష్టత రావాలంటే యాపిల్ అధికారికంగా ప్రకటించే వరకు వేచి ఉండాల్సిందే.

ఇక ఆపిల్ కంపెనీ వచ్చే ఏడాది పలు లేటెస్ట్ గ్యాడ్జెట్స్ పరిచయం చేయనుంది. వీటిలో ఐఫోన్ 17 సిరీస్ తో పాటు హోమ్ గాడ్జెట్స్ కూడా ఉన్నాయి. స్మార్ట్ హోమ్ కెమెరాస్ తో పాటు సన్ గ్లాసెస్ ను సైతం యాపిల్ లేటెస్ట్ ఫీచర్స్ తో తీసుకురాబోతుంది. ఇక వచ్చే ఏడాది రాబోతున్న ఐఫోన్ 17 సిరీస్ లో 4 మొబైల్స్ వస్తుండగా వీటితో పాటు స్లిమ్ మొబైల్ సైతం రాబోతున్నట్టు సమాచారం. ఇక యాపిల్ ఫోల్డబుల్ మొబైల్స్ ను 2026లో తీసుకొచ్చేందుకు సన్నాహాలు చేస్తుంది.

ALSO READ : దుమ్మురేపబోతున్న ఐఫోన్ 17, ఐఫోన్ 17 ప్రో మాక్స్.. ఫైనల్ ఫీచర్స్ లీక్