కరెంట్ బిల్లు అస్సలు రాదు.. బ్యాచిలర్స్, చిన్న ఫ్యామిలీస్ కోసం బడ్జెట్ ఫ్రెండ్లీ ఫ్రిజ్‌లు

Best single door refrigerator: ప్రస్తుత కాలంలో.. ఇళ్ళు చిన్నవవుతున్నాయి. కుటుంబాల సైజు కూడా తగ్గుతోంది. ముఖ్యంగా..నగరాల్లో ఉండే బ్యాచిలర్స్,వర్కింగ్ కపుల్స్ లేదా ఇద్దరు లేదా ముగ్గురు ఉన్న చిన్న కుటుంబాలకు పెద్ద పెద్ద డబుల్ డోర్ ఫ్రిజ్‌లు కొనడం వల్ల స్థలంతో పాటు డబ్బు కూడా వృధా అవుతుంది. ఇలాంటి సమయంలో.. ‘కాంపాక్ట్ సింగిల్ డోర్ రిఫ్రిజిరేటర్స్’ఒక అద్భుతమైన ఆప్షన్‌గా నిలుస్తాయి. ఇవి కిచెన్‌లో.. తక్కువ స్థలాన్ని ఆక్రమించడమే కాకుండా.. రోజువారీ కూలింగ్ అవసరాలను కూడా తీరుస్తాయి. పైగా కరెంట్ బిల్లు కూడా చాలా తక్కువగా వచ్చేలా చేస్తాయి.

సింగిల్ డోర్ కాంపాక్ట్ రిఫ్రిజిరేటర్ల వల్ల కలిగే ప్రయోజనాలు:

స్పేస్ సేవింగ్ డిజైన్: ఇవి చాలా స్లిమ్‌గా, కాంపాక్ట్‌గా ఉంటాయి. చిన్న కిచెన్‌లు, బెడ్‌రూమ్‌లు లేదా ఆఫీస్ రూముల్లో కూడా వీటిని ఈజీగా వాడొచ్చు.

బడ్జెట్ ఫ్రెండ్లీ: డబుల్ డోర్ లేదా సైడ్-బై-సైడ్ మోడల్స్‌తో పోలిస్తే.. సింగిల్ డోర్ ఫ్రిజ్‌ల ధర చాలా తక్కువ. మధ్యతరగతి కుటుంబాలకు ఇవి బెస్ట్ ఇన్వెస్ట్‌మెంట్.

తక్కువ కరెంట్ ఖర్చు: ఇన్వర్టర్ టెక్నాలజీతో.. వచ్చే లేటెస్ట్ 3-స్టార్ లేదా 5-స్టార్ సింగిల్ డోర్ ఫ్రిజ్‌లు కేవలం ఒక సిఎఫ్ఎల్ బల్బ్ అంత కరెంట్‌ను మాత్రమే వాడుకుంటాయి.

ఫాస్ట్ కూలింగ్ : సింగిల్ డోర్ ఫ్రిజ్‌లలో ఫ్రీజర్ భాగం లోపలే.. ఉండటం వల్ల ఐస్ త్వరగా గడ్డకడుతుంది నీరు, కూల్‌డ్రింక్స్ చాలా వేగంగా చల్లబడతాయి.

మార్కెట్లో ట్రెండింగ్‌లో ఉన్న 5 బెస్ట్ కాంపాక్ట్ సింగిల్ డోర్ ఫ్రిజ్‌లు:

1. ఎల్‌జీ 185 లీటర్స్ 5 స్టార్ ఇన్వర్టర్ (LG 185 L 5 Star Inverter):
ఇండయన్ మార్కెట్లో ఎల్‌జీ బ్రాండ్‌కు ఉన్న క్రేజ్ వేరు. ఈ మోడల్ స్మార్ట్ ఇన్వర్టర్ కంప్రెసర్‌తో వస్తుంది. ఇది హోమ్ ఇన్వర్టర్‌పై కూడా నడుస్తుంది. దీని ‘మాయిస్ట్ బ్యాలెన్స్ క్రిస్పర్’ టెక్నాలజీ కూరగాయలను ఎక్కువ రోజులు తాజాగా ఉంచుతుంది.

ఎవరికి బెస్ట్?: కరెంట్ బిల్లు అస్సలు రాకూడదు అనుకునే.. 2-3 సభ్యుల కుటుంబానికి ఇది పర్ఫెక్ట్.

2. శామ్‌సంగ్ 183 లీటర్స్ డిజిటల్ ఇన్వర్టర్ (Samsung 183 L Digital Inverter):
శామ్‌సంగ్ సింగిల్ డోర్ ఫ్రిజ్‌లు వాటి మోడ్రన్ డిజైన్, గ్రాండ్ లుక్‌తో ఆకట్టుకుంటాయి. ఇందులో స్టెబిలైజర్ అవసరం లేని టెక్నాలజీ ఉంది. వోల్టేజ్ హెచ్చుతగ్గులు ఉన్నా.. ఇది సురక్షితంగా పనిచేస్తుంది. దీని బేస్ స్టాండ్‌లో డ్రాయర్ కూడా ఉంటుంది. అందులో ఉల్లిపాయలు, బంగాళదుంపలు దాచుకోవచ్చు.

3. వర్ల్‌పూల్ 192 లీటర్స్ డైరెక్ట్ కూల్ (Whirlpool 192 L Direct Cool):
వర్ల్‌పూల్ ఫ్రిజ్‌లు ఫాస్ట్ కూలింగ్‌కు ప్రసిద్ధి. ఇందులో ఉండే ప్రత్యేక టెక్నాలజీ పవర్ కట్ అయినప్పుడు కూడా కూలింగ్‌ను ఎక్కువసేపు నిలిపి ఉంచుతుంది. దీని ‘9-అవర్స్ కూలింగ్ రిటెన్షన్’ ఫీచర్ వల్ల పవర్ పోయినా లోపల ఉన్న పాలు, కూరగాయలు పాడవవు.

4. గాడ్రెజ్ 180 లీటర్స్ 3 స్టార్ (Godrej 180 L 3 Star):
మేక్ ఇన్ ఇండియా బ్రాండ్ అయిన గాడ్రెజ్, తక్కువ ధరలో ఎక్కువ మన్నిక గల ఫ్రిజ్‌లను అందిస్తుంది. దీని షెల్ఫ్‌లు చాలా బలంగా ఉంటాయి. బరువైన గిన్నెలను కూడా సులభంగా ఉంచవచ్చు. ఇందులో యాంటీ-బాక్టీరియల్ గాస్కెట్ ఉంటుంది. ఇది ఫ్రిజ్ లోపల జెర్మ్స్ చేరకుండా చూస్తుంది.

Also Read: ప్రతి ఇంట్లో తప్పకుండా.. ఉండాల్సిన BLDC పెడెస్టల్ ఫ్యాన్స్!

5. హైసెన్స్ 93 లీటర్స్ మినీ రిఫ్రిజిరేటర్ (Hisense 93 L Mini Refrigerator):
మీరు ఒంటరిగా ఉంటున్నారా లేదా బెడ్‌రూమ్ కోసం చిన్న ఫ్రిజ్ కావాలా? అయితే హైసెన్స్ మినీ ఫ్రిజ్ బెస్ట్ ఆప్షన్. ఇది చాలా చిన్నగా ఉంటుంది. టేబుల్ కింద కూడా పెట్టేయవచ్చు. ఇందులో ఒక చిన్న ఫ్రీజర్ జోన్ , బాటిల్స్ పెట్టుకోవడానికి మంచి స్పేస్ ఉంటాయి.

చిన్న ఇళ్లకు కాంపాక్ట్ సింగిల్ డోర్ రిఫ్రిజిరేటర్లు ఒక వరమనే చెప్పాలి. ఇవి తక్కువ స్థలాన్ని వాడుకుంటూనే.. రోజువారీ ఆహార పదార్థాలను, పాలు, కూరగాయలను ఎల్లప్పుడూ తాజాగా ఉంచుతాయి. మీరు బ్రాండ్ , సర్వీస్ ముఖ్యం అనుకుంటే.. ఎల్‌జీ లేదా శామ్‌సంగ్ వైపు వెళ్ళవచ్చు. బడ్జెట్ ఇంకా తక్కువలో కావాలంటే.. గాడ్రెజ్ లేదా వర్ల్‌పూల్ బెస్ట్ ఛాయిస్ అవుతాయి. మీ అవసరాలకు తగిన మోడల్‌ను ఎంచుకుని, స్మార్ట్ లైఫ్‌ను ఎంజాయ్ చేయండి.