Smartwatch Battery Replacement: కొత్తగా కొన్నప్పుడు రోజంతా ఛార్జింగ్ వస్తున్న స్మార్ట్‌వాచ్.. కొంతకాలం తర్వాత మాత్రం రోజులో రెండు, మూడు సార్లు ఛార్జింగ్ పెట్టాల్సిన పరిస్థితి వస్తుంది. దీంతో చాలామంది బ్యాటరీ సమస్య అనుకుని కొత్త వాచ్ కొనాలని చూస్తారు. కానీ అంత తొందరగా మీ పాత స్మార్ట్‌వాచ్‌ను పక్కన పెట్టేయాల్సిన అవసరం లేదు. ఎందుకంటే.. కొన్ని మోడళ్లలో బ్యాటరీని మాత్రమే మార్చుకుని వాచ్‌ను మళ్లీ ఉపయోగించుకోవచ్చు.
దీనివల్ల కొత్త వాచ్ కోసం వేల రూపాయలు ఖర్చు చేయాల్సిన పని ఉండదు. అయితే అన్ని స్మార్ట్‌వాచ్‌లలో బ్యాటరీ మార్చడం అంత సులభం కాదు. కొన్ని వాచ్‌లలో వెనుక కవర్ తీస్తే బ్యాటరీ కనిపిస్తుంది. మరికొన్నింటిలో స్క్రీన్‌ను జాగ్రత్తగా తొలగించాల్సి ఉంటుంది. అసలు ఏ స్మార్ట్‌వాచ్‌లలో బ్యాటరీ మార్చుకోవచ్చు? దీనికి ఎంత ఖర్చవుతుంది? మనమే మార్చుకోవచ్చా? వంటి విషయాలు ఇప్పుడు తెలుసుకుందాం.
Asus VivoWatch BP, Garmin Fenix 6 Pro వంటి కొన్ని వాచ్‌లలో వెనుక కవర్ తీసి బ్యాటరీని చేరుకోవచ్చు. దీనికోసం చిన్న స్క్రూలు విప్పడం, లోపలి రిబ్బన్ కేబుళ్లను జాగ్రత్తగా విడదీయడం, అవసరమైతే మదర్‌బోర్డ్‌ను తొలగించడం లాంటి పనులు ఉండొచ్చు. పాత బ్యాటరీని తీసి కొత్తదాన్ని అమర్చి, భాగాలన్నీ తిరిగి సరిగ్గా అమర్చాలి. చిన్న ఎలక్ట్రానిక్ పరికరాలను తెరిచి పనిచేసిన అనుభవం ఉన్నవారే ఈ పని చేయడం మంచిది. కొన్ని మోడళ్లలో సోల్డరింగ్ కూడా అవసరం కావచ్చు. అనుభవం లేకపోతే టెక్నీషియన్‌ను సంప్రదించండి.
Also Read: వాట్సప్‌లో మరో అదిరిపోయే కొత్త ఫీచర్.. కాల్ చేయాలన్నా, అడ్రస్ చూడాలన్నా ఇక చాట్‌లోనే!
iFixit వంటి వెబ్‌సైట్లలో యాపిల్, గార్మిన్, గూగుల్ ఫిట్‌బిట్ వాచ్‌లకు సరిపోయే బ్యాటరీలు దొరుకుతాయి. మోడల్‌ను బట్టి వాటి ధర సుమారు రూ.1,200 నుంచి రూ.7,300 వరకు ఉండొచ్చు. కొన్ని ప్యాక్‌లలో బ్యాటరీతో పాటు చిన్న కత్తి, ప్రెసిషన్ స్క్రూడ్రైవర్, ట్వీజర్లు వంటి పనిముట్లు కూడా ఇస్తారు. కొనేముందు మీ వాచ్ పూర్తి మోడల్ నంబర్‌ను చూసి, ఆ బ్యాటరీ దానికి సరిపోతుందో లేదో నిర్ధారించుకోండి. ధరలు, లభ్యత మారవచ్చు.
యాపిల్ వాచ్ వంటి మోడళ్లలో డిస్‌ప్లే గట్టిగా ఉంటుంది. కొన్ని ఫిట్‌బిట్ వాచ్‌లలోనూ ఇలాంటి నిర్మాణం కనిపిస్తుంది. బ్యాటరీని చేరుకోవాలంటే ముందుగా వాచ్‌ను తగినంత వేడి చేసి, స్క్రీన్‌ను నెమ్మదిగా పైకి ఎత్తాలి. తొందరపడినా, ఎక్కువ బలం పెట్టినా డిస్‌ప్లే లేదా లోపలి భాగాలు దెబ్బతినే ప్రమాదం ఉంది. అందుకే ఈ మోడళ్లలో స్వయంగా ప్రయత్నించడం కాస్త రిస్క్‌తో కూడుకున్న పని.
బ్యాటరీ మార్చిన తర్వాత స్క్రీన్‌ను మళ్లీ బిగించేందుకు అంటుకునే పదార్థం అవసరం. T-7000 వంటి అడ్హెసివ్‌ను ఉపయోగించవచ్చు. అర ఫ్లూయిడ్ ఔన్స్‌కు దీని ధర సుమారు రూ.560 ఉండొచ్చు. అంటుకునే పదార్థం ఆరే వరకు ప్లాస్టిక్ క్లాంప్‌తో స్క్రీన్‌పై ఒత్తిడి పెట్టాల్సి రావచ్చు. అయితే తప్పు గ్లూ వాడితే స్క్రీన్ సరిగా నిలవకపోవచ్చు. కాబట్టి.. ముందుగా రిపేర్ గైడ్ చూడాలి, అవసరమైతే నిపుణుల సాయం తీసుకోవడం ఉత్తమం.
Also Read: ఫిట్‌నెస్ బ్యాండ్‌లో ఏఐ వాయిస్ రికార్డింగ్.. Pebble Qore Voxలో ఉన్న టాప్ ఫీచర్లు ఇవే!
Share
కాంగ్రెస్ పాలిత రాష్ట్రాలపై కమలం గట్టి ఫోకస్.. కారణం బీజేపీ అసలు ప్లాన్ ఇదే?
నెక్స్ట్ జనరేషన్ ఫార్చ్యూనర్ వచ్చేస్తోంది.. ధర ఎంతంటే?
