Pebble Qore Vox: స్మార్ట్‌వాచ్‌లలో స్క్రీన్ లేకుండానే హెల్త్ ట్రాకింగ్, వాయిస్ రికార్డింగ్ వంటి ఫీచర్లు కావాలనుకునే వారి కోసం ప్రముఖ పెబుల్ కొత్త ఫిట్‌నెస్ ట్రాకర్‌ను తీసుకొచ్చింది. Pebble Qore Vox పేరుతో వచ్చిన ఈ కొత్త డివైజ్‌లో AI ఆధారిత వాయిస్ రికార్డింగ్ ప్రత్యేక ఆకర్షణగా నిలుస్తోంది. మీటింగ్స్, క్లాసులు, ముఖ్యమైన సంభాషణలను రికార్డ్ చేయడంతో పాటు వాటిని టెక్స్ట్‌గా మార్చి, సారాంశాన్ని కూడా అందిస్తుంది. ఇప్పటికే మార్కెట్లో ఉన్న Qore, Qore 2 మోడళ్లకు ఇది కొనసాగింపుగా వచ్చింది.
Pebble Qore Vox అసలు ధర రూ.9,999గా ఉంది. అయితే ప్రస్తుతం లాంచ్ ఆఫర్‌లో భాగంగా రూ.5,799కే అందిస్తోంది. కంపెనీ అధికారిక వెబ్‌సైట్‌తో పాటు అమెజాన్, ఫ్లిప్‌కార్ట్‌లో కొనుగోలు చేయవచ్చు. స్టెల్త్ బ్లాక్, స్టార్మ్ బ్లూ, సమ్మిట్ బ్రౌన్ అనే మూడు కలర్ ఆప్షన్లలో ఇది లభిస్తోంది.
Also Read: జీమెయిల్, ఫొటోస్, యూట్యూబ్ ఆధారంగా రోజూ కొత్త కథలు.. Dreambeans ఏఐ యాప్ ఎలా పనిచేస్తుందంటే?
ఈ ఫిట్‌నెస్ ట్రాకర్‌లో పక్కన ఉన్న ఫిజికల్ బటన్‌ను రెండుసార్లు నొక్కితే వాయిస్ రికార్డింగ్ మొదలవుతుంది. మీటింగ్స్, లెక్చర్లు, సంభాషణలు, వ్యక్తిగత రిమైండర్లను రికార్డ్ చేసుకోవచ్చు. తర్వాత Pebble Vox యాప్ ద్వారా వాటిని టెక్స్ట్‌గా మార్చుకోవడంతో పాటు ఏఐ సారాంశాన్ని కూడా పొందవచ్చు. ఇందులో హిందీ, తెలుగు, కన్నడ, మరాఠీ, గుజరాతీ, బెంగాలీ, పంజాబీ భాషలకు సపోర్ట్ ఉంది. ఇంగ్లీష్‌తో పాటు మరో 24 విదేశీ భాషల్లోనూ ఈ సదుపాయం అందుబాటులో ఉంది. రికార్డింగ్స్‌ను వాట్సప్ లేదా ఈమెయిల్ ద్వారా షేర్ చేసుకోవచ్చు.
ఫోన్ దగ్గర లేకపోయినా.. 100 నిమిషాల వరకు రికార్డింగ్స్‌ను డివైజ్‌లోనే సేవ్ చేసుకోవచ్చు. కనెక్షన్ తిరిగి వచ్చినప్పుడు యాప్‌లోకి సింక్ అవుతాయి. రికార్డింగ్ జరుగుతున్నప్పుడు బ్లూ లైట్ వెలుగుతుంది. ట్రాన్స్‌క్రిప్షన్, AI సారాంశాలకు అదనపు సబ్‌స్క్రిప్షన్ అవసరం లేదు.
ఇందులో 100కు పైగా స్పోర్ట్స్ మోడ్స్ ఉన్నాయి. హార్ట్ రేట్, HRV, నిద్ర, బ్లడ్ ఆక్సిజన్, ఒత్తిడి, స్టెప్స్, క్యాలరీలను ట్రాక్ చేస్తుంది. ఫోన్‌తో జత చేసినప్పుడు జీపీఎస్ ట్రాకింగ్ కూడా పనిచేస్తుంది. రికవరీ స్కోర్, డైలీ ఏఐ హెల్త్ రిపోర్ట్ అందిస్తుంది. దీని బరువు సుమారు 53 గ్రాములు. ఒక్కసారి ఛార్జ్ చేస్తే 10 రోజుల వరకు బ్యాటరీ వస్తుందని కంపెనీ చెబుతోంది. మొత్తంగా వాయిస్ రికార్డింగ్, హెల్త్ ట్రాకింగ్ రెండూ ఒకే డివైజ్‌లో కావాలనుకునే వారికి ఇది మంచి ఆప్షన్.
Also Read: ఇంతకాలం ఈ విషయం తెలియక ఎంత ఇబ్బంది పడ్డామో.. ఫోన్ ఛార్జర్‌తోనే ట్రిమ్మర్‌కు ఛార్జింగ్!
Share
హోండా రెంబల్ 300 బుక్ చేసుకున్నవారికి గుడ్న్యూస్.. డెలివరీలు ఎప్పటి నుంచి అంటే?
ఓటమి భయంతోనే సీనియర్లను దించుతున్నారు..టీమిండియాపై అక్తర్ ఫైర్
