Helium AC Exchange Offer: ఇంట్లో మూలన పడి ఉన్న పాత ఏసీ, ఫ్రిజ్, వాషింగ్ మెషీన్‌ను ఏం చేయాలో తెలియక చాలామంది అలాగే వదిలేస్తుంటారు. కొందరు తక్కువ ధరకు అమ్మేస్తే.. మరికొందరు వాటిని అలాగే స్టోర్ రూమ్‌లో పెట్టేస్తారు. అలాంటి పాత వస్తువులకూ ఇప్పుడు డబ్బులు పొందే అవకాశం వచ్చింది. ప్రముఖ ఏసీ బ్రాండ్ హీలియం, అటెరోకు చెందిన సెల్స్‌మార్ట్‌తో కలిసి కొత్త ఎక్స్చేంజ్ ఆఫర్‌ను తీసుకొచ్చింది. ఇందులో కొత్త హీలియం ఏసీ కొనుగోలు చేసేటప్పుడు పాత ఏసీ మాత్రమే కాకుండా ఫ్రిజ్, వాషింగ్ మెషీన్, ఎయిర్ కూలర్‌ను కూడా ఇచ్చేయొచ్చు. అంతేకాదు.. పాత వస్తువును ఇంటి దగ్గరకే తీసుకెళ్లి, దానికి సంబంధించిన డబ్బును డిజిటల్‌గా చెల్లిస్తారు.
హీలియం వెబ్‌సైట్‌లో కొత్త ఏసీ కొనుగోలు చేసే సమయంలో పాత ఏసీతో పాటు ఫ్రిజ్, వాషింగ్ మెషీన్ లేదా ఎయిర్ కూలర్‌ను కూడా ఎక్స్చేంజ్‌కు ఇవ్వొచ్చు. అంటే ఇంట్లో ఉన్న పాత వస్తువును అమ్మడానికి వేరే కొనుగోలుదారుడి కోసం వెతకాల్సిన అవసరం ఉండదు. అయితే ఈ సదుపాయం హీలియం ఏసీ కొనుగోలుతో కలిపే అందుబాటులో ఉంటుందని గుర్తుంచుకోవాలి.
ముందుగా హీలియం ఆన్‌లైన్ స్టోర్‌లో మీకు నచ్చిన కొత్త ఏసీని ఎంచుకోవాలి. అక్కడ సెల్స్‌మార్ట్ ఎక్స్చేంజ్ కాలిక్యులేటర్‌లో పాత పరికరం వివరాలు నమోదు చేసి, దాని విలువ ఎంత వస్తుందో తెలుసుకోవచ్చు. చూపించిన ధర నచ్చితే ఎక్స్చేంజ్ అభ్యర్థనను కొనసాగించాలి. ఆ తర్వాత కొత్త ఏసీ ఆర్డర్‌తో పాటు పాత పరికరం పికప్ కూడా ఏర్పాటు అవుతుంది. ధర ముందుగానే ఖరారు అవుతుందని, చివరి నిమిషంలో ఊహించని కోతలు ఉండవని కంపెనీలు చెబుతున్నాయి.
Also Read: మార్కెట్‌లోకి రాకముందే ఇన్ని కఠినమైన పరీక్షలా? Samsung Galaxy Z Fold 8 వెనుకున్న ఈ కష్టం తెలిస్తే..
ఆర్డర్, ఎక్స్చేంజ్ ప్రక్రియ పూర్తయ్యాక సెల్స్‌మార్ట్ ప్రతినిధులు ఇంటికి వచ్చి పాత పరికరాన్ని తీసుకెళ్తారు. దానికి సంబంధించిన డబ్బును డిజిటల్‌గా చెల్లిస్తారు. దీంతో పాత వస్తువును బయటకు తీసుకెళ్లడం, కొనుగోలుదారులతో మాట్లాడటం వంటి పనులు తప్పుతాయి. పికప్ తేదీ, అర్హత వంటి వివరాలను ఆర్డర్ సమయంలో మరోసారి పరిశీలించడం మంచిది.
సేకరించిన పరికరాలను అటెరో రూర్కీలోని రీసైక్లింగ్ కేంద్రానికి పంపుతుందని సంస్థ తెలిపింది. అక్కడ ఉపయోగపడే లోహాలు, ఇతర పదార్థాలను వేరు చేసి తిరిగి వినియోగంలోకి తెస్తారు. సెల్స్‌మార్ట్ 25కు పైగా నగరాల్లో సేవలు అందిస్తోంది. కాబట్టి.. కొత్త ఏసీ కొనేటప్పుడు పాత ఉపకరణాన్ని బాధ్యతగా అప్పగించే అవకాశం ఇది. ఎక్స్చేంజ్ విలువ, సేవ అందుబాటు, నిబంధనలు తెలుసుకుని ఆర్డర్ చేయండి.
ఈ ఆఫర్ ఉపయోగించుకునే ముందు మీ పాత పరికరం ఏ పరిస్థితిలో ఉండాలి? ఏ ప్రాంతాల్లో పికప్ అందుబాటులో ఉంది? చెల్లింపు ఎప్పుడు వస్తుంది.. అనే విషయాలను వెబ్‌సైట్‌లో ముందుగానే చూసుకోవాలి. కాలిక్యులేటర్ చూపించే మొత్తం పరికరం వివరాలపై ఆధారపడి ఉంటుంది. అందుకే మోడల్, పని చేసే స్థితి వంటి వివరాలను సరిగ్గా నమోదు చేయండి. ఇలా చేస్తే కొనుగోలు సమయంలో గందరగోళం లేకుండా ఉంటుంది.
Share
అమెరికాలో మధ్యంతర ఎన్నికల ఫలితాలు.. అధికార పార్టీ కంచుకోటలు బద్దలు, ట్రంప్ కీలక వ్యాఖ్యలు
కేటీఆర్ నోటిని ఫినాయిల్తో కడగాలి.. అధికారం పోగానే గజ్జె గుర్తుకొచ్చిందా?– మెట్టు సాయికుమార్
