Honor X7c 5G| గేమింగ్ ఫోన్లకు ఫేమస్ బ్రాండ్ అయిన హానర్ కంపెనీ తాజాగా భారతదేశంలో కొత్త స్మార్ట్‌ఫోన్ లాంచ్ చేసింది. హానర్ X7c 5G పేరుతో ఆగస్టు 18, 2025న విడుదలైన ఈ ఫోన్.. ఆగస్టు 20, 2025 నుంచి అమెజాన్‌లో విక్రయాలు ప్రారంభమవుతాయి. ఈ ఫోన్‌ను హానర్ లాంచ్ ఆఫర్ ధరగా ₹14,999 ప్రకటించింది. కానీ ఈ ఆఫర్ రెండు రోజులు మాత్రమే ఉంటుంది. ఈ ఫోన్ ఫారెస్ట్ గ్రీన్, మూన్‌లైట్ వైట్ అనే రెండు రంగుల్లో లభిస్తుంది.
హానర్ X7c 5G ప్రారంభ ధర లేదా లిస్టింగ్ ధరను హానర్ ఇంకా వెల్లడించలేదు. అయితే, పరిచయ ఆఫర్‌లో 8GB ర్యామ్, 256GB స్టోరేజ్ ఉన్న మోడల్‌ను ₹14,999కి కొనుగోలు చేయవచ్చు. అమెజాన్ నుంచి కొనుగోలు చేసే వారికి ఆరు నెలల వడ్డీ లేని EMI ఆప్షన్ కూడా అందుబాటులో ఉంది.
హానర్ X7c 5Gలో 6.8 ఇంచ్‌ల పెద్ద LCD డిస్‌ప్లే ఉంది, ఇది 120Hz హై రిఫ్రెష్ రేట్‌తో వస్తుంది. ఈ డిస్‌ప్లే ఫుల్ HD+ రిజల్యూషన్, 850 నిట్స్ గరిష్ట బ్రైట్‌నెస్‌ను అందిస్తుంది, ఇది ఫొటోలు, వీడియోలను చాలా క్లియర్ గా చూపిస్తుంది. ఈ ఫోన్ స్నాప్‌డ్రాగన్ 4 జెన్ 2 చిప్‌సెట్‌తో పవర్ పొందుతుంది. ఇది 4nm ప్రాసెస్‌ తో నిర్మించబడింది.
ఈ చిప్‌సెట్‌తో పాటు గ్రాఫిక్స్ కోసం అడ్రినో 613 GPU ఉంది. ఇది గేమింగ్, వీడియోలకు మంచి అనుభవాన్ని అందిస్తుంది. 8GB ర్యామ్, 256GB ఇంటర్నల్ స్టోరేజ్‌తో.. ఈ ఫోన్ సులభంగా మల్టీటాస్కింగ్ చేయడానికి అనుకూలంగా ఉంటుంది.
ఈ స్మార్ట్‌ఫోన్‌లో డ్యూయల్ రియర్ కెమెరా సెటప్ ఉంది. ఇందులో 50MP ప్రధాన కెమెరా, 2MP డెప్త్ సెన్సార్ LED ఫ్లాష్‌తో ఉన్నాయి. ఈ కెమెరాలో పోర్ట్రెయిట్, నైట్, ప్రో, HDR, వాటర్‌మార్క్ వంటి వివిధ మోడ్‌లు ఉన్నాయి. ముందు భాగంలో హోల్-పంచ్ కటౌట్‌లో 5MP సెల్ఫీ కెమెరా ఉంది.
ఈ ఫోన్‌లో డ్యూయల్ స్టీరియో స్పీకర్లు ఉన్నాయి. ఇవి 300 శాతం హై-వాల్యూమ్ మోడ్‌తో బయటి వాతావరణంలో కూడా గొప్ప ఆడియో ఎక్స్‌పీరియన్స్ అందిస్తాయి. ఈ ఫోన్ ఆండ్రాయిడ్ 14 ఆధారంగా రూపొందిన మ్యాజిక్‌OS 8.0 సాఫ్ట్‌వేర్‌పై నడుస్తుంది, ఇది సులభమైన, ఆధునిక యూజర్ ఇంటర్‌ఫేస్‌ను అందిస్తుంది.
హానర్ X7c 5Gలో 5200mAh బ్యాటరీ ఉంది, ఇది 35W వైర్డ్ ఫాస్ట్ ఛార్జింగ్‌కు సపోర్ట్ చేస్తుంది. హానర్ ప్రకారం.. ఈ బ్యాటరీ 24 గంటల స్ట్రీమింగ్, 59 గంటల మ్యూజిక్, 46 గంటల కాలింగ్ సమయాన్ని అందిస్తుంది. అల్ట్రా పవర్-సేవింగ్ మోడ్‌లో 2 శాతం బ్యాటరీతో 75 నిమిషాల కాల్స్ సాధ్యమవుతాయి.
ఈ ఫోన్ IP64 రేటింగ్‌తో డస్ట్, వాటర్ రెసిస్టెన్స్ కలిగి ఉంది. కనెక్టివిటీ కోసం డ్యూయల్-బ్యాండ్ వై-ఫై, బ్లూటూత్ 5.0, GLONASS, గెలీలియో వంటి బహుళ GPS సిస్టమ్‌లు ఉన్నాయి.
మొత్తంగా.. హానర్ X7c 5G ఆధునిక ఫీచర్లు, పవర్ ఫుల్ పనితీరు, సరసమైన ధరతో ఆకర్షణీయమైన ఎంపికగా నిలుస్తుంది.
Also Read: POCO M7 Plus 5G vs Vivo T4x 5G: పోకో, వివో ఫోన్ల గట్టి పోటీ.. ₹17,000 లోపు ధరలో ఏది బెస్ట్?
Share
Urea War: బ్లాక్ మార్కెట్కు యూరియా తరలింపు.? కేంద్రం చెప్పిందెంత..? ఇచ్చిందెంత..?
AP Politics: బాబుకు ఝలక్! ఆళ్ల నాని వైసీపీలోకి వెళ్తున్నాడా?
