ఈ క్రేజీ ల్యాప్‌టాప్ చూస్తే..మ్యాక్‌బుక్‌ను కూడా పక్కన పెట్టేస్తారు!

HP OmniBook X 14 : చాలా కాలంగా విండోస్ ల్యాప్‌టాప్స్ అంటే బ్యాటరీ త్వరగా అయిపోతుందని, హీట్ అయిపోతాయని చాలామంది మ్యాక్‌బుక్ వైపు మొగ్గు చూపుతున్నారు. కానీ ఆ అభిప్రాయాన్ని పూర్తిగా మార్చేస్తూ మార్కెట్లోకి దూసుకొచ్చింది HP OmniBook X 14. సరికొత్త స్నాప్‌డ్రాగన్ X ఎలైట్ ప్రాసెసర్ , పవర్‌ఫుల్ ఏఐ ఫీచర్లతో వచ్చిన ఈ ల్యాప్‌టాప్ ధర ప్రస్తుతం మార్కెట్లో దాదాపు రూ. 1,09,999 గా ఉంది. ప్రీమియం లుక్, మైండ్ బ్లోయింగ్ పర్ఫార్మెన్స్‌తో వచ్చిన ఈ ల్యాప్‌టాప్ నిజంగానే మిమ్మల్ని మ్యాక్‌బుక్ నుంచి విండోస్ వైపు తిప్పుకుంటుందా? దీని ఫీచర్ల పూర్తి వివరాలు ఇప్పుడు తెలుసుకుందాం

HP OmniBook X 14 పూర్తి రివ్యూ:

ఆపిల్ మ్యాక్‌బుక్ ఎయిర్‌కు పోటీగా ఒక మంచి ప్రీమియం విండోస్ ల్యాప్‌టాప్ కావాలని.. ఎదురుచూసే వాళ్లకు హెచ్‌పీ ఒక అదిరిపోయే ఆప్షన్ ఇచ్చింది. అదే హెచ్‌పీ ఓమ్నీబుక్ ఎక్స్ 14 . కేవలం పేరు మార్చడమే కాదు, దీని లోపల ఉన్న టెక్నాలజీని కూడా పూర్తిగా మార్చేసింది హెచ్‌పీ. ఈ ల్యాప్‌టాప్ ప్రత్యేకతలేంటంటే..

స్నాప్‌డ్రాగన్ ‘ఎక్స్ ఎలైట్’ పవర్:

సాధారణంగా విండోస్ ల్యాప్‌టాప్‌లలో ఇంటెల్ లేదా ఏఎండి ప్రాసెసర్లు చూస్తుంటాం. కానీ ఈ ఓమ్నీబుక్‌లో సరికొత్త ఆర్మ్-బేస్డ్ ప్రాసెసర్‌ను వాడారు. దీని వల్ల ల్యాప్‌టాప్ స్పీడ్ నెక్స్ట్ లెవెల్‌లో ఉంటుంది. మీరు ఎన్ని హెవీ సాఫ్ట్‌వేర్లు రన్ చేసినా, ఒకేసారి 20-30 క్రోమ్ ట్యాబ్‌లు ఓపెన్ చేసినా ఎక్కడా ల్యాగ్ అనేది కనిపించదు. ఈ విషయంలో ఇది ఆపిల్ M3 చిప్‌సెట్‌కు గట్టి పోటీ ఇస్తుంది.

నిద్రపోని బ్యాటరీ లైఫ్ :

విండోస్ ల్యాప్‌టాప్‌ల ప్రధాన శాపం బ్యాటరీ లైఫ్. కానీ స్నాప్‌డ్రాగన్ ప్రాసెసర్ పుణ్యమా అని ఈ ల్యాప్‌టాప్ బ్యాటరీ బ్యాకప్ విషయంలో.. అద్భుతాలు సృష్టిస్తోంది. హెచ్‌పీ చెప్తున్న దాని ప్రకారం ఇది ఒక్క సారి ఛార్జ్ చేస్తే ఏకంగా 26 గంటల వరకు నాన్‌స్టాప్ వీడియో ప్లేబ్యాక్ ఇస్తుంది. అంటే నార్మల్ ఆఫీస్ యూసేజ్‌లో ఈ ల్యాప్‌టాప్‌ను చార్జర్ లేకుండానే రెండు రోజుల పాటు హ్యాపీగా వాడుకోవచ్చు.

ఏఐ ఫీచర్లు :

ఇది ఒక నెక్స్ట్ జనరేషన్ ‘Copilot+ PC’.అంటే ఇందులో మైక్రోసాఫ్ట్ కంపెనీకి చెందిన ప్రత్యేకమైన ఆర్టిఫిషియల్ ఇంటెలిజెన్స్ ఫీచర్లు ఇన్‌బిల్ట్‌గా వస్తాయి. మీరు ఆన్‌లైన్ మీటింగ్స్‌లో ఉన్నప్పుడు మీ బ్యాక్‌గ్రౌండ్‌ను బ్లర్ చేయడం, వాయిస్‌ను క్లియర్ చేయడం మాత్రమే కాకుండా, ‘రికాల్’, రియల్-టైమ్ లైవ్ క్యాప్షన్స్ వంటి ఫీచర్లు మీ పనిని చాలా తేలిక చేస్తాయి. దీనిలోని పవర్‌ఫుల్ NPU ఏఐ టాస్క్‌లను క్షణాల్లో పూర్తి చేస్తుంది.

ప్రీమియం లుక్ ,డిస్‌ప్లే క్వాలిటీ :

చూడటానికి ఈ ల్యాప్‌టాప్ చాలా స్లిమ్‌గా, కేవలం 1.34 కేజీల బరువుతో అల్ట్రా-పోర్టబుల్‌గా ఉంటుంది. దీని అల్ట్రా-థిన్ అల్యూమినియం బాడీ చేతిలో పట్టుకుంటే చాలా లగ్జరీ ఫీల్ ఇస్తుంది. ఇక 14-ఇంచుల 2.2K డిస్‌ప్లే క్వాలిటీ అద్భుతంగా ఉంటుంది. దీని కలర్ ప్రొడక్షన్ చాలా బాగుంటుంది కాబట్టి ఫోటో, వీడియో ఎడిటర్లకు ఇది చక్కగా సరిపోతుంది.