HTC Vive Eagle Glasses: వాయిస్ కంట్రోల్‌తో వీడియో, ఫొటోలు తీసే ఏఐ గ్లాసెస్.. హెచ్‌టిసి వైవ్ ఈగల్ లాంచ్

HTC Vive Eagle Glasses| స్టార్ట్ డివైజ్ లు తయారు చేసే ప్రముఖ కంపెనీ HTC “వైవ్ ఈగల్” పేరుతో మొదటిసారిగా AI స్మార్ట్ గ్లాసెస్‌ విడుదల చేసింది. ఈ స్మార్ట్ గ్లాసెస్ సాంప్రదాయ స్క్రీన్‌ను ఉపయోగించవు. కానీ అధునాతన ఫీచర్లు స్టైలిష్ లుక్‌, కెమెరా, వాయిస్ కంట్రోల్ తో పనిచేస్తాయి.

స్టైలిష్ డిజైన్, బరువు
వైవ్ ఈగల్ గ్లాసెస్ క్లాసిక్ వేఫరర్-స్టైల్ ఫ్రేమ్‌ను కలిగి ఉంటాయి. ఇవి లెన్స్‌లతో కలిపి 48.8 గ్రాములు, లెన్స్‌లు లేకుండా 42.8 గ్రాముల బరువు ఉంటాయి. ఈ గ్లాసెస్ నాలుగు రంగులలో లభిస్తాయి: బెర్రీ, బ్లాక్, కాఫీ, గ్రే.

AI అసిస్టెంట్
వైవ్ ఈగల్ స్మార్ట్ గ్లాసెస్‌లో బిల్ట్-ఇన్ AI అసిస్టెంట్ ఉంది. యూజర్లు గూగుల్ జెమినీ లేదా ఓపెన్‌AI GP ని తమ AI అసిస్టెంట్‌గా ఎంచుకోవచ్చు. ఈ అసిస్టెంట్ ద్వారా వాయిస్ కమాండ్‌లతో సంగీతం వినడం, ప్రశ్నలు అడగడం, టెక్స్ట్ అనువదించడం, ఫొటోలు లేదా వీడియోలు తీయడం వంటివి చేయవచ్చు. సైన్‌బోర్డ్ లేదా చిత్రంలోని టెక్స్ట్‌ను తక్షణమే అనువదించే సామర్థ్యం ఈ గ్లాసెస్‌కు ఉంది.

పవర్ ఫుల్ ఇంటర్నల్ ఫీచర్లు
వైవ్ ఈగల్‌ లో క్వాల్‌కామ్ స్నాప్‌డ్రాగన్ AR1 జన్ 1 ప్రాసెసర్, 4GB RAM – 32GB ఇంటర్నల్ స్టోరేజ్ కలిగి ఉన్నాయి. ఇందులో 12 మెగాపిక్సెల్ అల్ట్రా-వైడ్ కెమెరా ఉంది. ఇది 3024×4032 పిక్సెల్ రిజల్యూషన్‌తో ఫొటోలను.. 1512×2016 పిక్సెల్ రిజల్యూషన్‌తో 30fps వీడియోలను తీస్తుంది. జీస్ UV400 సన్ ప్రొటెక్షన్ లెన్స్‌లు ఈ గ్లాసెస్‌కు అదనపు ఆకర్షణను జోడిస్తాయి.

ఆడియో సిస్టమ్
ఈ గ్లాసెస్‌లో నాలుగు మైక్రోఫోన్‌లు ఉన్నాయి. ఒకటి డైరెక్షనల్, మూడు ఓమ్నిడైరెక్షనల్. రెండు ఓపెన్-ఇయర్ స్టీరియో స్పీకర్లు కూడా ఉన్నాయి. ఫొటోలు లేదా వీడియోలు తీస్తున్నప్పుడు LED లైట్ ద్వారా రికార్డింగ్ జరుగుతుంది. అందుకే ఇది ప్రైవెసీని కాపాడుతుందని కంపెనీ తెలిపింది.

బ్యాటరీ లైఫ్, ఫాస్ట్ ఛార్జింగ్
వైవ్ ఈగల్‌లో 235mAh బ్యాటరీ ఉంది, ఇది గరిష్టంగా 36 గంటల స్టాండ్‌బై సమయాన్ని అందిస్తుంది. సంగీతం వినడానికి 4.5 గంటల వరకు ఉపయోగించవచ్చు. మాగ్నెటిక్ USB ఛార్జింగ్ కేబుల్‌తో, ఇది 10 నిమిషాల్లో 1 శాతం నుండి 50 శాతం వరకు 23 నిమిషాల్లో 50 శాతం నుండి 80 శాతం వరకు ఛార్జ్ అవుతుంది.

కనెక్టివిటీ
ఈ గ్లాసెస్ Wi-Fi 6E, బ్లూటూత్ 5.3ని సపోర్ట్ చేస్తాయి, ఇది సీమ్‌లెస్ వైర్‌లెస్ అనుభవాన్ని అందిస్తుంది. IP54 రేటింగ్ ద్వారా డస్ట్, వాటర్ ప్రొటెక్షన్ ఫీచర్ కలిగి ఉంది. ఈ గ్లాసెస్‌ను ఉపయోగించడానికి ఆండ్రాయిడ్ 10 లేదా కొత్త వెర్షన్, లేదా iOS 17.6 లేదా కొత్త వెర్షన్ ఉన్న స్మార్ట్‌ఫోన్‌తో జత చేయాలి.

ధర, లభ్యత

వైవ్ ఈగల్ ధర NT$15,600 అంటే భారత కరెన్సీలో సుమారు ₹45,500. ప్రస్తుతం ఇవి తైవాన్‌లో మాత్రమే లభిస్తాయి. 2020EYEhaus, కొన్ని తైవాన్ మొబైల్ స్టోర్‌లలో ఈ గ్లాసెస్‌ను కొనుగోలు చేయవచ్చు.

వైవ్ ఈగల్ స్మార్ట్ గ్లాసెస్ స్టైల్, ఫంక్షనాలిటీ, అధునాతన AI టెక్నాలజీని సమన్వయం చేస్తాయి. ప్రయాణంలో లేదా రోజువారీ జీవితంలో ఈ గ్లాసెస్ మీకు సౌకర్యవంతమైన, స్మార్ట్ అనుభవాన్ని అందిస్తాయి.

Also Read: రూ.9999 కే ఐఫోన్.. త్వరపడండి లిమిటెడ్ ఆఫర్

Share

• 
• 
• 
• 
• 
•