iPhone 17 Price Drop: తక్కువ బడ్జెట్లో కొత్త ఐఫోన్ కొనాలనుకునే వారికి ఫ్లిప్కార్ట్ సూపర్ గుడ్ న్యూస్ చెప్పింది. యాపిల్ ప్రతిష్టాత్మకంగా తీసుకొచ్చిన iPhone 17 ఇప్పుడు భారీ డిస్కౌంట్తో అందుబాటులోకి వచ్చింది. డైరెక్ట్ డిస్కౌంట్, ఎక్స్ఛేంజ్ బోనస్, బ్యాంక్ ఆఫర్లు అన్నీ కలుపుకుంటే ఏకంగా రూ.25,000 పైగా ఆదా చేసుకునే అవకాశం లభిస్తోంది. ప్రీమియం ఫోన్ల కేటగిరీలో ప్రస్తుతం మార్కెట్లో ఉన్న బెస్ట్ డీల్స్లో ఇది ఒకటిగా నిలిచింది.
మార్కెట్లో iPhone 17 (256GB వేరియంట్) అసలు ధర రూ.82,900 ఉంది. అయితే ప్రస్తుతం ఫ్లిప్కార్ట్ దీనిపై నేరుగా రూ.5,000 తగ్గింపును ఇస్తోంది. దీంతో ఈ ఫోన్ ధర రూ.77,900కు దిగొచ్చింది. కేవలం ఈ ఫ్లాట్ డిస్కౌంట్ మాత్రమే కాకుండా.. ఇతర ఆఫర్లను కూడా వాడుకుంటే ఫోన్ ధర మరింత భారీగా తగ్గుతుంది.
Also Read: యూజర్ల డిమాండ్తో మార్కెట్లోకి HMD Vibe 2 5G కొత్త వేరియంట్.. సేల్స్ ఎప్పటి నుంచంటే?
ఈ డీల్లో అసలైన లాభం ఎక్స్ఛేంజ్ ఆఫర్ ద్వారానే వస్తుంది. పాత iPhone 11ను ఎక్స్ఛేంజ్ చేయడం ద్వారా రూ.16,800 వరకు తగ్గింపు పొందొచ్చు. దీనిలో రూ.5,000 అదనపు ఎక్స్ఛేంజ్ బోనస్ కూడా కలిసి ఉంది. ఒకవేళ మీ వద్ద అంతకంటే కొత్త ఐఫోన్ మోడల్స్ ఉండి, అవి మంచి కండిషన్లో ఉంటే ఇంకా ఎక్కువ ఎక్స్ఛేంజ్ విలువ వచ్చే అవకాశం ఉంది. దీనికి తోడు హెచ్ఎస్బీసీ, బ్యాంక్ ఆఫ్ బరోడా క్రెడిట్ కార్డులపై మరో రూ.4,000 ఇన్స్టంట్ డిస్కౌంట్ కూడా లభిస్తోంది. ఇవన్నీ కలిపితే iPhone 17ను చాలా తక్కువ ధరకే సొంతం చేసుకోవచ్చు.
ఐఫోన్ 17 ఫీచర్ల విషయానికి వస్తే.. దీనిలో 6.3 అంగుళాల ఓఎల్ఈడీ డిస్ప్లేను ఇచ్చారు. ఇది అద్భుతమైన బ్రైట్నెస్, కలర్స్ అందిస్తుంది. ఈ ఫోన్లో యాపిల్ అత్యంత వేగవంతమైన ఏ19 చిప్సెట్ను వాడారు. దీంతో హెవీ గేమింగ్, మల్టీ టాస్కింగ్, ఏఐ ఫీచర్లు చాలా స్మూత్గా రన్ అవుతాయి. ఇక కెమెరా పరంగా వెనుక వైపు 48MP డ్యూయల్ కెమెరా సెటప్, సెల్ఫీల కోసం 18MP ఫ్రంట్ కెమెరా ఉన్నాయి. 256GB స్టోరేజ్ ఉండటం వల్ల స్పేస్ సమస్య కూడా ఉండదు.
మీరు గనుక పాత ఐఫోన్ వాడుతూ.. కొత్త ఫోన్కి అప్గ్రేడ్ అవ్వాలని చూస్తుంటే మాత్రం ఈ ఆఫర్ను అస్సలు వదులుకోవద్దు. ముఖ్యంగా iPhone 11 లేదా అంతకంటే పాత మోడల్స్ ఉన్నవారికి ఇది సరైన సమయం. రోజురోజుకూ ప్రీమియం ఫోన్ల ధరలు పెరిగిపోతున్న తరుణంలో, ఇలాంటి భారీ డిస్కౌంట్ ఆఫర్లు రావడం చాలా అరుదు. కాబట్టి.. బడ్జెట్ లో iPhone 17 కొనాలనుకునే వారికి ఇది ఒక బెస్ట్ ఆప్షన్ అని చెప్పవచ్చు.
Also Read: యాపిల్ సంచలన నిర్ణయం.. చాట్జీపీటీ లాగే Siri AI కూడా పెయిడ్ సర్వీస్గా మారబోతుందా!?
Share
Shahid Afridi: స్మృతి, రీచా ఘోష్ బ్యాట్లల్లో చిప్స్..అందుకే పాక్ ఓడిపోయింది
7 ఏళ్ల నాటి ఫ్లాప్ సినిమా ట్రెండింగ్లో... ఇంకా చూడలేదా ?
