iPhone Decline Call: ఐఫోన్‌కు కాల్ వచ్చినప్పుడు కొన్నిసార్లు Slide to Answer అనే బార్ మాత్రమే కనిపిస్తుంది. కాల్‌ను కట్ చేయడానికి బటన్ లేకపోవడంతో చాలామంది ఫోన్‌లో ఏదైనా సమస్య ఉందేమో అనుకుంటారు. కానీ ఇది ఐఫోన్‌లో ఉండే సాధారణ సెట్టింగ్. ఫోన్ లాక్‌లో ఉందా, అన్‌లాక్‌లో ఉందా అనే దాని ఆధారంగా కాల్ స్క్రీన్ మారుతుంది. ఈ తేడా ఎందుకు ఉంటుందో, కాల్‌ను ఎలా తిరస్కరించాలో ఇప్పుడు తెలుసుకుందాం.
ఐఫోన్ లాక్‌లో ఉన్నప్పుడు కాల్ వస్తే.. సాధారణంగా సమాధానం చెప్పడానికి Slide to Answer బార్ కనిపిస్తుంది. ఇక్కడ Decline బటన్ కనిపించదు. అయితే కాల్‌ను కట్ చేయడానికి స్క్రీన్‌పై బటన్ కోసం వెతకాల్సిన అవసరం లేదు. ఫోన్ పక్కన ఉండే సైడ్ బటన్‌ను త్వరగా రెండుసార్లు నొక్కితే కాల్ తిరస్కరించబడుతుంది. కాల్ వాయిస్ మెయిల్‌కు వెళ్తుంది. ఫోన్ అన్‌లాక్‌లో ఉన్నా ఈ పద్ధతి పనిచేస్తుంది.
సైడ్ బటన్‌ను ఒక్కసారి మాత్రమే నొక్కితే కాల్ కట్ కాదు. రింగ్‌టోన్, వైబ్రేషన్ మాత్రమే ఆగిపోతాయి. అవతలి వ్యక్తికి మాత్రం కాల్ కొనసాగుతూనే ఉంటుంది. వాయిస్ మెయిల్ అందుబాటులో ఉంటే అది స్పందించే వరకు కాల్ కొనసాగుతుంది. ఫోన్‌లోని వాల్యూమ్ బటన్లలో ఏదైనా నొక్కినా రింగ్‌టోన్ మాత్రమే సైలెంట్ అవుతుంది. కాబట్టి.. కాల్‌ను వెంటనే తిరస్కరించాలంటే సైడ్ బటన్‌ను రెండుసార్లు నొక్కాలి. మీటింగ్‌లో ఉన్నప్పుడు రింగ్ ఆపాలా, కాల్ కట్ చేయాలా అనేది ఈ తేడా తెలుసుకుంటే సులభంగా నిర్ణయించుకోవచ్చు.
Also Read: రూ.2,000 లోపే 75 గంటల బ్యాటరీ.. బోట్, వన్‌ప్లస్‌తో సహా టాప్-5 ఇయర్‌బడ్స్ ఇవే!
ఫోన్ వాడుతున్న సమయంలో కాల్ వస్తే చిన్న బ్యానర్ కనిపిస్తుంది. అందులో Accept, Decline బటన్లు ఉంటాయి. బ్యానర్‌ను పైకి స్వైప్ చేస్తే అది మాత్రమే కనిపించకుండా పోతుందే గానీ కాల్ తిరస్కరించబడదు. పూర్తి స్క్రీన్ కాల్ అలర్ట్ కావాలంటే సెట్టింగ్స్‌లో మార్చుకోవచ్చు. iOS 26లో Settingsలో Apps విభాగానికి వెళ్లి Phone, Incoming Calls ఎంపికల్లో Full Screen ఎంచుకోవాలి. కాల్‌కు సమాధానం ఇవ్వకుండా మెసేజ్ పంపే అవకాశం కూడా ఉంది. Message నొక్కి ముందుగా ఇచ్చిన జవాబును ఎంచుకోవచ్చు లేదా మీరే టైప్ చేయవచ్చు.
iOS 26లో Call Screening ఫీచర్ తెలియని నంబర్ల నుంచి వచ్చే కాల్స్‌ను ముందుగా పరిశీలిస్తుంది. కాల్ చేసిన వ్యక్తిని పేరు, ఎందుకు ఫోన్ చేస్తున్నారో చెప్పమని అడుగుతుంది. ఆ మాటలు స్క్రీన్‌పై లైవ్‌గా కనిపిస్తాయి. వాటిని చూసి కాల్ ఎత్తాలా వద్దా అనేది మీరు నిర్ణయించవచ్చు. అయితే ఈ ఫీచర్ పని చేసే తీరు ప్రాంతం, సెట్టింగ్స్‌ను బట్టి మారవచ్చు. సమస్య ఎదురైతే iOS అప్‌డేట్ ఉందో చేయండి లేదంటే ఫోన్‌ను రీస్టార్ట్ చేయండి.
Also Read: వాట్సప్‌లో క్రేజీ అప్‌డేట్.. ఇన్స్టాగ్రామ్ ఫాలోవర్లను కూడా ఇక్కడికి రప్పించొచ్చు, ఎలాగో తెలుసా?
Share
పవన్ కళ్యాణ్ - అన్నా విడాకుల వెనుక అసలు కారణం ఇదేనా?
నిన్నటిదాకా స్టార్ హీరోయిన్... ఇప్పుడు ఉండటానికి ఇల్లు కూడా లేదు... ఎమోషనల్ కామెడీ డ్రామా
