JioHome Plans: ఇంటింటికీ బ్రాడ్ బ్యాండ్ సేవలను మరింత చేరువ చేసేందుకు జియో సరికొత్తగా ‘జియోహోమ్’ (JioHome) ప్యాక్లను తీసుకొచ్చింది. లైవ్ టెలివిజన్, హై-స్పీడ్ హోమ్ బ్రాడ్బ్యాండ్, ఓటీటీ స్ట్రీమింగ్ సేవలను కస్టమర్ల అవసరాలకు తగినట్లుగా విడివిడిగా లేదా కలిపి ఈ ప్యాక్లలో అందించనున్నారు. ఇంటికి కేవలం టీవీ కనెక్షన్ కావాలన్నా, లేక వై-ఫై ఇంటర్నెట్ పొందాలన్నా, లేదా రెండూ కలిపి కావాలన్నా కస్టమర్లు తమకు నచ్చిన ప్లాన్ను ఎంచుకోవచ్చు.
ఈ జియోహోమ్ సేవలను పొందడానికి కస్టమర్ల వద్ద కచ్చితంగా జియో మొబైల్ నంబర్ ఉండాల్సిన పనిలేదు. జియో మొబైల్ కనెక్షన్ లేని కొత్త వినియోగదారులు సైతం ఈ ప్యాక్ల కోసం దరఖాస్తు చేసుకోవచ్చు. ఇప్పటికే బ్రాడ్ బ్యాండ్ కనెక్షన్ ఉండి టీవీ మాత్రమే కావాలనుకునే వారు ‘జియోహోమ్ టీవీ-ఓన్లీ’ ప్యాక్ ను ఎంచుకోవచ్చు.
టీవీ ఓన్లీ ప్యాక్ ధర నెలకు రూ. 400 పడుతుంది. అయితే దీనిని పొందడానికి కస్టమర్లు ఒకేసారి 5 నెలలకు కలిపి రూ. 2,000 చెల్లించాల్సి ఉంటుంది. ఇందులో 1,000కి పైగా లైవ్ టీవీ ఛానెళ్లు, టీవీలో యూట్యూబ్ సౌలభ్యం, లైవ్ ప్రోగ్రామ్లను పాజ్ చేసి మళ్లీ ప్లే చేసుకునే ఫీచర్లు లభిస్తాయి. అంతేకాకుండా వెల్కమ్ ఆఫర్ కింద 12కి పైగా ఎంటర్టైన్మెంట్ యాప్ల యాక్సెస్ కూడా లభిస్తుంది.
ఒకవేళ లైవ్ టీవీ ఛానెల్స్ అందుబాటులో ఉండి.. కేవలం ఇంటర్నెట్ కనెక్షన్ మాత్రమే అవసరమైతే.. ‘జియోహోమ్ వైఫై-ఓన్లీ’ ప్లాన్ ను సెలెక్ట్ చేసుకోవచ్చు. ఈ విభాగంలో 30Mbps, 100Mbps వేగంతో కూడిన రెండు రకాల ప్లాన్లను జియో ఆఫర్ చేస్తోంది. 30Mbps ప్లాన్ ఎంచుకుంటే.. నెలకు రూ. 440 ఖర్చు కానుంది. దీనిని పొందడానికి 5 నెలల కాలానికి రూ. 2,200 ముందస్తుగా చెల్లించాల్సి ఉంటుంది. ఒకవేళ 100Mbps ప్లాన్ ఎంచుకుంటే నెలకు రూ.600 చొప్పున 5 నెలల కాలానికి రూ.3,000 చెల్లించాలి.
ఇంటర్నెట్, వినోదం రెండూ కలిపి కావాలనుకునే కుటుంబాల కోసం జియో ఆల్ రౌండ్ ప్యాక్లను కూడా ప్రకటించింది. 30Mbps బండిల్డ్ ప్యాక్ నెలకు రూ. 555 పడుతుంది. కస్టమర్లు రూ. 2,222 చెల్లించి 4 నెలల సేవలను పొందవచ్చు. ఇందులో ఒక నెల సేవలను ఫ్రీగా పొందొచ్చు. అన్లిమిటెడ్ వైఫై, 1,000+ లైవ్ ఛానెళ్లు, జియోహాట్స్టార్, జీ5, సోనీలివ్, సన్ నెక్స్ట్ వంటి 12కి పైగా ఓటీటీ యాప్ల యాక్సెస్ కూడా లభిస్తుంది.
Also Read: BSNL మరో సంచలనం.. రూ. 897 కే 6 నెలల వ్యాలిడిటీ.. ఈ ప్లాన్ ఎంత బాగుందో..!
ఒకవేళ 100Mbps బండిల్డ్ ప్యాక్ ఎంచుకుంటే.. నెలకు రూ. 707 పడుతుంది. దీనికోసం 3 నెలలకు గాను రూ. 2,122 చెల్లించాలి (ఇందులో ఒక నెల ఉచితం). ఇందులోనూ పైన పేర్కొన్న అన్ని టీవీ, స్ట్రీమింగ్ ప్రయోజనాలు అందుబాటులో ఉంటాయి. ఇక కొత్త కస్టమర్ల సౌలభ్యం కోసం జియో సంస్థ ఇంటి వద్దే డోర్స్టెప్ ఇన్స్టాలేషన్ సేవలను అందిస్తోంది. అయితే కస్టమర్లు ప్యాక్ను ఎంచుకునే ముందు.. జియో అందిస్తున్న బెనిఫిట్స్ తో పాటు ఇన్స్టాలేషన్ రూల్స్ ను ఒకటికి రెండుసార్లు చెక్ చేసుకోవడం బెటర్.
Also Read: వీఐ గుడ్ న్యూస్.. 365 రోజుల వ్యాలిడిటీ, రోజూ 2GB డేటా.. ఫ్రీగా హాట్ స్టార్!
Share
ప్రైవేట్ పార్టీలో అదరగొట్టేసిన మృణాల్ ఠాకూర్..వీడియో వైరల్!
'అగధ' మూఢనమ్మకం కాదు.. చీకటి లోకం నుంచి పుట్టుకొచ్చిన శక్తి.. ఆసక్తి రేపుతున్న ట్రైలర్!
