Lava Blaze Dragon: వచ్చేస్తోంది.. అద్భుత ఫీచర్లతో ఇండియన్ స్మార్ట్‌ఫోన్.. ధర కేవలం రూ.10000

Lava Blaze Dragon| ప్రముఖ ఇండియన్ స్మార్ట్ ఫోన్ కంపెనీ లావా త్వరలోనే తక్కువ బడ్జెట్‌లో ఒక 5జీ సూపర్ ఫీచర్స్ ఫోన్‌ని విడుదల చేయనుంది. దాని పేరే లావా బ్లేజ్ డ్రాగన్. ఈ ఫోన్ జులై 25 విడుదల చేయనున్నట్లు ప్రకటించింది. దీంతో పాటు అదే నెలలో లావా బ్లేజ్ అమోలెడ్ 2 కూడా లాంచ్ కానుందని సంస్థ తెలిపింది. లావా బ్లేజ్ డ్రాగన్ లాంచ్ తేదీ, డిజైన్, అందుబాటు వివరాలు అధికారికంగా ప్రకటించబడ్డాయి. అయితే, లావా బ్లేజ్ అమోలెడ్ 2 లాంచ్ తేదీ ఇంకా ధృవీకరించబడలేదు. లావా బ్లేజ్ డ్రాగన్ గురించి కొన్ని లీక్‌ల ద్వారా అందులోని ఫీచర్లు కూడా బయటపడ్డాయి.

లావా బ్లేజ్ డ్రాగన్ లాంచ్ వివరాలు
లావా బ్లేజ్ డ్రాగన్ జులై 25, 2025న మధ్యాహ్నం 12 గంటలకు భారత్‌లో విడుదల కానుంది. అమెజాన్‌ లైవ్‌లో ఉన్న ఒక మైక్రోసైట్ ఈ విషయాన్ని ధృవీకరించింది. ఈ స్మార్ట్‌ఫోన్ అమెజాన్ ఈ-కామర్స్ సైట్ ద్వారా కొనుగోలుకు అందుబాటులో ఉంటుంది. ఈ ఫోన్ గోల్డెన్ కలర్‌లో, రెండు కెమెరాలతో క్వాడ్రా కర్వ్ ఆకారంలో కెమెరా మాడ్యూల్‌తో ఉన్నట్లు యాడ్ లో కనిపిస్తోంది. ఈ స్మార్ట్‌ఫోన్ 50 మెగాపిక్సెల్ ఏఐ-సపోర్టెడ్ ప్రైమరీ రియర్ కెమెరాను కలిగి ఉంటుంది.

టిప్‌స్టర్ ముకుల్ శర్మ (@stufflistings) లావా బ్లేజ్ డ్రాగన్ లైవ్ ఇమేజ్‌లు కీలక ఫీచర్లను షేర్ చేశారు. లీక్ అయిన ఫోటోలలో ఈ ఫోన్ బ్లాక్ కలర్‌లో, రెయిన్‌బో కలర్ రియర్ కెమెరా మాడ్యూల్‌తో కనిపిస్తోంది. ఈ ఫోన్ స్నాప్‌డ్రాగన్ 4 జెన్ 2 ప్రాసెసర్‌తో పనిచేస్తుందని, 128GB UFS 3.1 ఆన్‌బోర్డ్ స్టోరేజ్‌ను సపోర్ట్ చేస్తుందని ఆయన తెలిపారు. ఇది స్టాక్ ఆండ్రాయిడ్ 15తో వస్తుందని కూడా చెప్పారు.

సోషల్ మీడియాలో ఎక్స్ యూజర్ ప్రతీక్ టండన్ (@pratik_tandon) షేర్ చేసిన లీక్ ఇమేజ్‌ల ప్రకారం.. లావా బ్లేజ్ డ్రాగన్ 4GB + 128GB, 6GB + 128GB ర్యామ్, స్టోరేజ్ కాన్ఫిగరేషన్‌లలో అందుబాటులో ఉండవచ్చు. ఫోటోగ్రఫీ కోసం, ఇది ముందు భాగంలో 8 మెగాపిక్సెల్ సెల్ఫీ కెమెరాను కలిగి ఉండవచ్చు. ఈ స్మార్ట్‌ఫోన్ 5,000mAh బ్యాటరీతో 18W వైర్డ్ ఫాస్ట్ ఛార్జింగ్ సపోర్ట్‌ను కలిగి ఉంటుందని, ధర రూ.10,000 లోపు ఉంటుందని అంచనా.

లావా బ్లేజ్ అమోలెడ్ 2
లావా బ్లేజ్ డ్రాగన్‌తో పాటు లావా బ్లేజ్ అమోలెడ్ 2 కూడా భారత్‌లో లాంచ్ కానుంది. ఇది లావా బ్లేజ్ అమోలెడ్ 5G యొక్క తదుపరి వెర్షన్‌గా ఉంటుందని భావిస్తున్నారు. లావా బ్లేజ్ అమోలెడ్ 5Gలో మీడియాటెక్ డైమెన్సిటీ 6300 చిప్‌సెట్, 33W ఫాస్ట్ ఛార్జింగ్ సపోర్ట్‌తో 5,000mAh బ్యాటరీ, 6.67-ఇంచ్ 120Hz 3D కర్వ్డ్ అమోలెడ్ డిస్‌ప్లే, 64 మెగాపిక్సెల్ డ్యూయల్ రియర్ కెమెరా యూనిట్ ఉన్నాయి.

లావా బ్లేజ్ డ్రాగన్ స్మార్ట్‌ఫోన్ బడ్జెట్ సెగ్మెంట్‌లో గట్టి పోటీని ఇస్తుందని స్మోర్ట్ ఫోన్స్ క్రిటిక్స్ అభిప్రాయం. దీని ఆకర్షణీయ డిజైన్, పవర్ ఫుల్ ప్రాసెసర్, స్టాక్ ఆండ్రాయిడ్ అనుభవం దీనిని ఆకర్షణీయ ఎంపికగా చేస్తాయి. జులై 25న అధికారిక లాంచ్‌తో మరిన్ని వివరాలు వెల్లడి కానున్నాయి.