Moto G Max 5G: టెక్ ప్రియులను ఆకట్టుకోవడానికి ప్రముఖ స్మార్ట్ఫోన్ బ్రాండ్ మోటరోలా తమ G సిరీస్లో సరికొత్త ఫోన్ను గ్లోబల్ మార్కెట్లోకి తీసుకొచ్చింది. Moto G Max 5G పేరుతో లాంచ్ అయిన ఈ మిడ్రేంజ్ ఫోన్.. అదిరిపోయే ఫీచర్లతో యూజర్లను ఆకట్టుకుంటోంది. ముఖ్యంగా భారీ కెమెరా, పవర్ఫుల్ బ్యాటరీతో ఈ ఫోన్ విడుదలైంది. ప్రస్తుతం బ్రెజిల్ మార్కెట్లో లాంచ్ అయిన ఈ ఫోన్ ధర భారత కరెన్సీలో సుమారు రూ.47,000గా ఉంది. ఇది లైట్ బ్లూ, గ్రాఫైట్ కలర్ ఆప్షన్లలో లభిస్తుంది.
ఈ ఫోన్లో 6.8 ఇంచుల అమోలెడ్ (AMOLED) డిస్ప్లేను అందించారు. ఇది 1,272 x 2,772 పిక్సెల్స్ రెజల్యూషన్తో పాటు 120Hz రీఫ్రెష్ రేట్ను కలిగి ఉంటుంది. దీనివల్ల స్క్రీన్పై స్క్రోలింగ్, గేమింగ్ చాలా స్మూత్గా సాగుతాయి. ఎండలో కూడా స్క్రీన్ స్పష్టంగా కనిపించేలా 5,000 నిట్స్ గరిష్ట బ్రైట్నెస్ను ఇచ్చారు. స్క్రీన్ రక్షణ కోసం గొరిల్లా గ్లాస్ 7i ని ఉపయోగించారు.
Also Read: ధర తక్కువే కానీ, సౌండ్ మాత్రం ఊరమాస్.. ఈ రేంజ్ బేస్ ఇచ్చే సౌండ్ బార్ను ఎప్పుడైనా చూశారా?
ఈ ఫోన్ ప్రధాన ఆకర్షణ దీని వెనుక భాగంలో ఉన్న 200MP ప్రైమరీ కెమెరా. దీనికి ఆప్టికల్ ఇమేజ్ స్టెబిలైజేషన్ (OIS) సపోర్ట్ ఉండటం వల్ల ఫొటోలు, వీడియోలు షేక్ అవ్వకుండా వస్తాయి. దీంతో పాటు 120 డిగ్రీల ఫీల్డ్ ఆఫ్ వ్యూ కలిగిన 8MP అల్ట్రావైడ్ కెమెరాను ఇచ్చారు. అలాగే సెల్ఫీల కోసం ముందు వైపు 32MP కెమెరా ఉంది. ఈ ఫోన్ ద్వారా 30fps వేగంతో 2K క్వాలిటీ వీడియోలను రికార్డ్ చేసుకోవచ్చు.
Moto G Max 5G ఫోన్ మీడియాటెక్ డైమెన్సిటీ 6400 ప్రాసెసర్తో పనిచేస్తుంది. దీనిలో 8GB RAM, 256GB స్టోరేజ్ అనే ఒకే ఒక్క వేరియంట్ అందుబాటులో ఉంది. సెక్యూరిటీ కోసం ఇన్డిస్ప్లే ఫింగర్ప్రింట్ సెన్సార్, ఫేస్ అన్లాక్ ఫీచర్లు ఉన్నాయి. అన్నిటికంటే ముఖ్యంగా ఈ ఫోన్ లేటెస్ట్ ఆండ్రాయిడ్ 16 ఆధారిత Hello UI సాఫ్ట్వేర్తో రన్ అవుతుంది.
ఎక్కువ సమయం ఛార్జింగ్ బ్యాకప్ ఇచ్చేందుకు దీనిలో 5,200mAh బ్యాటరీని అమర్చారు. దీనికి తోడు 33W ఫాస్ట్ ఛార్జింగ్ సపోర్ట్ కూడా ఉంది. ఇక ఈ ఫోన్కు ధూళి, నీటి నుంచి రక్షణ కోసం IP66, IP68, IP69 రేటింగులతో పాటు మిలిటరీ గ్రేడ్ (MIL-STD-810H) సర్టిఫికేషన్ కూడా ఇచ్చారు. అంటే.. ఫోన్ కింద పడ్డా, నీటిలో తడిచినా తట్టుకునేలా దీనిని డిజైన్ చేశారు. ఇండియా లాంచ్పై కంపెనీ ఇంకా ఎలాంటి ప్రకటన చేయలేదు.
Also Read: ఇంట్లోనే Vitamin-D అందించే Philips సీలింగ్ లైట్.. ఫీచర్లు అద్భుతం కానీ, ఆ ఒక్కటే మైనస్!
Share
కస్టమర్ల ప్రాణాలతో చెలగాటం.. ప్రముఖ కాఫీ షాప్నకు భారీ షాక్.. రూ.4 లక్షల ఫైన్!
క్రికెట్ పిచ్పై మల్లారెడ్డి మాస్ బ్యాటింగ్.. మేడ్చల్లో సీఎంఆర్ స్కూల్స్ షురూ!
