Claude AI Access Voter Data| అత్యాధునిక ఆర్టిఫిషియల్ ఇంటెలిజెన్స్ (ఏఐ) సిస్టమ్స్.. మనుషుల ప్రమేయం లేకుండానే అనేక పనులు పూర్తి చేయగలుగుతున్నాయి. అయితే, వాటికి ఇచ్చిన స్వేచ్ఛ కొన్ని సందర్భాల్లో కొత్త సమస్యలకు దారితీస్తోంది. తాజాగా ఆంథ్రోపిక్ కంపెనీకి చెందిన క్లాడ్ ఏఐ విషయంలోనూ ఇలాంటి పరిణామమే వెలుగులోకి వచ్చింది. అమెరికాలోని జార్జియా రాష్ట్రానికి సంబంధించిన ఎన్నికల ఓట్ల సమాచారాన్ని ఈ ఏఐ మోడల్ అనుమతి లేకుండా యాక్సెస్ చేసినట్లు ఓ నివేదిక వెల్లడించింది. దీంతో అడ్వాన్స్‌డ్ ఏఐ పనితీరుపై ఆందోళనలు వ్యక్తమవుతున్నాయి.
ఆక్సియోస్ (Axios) నివేదిక ప్రకారం.. ఆంథ్రోపిక్‌కు చెందిన క్లాడ్ ఏఐ తన ట్రైనింగ్ ప్రక్రియలో జార్జియా రాష్ట్రానికి సంబంధించిన ఓట్ల సమగ్ర లెక్కలను యాక్సెస్ చేసింది. ఈ సమాచారాన్ని ప్రజలకు ఫీజు చెల్లించిన తర్వాత అందుబాటులో ఉంచుతారు. అయితే, క్లాడ్ ఈ పేమెంట్ లిమిట్‌ని దాటి సమాచారాన్ని పొందినట్లు నివేదిక పేర్కొంది.
ఈ ఘటనలో ఎలాంటి మానవ అనుమతి లేదని కూడా నివేదిక వెల్లడించింది. దీంతో ఏఐ సిస్టమ్స్ నిర్దేశించిన నియమాలను ఎంతవరకు పాటిస్తున్నాయనే ప్రశ్నలు తలెత్తుతున్నాయి.
ఈ ఘటనపై ఆంథ్రోపిక్ ప్రతినిధి వివరణ ఇచ్చారు. క్లాడ్ కేవలం సమగ్ర ఓట్ల లెక్కలను మాత్రమే యాక్సెస్ చేసిందని తెలిపారు. జార్జియా రాష్ట్ర ఓటరు నమోదు వ్యవస్థలోకి క్లాడ్ ప్రవేశించలేదని స్పష్టం చేశారు.
అలాగే, ఓటర్లకు సంబంధించిన వ్యక్తిగత రికార్డులను క్లాడ్ సేకరించలేదని, ఎలాంటి ఎన్నికల సమాచారాన్ని మార్చలేదని సంస్థ తెలిపింది. అందువల్ల, ఈ ఘటనను వ్యక్తిగత ఓటర్ల సమాచార చోరీగా లేదా ఎన్నికల డేటా మార్పుగా భావించడానికి ఆధారాలు లేవు.
ఇటీవల కూడా క్లాడ్ ఏఐ కొన్ని పరిమితులను అధిగమించి సమాచారాన్ని పొందినట్లు ఆంథ్రోపిక్ వెల్లడించింది. టోకెన్లు లేదా ఫీజుల ద్వారా రక్షించిన డేటాను యాక్సెస్ చేసిన సందర్భాలు ఉన్నాయని తెలిపింది.
ఈ ఘటనల్లో కొన్ని అమెరికా ప్రభుత్వ సంస్థలకు చెందిన వెబ్‌సైట్లతో సంబంధం కలిగి ఉన్నాయని రాయిటర్స్ నివేదించింది. ఈ సంస్థలు కేంద్ర, రాష్ట్ర, స్థానిక స్థాయిల్లో పనిచేస్తున్నాయి.
ఇలాంటి ఘటనలు పునరావృతం కాకుండా చర్యలు తీసుకున్నట్లు ఆంథ్రోపిక్ తెలిపినట్లు అంతర్జాతీయ మీడియా రాయిటర్స్ పేర్కొంది. అయితే, ఈ నివేదికను స్వతంత్రంగా ధ్రువీకరించలేకపోయినట్లు రాయిటర్స్ స్పష్టం చేసింది.
Also Read: కార్పొరేట్ జాబ్ వద్దు వ్యవసాయం ముద్దు.. పొలం బాట పడుతున్న కోట్ల మంది గ్రాడ్యుయేట్లు
అమెరికాలో నవంబర్ 2026లో మధ్యంతర ఎన్నికలు జరగనున్న నేపథ్యంలో ఈ ఘటన ప్రాధాన్యం సంతరించుకుంది. ఎన్నికలకు సంబంధించిన సమాచారం విషయంలో పారదర్శకత, భద్రత ఎంతో ముఖ్యం. ఏఐ వ్యవస్థలు వెబ్‌సైట్లను పరిశీలిస్తూ, స్వతంత్రంగా అనేక పనులు పూర్తి చేస్తున్నాయి. అయితే పేమెంట్ లిమిట్స్, అనుమతులు, ఇతర నియమాలను అవి తప్పనిసరిగా పాటించేలా చూడాలి.
Also Read: రైలు ప్రయాణంలో విండో సీటు కావాలా? టికెట్ బుక్ చేసే ముందు ఇది తెలుసుకోండి
ఈ ఘటన ఏఐ టెక్నాలజీతో మానవ పర్యవేక్షణ ఎంత అవసరమో గుర్తుచేస్తోంది. ఏఐ సామర్థ్యాలను పెంచడంతోపాటు, అవి నిర్దేశించిన హద్దులను దాటకుండా నియంత్రణలు ఏర్పాటు చేయడం డెవలపర్లకు కీలక సవాలుగా మారింది.
Share
విలువ లేనోడు రాజీనామా చేస్తే ఏంటి ఉపయోగం? హరీష్ రావుకు అద్దంకి మాస్ కౌంటర్!
హ్యుందాయ్ బేయాన్ ధరల లిస్ట్ ఇదే.. హైదరాబాద్‌ లో ఎంతంటే?
