Coffee Shop Fine: వినియోగదారుల హక్కులను కాలరాస్తూ, నిబంధనలకు విరుద్ధంగా వ్యవహరించిన ఒక ప్రముఖ కాఫీ షాప్నకు న్యాయస్థానం గట్టి షాక్ ఇచ్చింది. బాధ్యతారాహిత్యంగా వ్యవహరించిన బరిస్టా ఎక్స్ ప్రెస్ కాఫీ షాప్ యాజమాన్యానికి ఏకంగా రూ. 4,00,000 భారీ జరిమానా విధిస్తూ శ్రీలంకలోని బండరవెలా మెజిస్ట్రేట్ కోర్టు తీర్పు వెలువరించింది. తప్పు జరిగినట్లు స్వయంగా కాఫీ షాప్ యాజమాన్యం అంగీకరించడంతో ఈ మేరకు భారీ ఫైన్ విధించింది.
శ్రీలంకకు చెందిన ప్రముఖ కాఫీ బ్రాండ్ ‘బరిస్టా కాఫీ లంకా’.. బండరవెలా ప్రాంతంలో ‘బరిస్టా ఎక్స్ ప్రెస్’ పేరుతో కాఫీ షాప్ నడుపుతోంది. అయితే దీనిపై కస్టమర్ల నుంచి పెద్ద ఎత్తున ఫిర్యాదులు రావడంతో వినియోగదారుల వ్యవహారాల అథారిటీ (CAA) అధికారులు కాఫీ షాపులో సోదాలు నిర్వహించారు. ఆర్డర్ చేసిన వస్తువుల బిల్లింగ్, బరువు, నాణ్యతలో తీవ్ర లోపాలు ఉన్నట్లు గుర్తించారు. మెనూ కార్డులో ఉన్న ధరల కంటే ఎక్కువ వసూలు చేయడం, ప్యాకేజ్డ్ వస్తువులపై ఎం.ఆర్.పీ కంటే అదనంగా ఛార్జ్ చేయడం, నాణ్యత లేని సర్వీస్ అందించడం వంటి ఉల్లంఘనలు జరిగినట్లు తేల్చారు.
అంతేకాకుండా సరైన లేబుల్స్ లేకుండానే బిస్కెట్ ప్యాకెట్లను విక్రయానికి పెట్టినట్లు ఈ సోదాల్లో బయటపటింది. ఎక్స్ పైరీ డేట్ దాటిన బిస్కెట్లను కస్టమర్లకు విక్రయించడాన్ని గుర్తించారు. గడువు ముగిసిన ఆహార పదార్థాలను పానియాల తయారీలో వాడటాన్ని ప్రత్యక్షంగా చూశారు. దీనిపై నిలదీయగా.. కాఫీ షాపు నిర్వాహకులు పొంతన లేని సమాధానాలు ఇచ్చినట్లు అధికారులు పేర్కొన్నారు. తమను తప్పుదోవ పట్టించే విధంగా వారు నడుచుకున్నట్లు కోర్టు దృష్టికి సైతం తీసుకెళ్లారు.
Also Read: Jio Rs 195 vs Rs 200 Plan: రూ.5 తేడాతో డబుల్ డేటా.. యూట్యూబ్ ప్రీమియం, 15 ఓటీటీలు ఉచితం!
కాఫీ షాపు బాధ్యతారాహిత్యంగా వ్యవహరించడంపై బండరవెలా మెజిస్ట్రేట్ కోర్టు తీవ్ర ఆగ్రహం వ్యక్తం చేసింది. కాఫీ షాపుకు వ్యతిరేకంగా స్పష్టమైన ఆధారాలు లభించడంతో మీ సమాధానం ఏంటని బరిస్టా యాజమాన్యాన్ని ప్రశ్నించింది. దీంతో సదరు నిర్వాహకులు నీళ్లు నమలడంతో పాటు తప్పు జరిగినట్లు స్వయంగా అంగీకరించారు. దీంతో కస్టమర్ల ఆరోగ్యంతో చెలగాటం ఆడినందుకు గానూ కాఫీ షాపునకు రూ.4 లక్షల భారీ జరిమానా విధిస్తున్నట్లు కోర్టు తీర్పు ఇచ్చింది. మరోమారు ఇలాంటి తప్పు చేస్తే కఠిన చర్యలు తప్పవని హెచ్చరించింది. మరోవైపు వినియోగదారులు సైతం ఇలాంటి కాఫీ షాపుల పట్ల అప్రమత్తంగా ఉండాలని కోర్టు సూచించింది.
Also Read: Smart Glasses: కంటిపై లెన్స్, ముఖానికి అద్దాలు.. తర్వాత జరిగే అద్భుతమే వేరు..!
Share
రోజంతా ఇంట్లోనే ఉంటావుగా.. ఏం చేస్తావు? అనేవారికి సుప్రీంకోర్టు చెంపదెబ్బ!
నీటిలో మునిగినా, కింద పడినా ఏమీ కాదు.. మోటరోలా నుంచి మోస్ట్ పవర్ఫుల్ 5G ఫోన్ లాంచ్!
