రూ.2 వేలలోపు ‘బోట్’మ్యాజిక్.. రూ.4 వేల బడ్జెట్‌లో ‘వన్‌ప్లస్’ అరాచకం.. ఏది బెస్ట్?

OnePlus Buds Ace 2 vs boAt Nirvana Space: ఈ రోజుల్లో వైర్లెస్ ఇయర్‌బడ్స్ ప్రతి ఒక్కరి జీవితంలో భాగమైపోయాయి. మార్కెట్లో వన్‌ప్లస్ (OnePlus), బోట్ (boAt) బ్రాండ్లకు విపరీతమైన క్రేజ్ ఉంది. ఒకవేళ మీరు కూడా ఒక మంచి ఇయర్‌బడ్స్ కొనాలని చూస్తూ.. ‘వన్‌ప్లస్ బడ్స్ ఏస్ 2’ (OnePlus Buds Ace 2), ‘బోట్ నిర్వాణ స్పేస్’ (boAt Nirvana Space) మధ్య కన్ఫ్యూజ్ అవుతుంటే.. ఈ వివరాలు మీ కోసమే. ఫీచర్లు, సౌండ్ క్వాలిటీ, బ్యాటరీ బ్యాకప్ , ధరల పరంగా ఈ రెండింటిలో ఏది బెస్ట్ ఆప్షనో ఈ పూర్తి కంపారిజన్ ద్వారా క్లియర్ గా తెలుసుకుందాం.

OnePlus Buds Ace 2 vs boAt Nirvana Space మధ్య తేడాలు:

1. డిజైన్ , బిల్డ్ క్వాలిటీ :
మొదటగా డిజైన్ విషయానికి వస్తే.. వన్‌ప్లస్ బడ్స్ ఏస్ 2 చాలా ప్రీమియం , స్లిమ్ లుక్‌తో వస్తుంది. ఇది చెవుల్లో సౌకర్యవంతంగా కూర్చోవడానికి ఇన్-ఇయర్ డిజైన్‌ను కలిగి ఉంది. దీనికి IP55 రేటింగ్ ఉంది. అంటే జిమ్‌లో వర్కౌట్ చేసేటప్పుడు చెమట పట్టినా, లేదా చిన్నపాటి వర్షంలో తడిసినా ఎలాంటి ఇబ్బంది ఉండదు.

మరోవైపు.. బోట్ నిర్వాణ స్పేస్ కూడా మెరుగైన మ్యాట్ ఫినిషింగ్, ఇన్-ఇయర్ డిజైన్‌తో వస్తుంది. ఇది చూడటానికి చాలా స్టైలిష్‌గా ఉంటుంది. దీనికి IPX4 రేటింగ్ ఉంది. వాటర్ రెసిస్టెన్స్ , సేఫ్టీ పరంగా వన్‌ప్లస్ కొంచెం ముందంజలో ఉందని చెప్పవచ్చు.

2.సౌండ్ క్వాలిటీ, ఫీచర్లు:
ఇయర్‌బడ్స్‌కు అత్యంత ముఖ్యమైనది సౌండ్ క్వాలిటీ. ఈ రెండింటిలోనూ విభిన్నమైన టెక్నాలజీలను ఉపయోగించారు.

OnePlus Buds Ace 2: ఇందులో 12.4mm భారీ డైనమిక్ డ్రైవర్స్ అమర్చారు. దీనివల్ల బేస్ చాలా పవర్‌ఫుల్‌గా, క్లిస్టర్ క్లియర్ వోకల్స్‌తో వస్తుంది. బేస్ లవర్స్ కి ఇది బాగా నచ్చుతుంది. ఇందులో యాక్టివ్ నోయిస్ క్యాన్సిలేషన్ , కాలింగ్ కోసం AI డ్యూయల్ మైక్ సిస్టమ్ ఉన్నాయి. బ్లూటూత్ 5.4 కనెక్టివిటీ వల్ల దీని కనెక్షన్ చాలా వేగంగా ఉంటుంది.

boAt Nirvana Space: ఇందులో 10mm డైమండ్-లైక్ కార్బన్ డ్రైవర్స్ ఉన్నాయి. దీని ప్రత్యేకత ఏంటంటే.. ఇందులో 360° స్పేషియల్ ఆడియో ఫీచర్ ఉంది. ఇది మీకు సినిమా థియేటర్ తరహా 3D సౌండ్ ఎక్స్‌పీరియన్స్‌ను అందిస్తుంది. అలాగే ఇది 32dB వరకు యాక్టివ్ నోయిస్ క్యాన్సిలేషన్ ను సపోర్ట్ చేస్తుంది. కాలింగ్ కోసం ఇందులో 4 మైక్‌ల ENx టెక్నాలజీ ఉంది. ఇది బ్లూటూత్ 5.3, డ్యూయల్ పేరింగ్ (ఒకేసారి రెండు డివైజ్‌లకు కనెక్ట్ చేయడం) సపోర్ట్ చేస్తుంది.

3.బ్యాటరీ లైఫ్ , ఛార్జింగ్ :
బ్యాటరీ బ్యాకప్ పరంగా బోట్ నిర్వాణ స్పేస్ సరికొత్త రికార్డులను సృష్టిస్తోంది.

boAt Nirvana Space: దీని ఛార్జింగ్ కేస్‌తో కలిపి ఏకంగా 100 గంటల భారీ ప్లేబ్యాక్ టైమ్ లభిస్తుంది. అంటే ఒక్కసారి ఛార్జ్ చేస్తే వారాల తరబడి వాడుకోవచ్చు. అలాగే దీని ASAP ఫాస్ట్ ఛార్జింగ్ ఫీచర్ ద్వారా కొద్ది నిమిషాల ఛార్జింగ్‌తోనే గంటల కొద్దీ మ్యూзик ఎంజాయ్ చేయవచ్చు.

OnePlus Buds Ace 2: ఇది కూడా తక్కువ ఏమీ కాదు. కేస్‌తో కలిపి ఇది 43 గంటల బ్యాటరీ లైఫ్ అందిస్తుంది. వన్‌ప్లస్ లో కూడా ఫ్లాష్ ఛార్జ్ సపోర్ట్ ఉంది.

4.రెండింటి మధ్య ప్రధాన తేడాలు:
ఈ రెండు ఇయర్‌బడ్స్ ఫీచర్లను నిశితంగా పరిశీలిస్తే.. వాటి మధ్య కొన్ని కీలకమైన తేడాలు కనిపిస్తాయి. వన్‌ప్లస్ బడ్స్ ఏస్ 2 మోడల్‌లో పెద్దదైన 12.4mm డైనమిక్ డ్రైవర్స్ ఉండటం వల్ల బేస్ ఎఫెక్ట్ చాలా పవర్‌ఫుల్‌గా ఉంటుంది. అలాగే ఇది లేటెస్ట్ బ్లూటూత్ 5.4 వెర్షన్‌తో వస్తుంది. ధూళి, నీటి నుంచి ఎక్కువ రక్షణ ఇచ్చే IP55 రేటింగ్‌ను కలిగి ఉంది.

మరోవైపు, బోట్ నిర్వాణ స్పేస్ మోడల్‌లో 10mm DLC డ్రైవర్స్ ఉన్నప్పటికీ.. ఇది అద్భుతమైన 360 డిగ్రీల స్పేషియల్ ఆడియో ఫీచర్‌ను అందిస్తుంది. ఇది సినిమా చూసేటప్పుడు థియేటర్ లాంటి ఫీల్ ఇస్తుంది. నోయిస్ క్యాన్సిలేషన్ విషయానికి వస్తే బోట్ 32dB ANCని కలిగి ఉంది. ఇక బ్యాటరీ బ్యాకప్ పరంగా బోట్ ఏకంగా 100 గంటల మైండ్ బ్లోయింగ్ ప్లేబ్యాక్ టైమ్ ఇస్తూ వన్‌ప్లస్ (43 గంటలు) కంటే చాలా ముందుంది. అయితే వాటర్ రేటింగ్‌లో బోట్ కేవలం IPX4 రక్షణను మాత్రమే ఇస్తుంది.

5. ధరలు:
ధర విషయానికి వస్తే ఈ రెండింటి మధ్య చాలా తేడా ఉంది.

బోట్ నిర్వాణ స్పేస్ ధర: ప్రస్తుతం ఆన్‌లైన్ ఆఫర్లలో కేవలం రూ.1,499లకు లభిస్తోంది.

వన్‌ప్లస్ బడ్స్ ఏస్ 2 ధర: ఇది ప్రీమియం బడ్జెట్ సెగ్మెంట్ కింద రూ.3,999 ధరలో అందుబాటులో ఉంది.

Also Read: రూ.5వేల బడ్జెట్‌లో ట్రెండ్ అవుతున్న.. లేటెస్ట్ మిక్సీలు!

ఏది కొంటే మంచిది?
మీ బడ్జెట్ రూ.2,000 లోపు ఉండి, మీకు థియేటర్ లాంటి 360° స్పేషియల్ ఆడియో కావాలి, అలాగే పదే పదే ఛార్జింగ్ పెట్టకుండా 100 గంటల మైండ్ బ్లోయింగ్ బ్యాటరీ బ్యాకప్ కావాలి అనుకుంటే boAt Nirvana Space కళ్ళు మూసుకుని కొనేయవచ్చు.

కానీ, మీ బడ్జెట్ కొంచెం ఎక్కువున్నా పర్లేదు, మీకు వన్‌ప్లస్ బ్రాండ్ వాల్యూతో పాటు పవర్‌ఫుల్ డీప్ బేస్, లేటెస్ట్ బ్లూటూత్ 5.4 , పటిష్టమైన డస్ట్ & వాటర్ రేటింగ్ (IP55) కావాలి అనుకుంటే OnePlus Buds Ace 2 వైపు వెళ్ళొచ్చు.