OnePlus Nord CE6 Lite Vs OPPO K14: ప్రస్తుత ఈ టెక్ యుగంలో బడ్జెట్ ధరలో మంచి ఫోన్ కొనాలంటే తల ప్రాణం తోకకు వస్తోంది. ఎందుకంటే.. స్మార్ట్ఫోన్ మార్కెట్లో వందల ఆప్షన్లు దర్శనమిస్తున్నాయి. అయితే తాజాగా వన్ప్లస్ నుంచి Nord CE6 Lite, ఒప్పో నుంచి K14 విడుదలైన విషయం తెలిసిందే. మరి ఈ రెండింటిలో ఏది కొంటే డబ్బులు ఆదా చేసుకోవచ్చో ఒకసారి చూసేద్దాం రండి..
చూడటానికి ఈ రెండు ఫోన్లు చాలా స్టైలిష్గానే ఉన్నాయి. వన్ప్లస్ ఫోన్ చూస్తే చాలా సింపుల్గా, హుందాగా కనిపిస్తుంది. అదే ఒప్పో K14 అయితే కొంచెం వెరైటీ డిజైన్లతో కుర్రాళ్లకు నచ్చేలా ఉంది. అయితే స్క్రీన్ విషయానికి వస్తే మాత్రం వన్ప్లస్ కొంచెం బెటర్. దీనిలో వీడియోలు చూస్తున్నప్పుడు బొమ్మ చాలా స్పష్టంగా (FHD+) కనిపిస్తుంది. ఒప్పోలో క్లారిటీ (HD+) కొంచెం తక్కువగానే ఉందని చెప్పాలి.
Also Read: నథింగ్ విధ్వంసం.. ఫ్లిప్కార్ట్ సేల్లో ఇయర్బడ్స్పై రూ.8000 తగ్గింపు, ఇక ఎగరేసుకుపోవడమే!
సాధారణంగా ఫోన్ వాడుతున్నప్పుడు మధ్యలో స్లో అయితే చిరాకు వస్తుంది కదా. వన్ప్లస్ నార్డ్ CE6 లైట్లో కొత్తగా వచ్చిన ప్రాసెసర్ వాడారు. దీంతో గేమ్స్ ఆడినా, ఎక్కువ యాప్స్ వాడినా ఫోన్ స్పీడ్గా పని చేస్తుంది. అదే ఒప్పో K14లో కొంచెం పాత మోడల్ ప్రాసెసర్ను వాడారు కాబట్టి.. వన్ప్లస్తో పోలిస్తే స్పీడ్ కొంచెం తక్కువగా అనిపించవచ్చు. పైగా వన్ప్లస్ లేటెస్ట్ సాఫ్ట్వేర్ ఉండటంతో భవిష్యత్తులో కూడా ఇది బాగా పనిచేయొచ్చు.
ఈ రెండు ఫోన్లలోనూ ఏకంగా 7,000mAh బ్యాటరీనే ఇచ్చారు. ఈ ఫోన్లను రోజులో ఒక్కసారి ఫుల్ ఛార్జ్ చేస్తే.. రెండు రోజుల వరకు ఛార్జర్ వైపు చూడాల్సిన అవసరం ఉండదు. ఇకపోతే.. కెమెరాల విషయానికి వస్తే రెండూ ఒకేలా ఉన్నాయి. పగటిపూట ఫొటోలు తీసుకోవడానికి, సోషల్ మీడియాలో పోస్ట్ చేయడానికి ఈ కెమెరాలు భలే సెట్ అవుతాయి.
ఒప్పో ఫోన్ ధర రూ.19,999 ఉండగా.. వన్ప్లస్ రూ.వెయ్యి తేడాతో రూ.20,999 ధర పలుకుతోంది. అయితే ఆ ఒక్క రూ.1.000 ఎక్కువ పెట్టినా.. మంచి స్క్రీన్ క్వాలిటీ, సూపర్ స్పీడ్, లేటెస్ట్ సాఫ్ట్వేర్ కోసం వన్ప్లస్ నార్డ్ CE6 లైట్ ఎంచుకోవడమే స్మార్ట్ డెసిషన్. లేదు.. జస్ట్ లుక్, తక్కువ ధర మాత్రమే కావాలనుకుంటే తప్ప.. మిగతా అన్ని రకాలుగా వన్ప్లస్ ఫోనే బెస్ట్ ఆప్షన్.
Share
ఆ సమయంలో నరకం చూశాను.. ఎమోషనల్ అయిన నటి కియారా ?
కాంగ్రెస్ సర్కార్ పై కవిత అల్టిమేటం.. జూన్ 2 వరకే మీకు టైం టంటూ ఫైర్..!
