Poco M8 Power: పోకో నుంచి త్వరలోనే ఒక సరికొత్త స్మార్ట్‌ఫోన్ భారత మార్కెట్‌లోకి రాబోతోంది. Poco M8 Power పేరుత వస్తున్న ఈ హ్యాండ్ సెట్‌ను ఆగస్టు 4న లాంచ్ చేయబోతున్నట్లు కంపెనీ అధికారికంగా ప్రకటించింది. ఈ ఫోన్ ప్రధాన ఆకర్షణ దీని భారీ బ్యాటరీనే. ఒక్కసారి ఛార్జ్ చేస్తే ఎక్కువ గంటలు ఎలాంటి టెన్షన్ లేకుండా వాడుకోవచ్చని కంపెనీ చెబుతోంది.
లాంచ్‌కు ముందే ఫ్లిప్‌కార్ట్‌లో దీనికి సంబంధించిన పేజీ కూడా ప్రత్యక్షమైంది. ఈ టీజర్ల ప్రకారం ఫోన్ వెనకవైపు చదరపు ఆకారంలో ఉండే కెమెరా మాడ్యూల్, దానికి తోడు ఎల్‌ఈడీ ఫ్లాష్ ఉన్నాయి. చూడటానికి చాలా ఆకర్షణీయంగా కనిపిస్తున్న ఈ ఫోన్‌ను ఆరెంజ్ రంగులో ప్రదర్శించారు. లాంచ్ సమయంలో మరిన్ని రంగుల్లో కూడా అందుబాటులోకి వచ్చే అవకాశం ఉంది. ఇందులో డిస్‌ప్లే కూడా నాణ్యమైన AMOLEDతో రానుంది.
Also Read: 7000mAh బ్యాటరీ, 200MP కెమెరా.. వివో V70 FE 5G పై ఊహించని ప్రైస్ డ్రాప్!
ఈ ఫోన్‌లో అత్యంత ముఖ్యమైన విషయం దీనిలోని 8000mAh బ్యాటరీ. సాధారణ వాడకంలో ఈ బ్యాటరీ ఏకంగా మూడు రోజుల పాటు వస్తుందని పోకో పేర్కొంది. నిరంతరం గేమింగ్ ఆడేవారికి, ట్రావెలింగ్ చేసేవారికి, రోజంతా వీడియోలు చూసేవారికి ఇది ఒక మంచి ఆప్షన్‌గా మారనుంది. పెద్ద బ్యాటరీ ఉన్నప్పటికీ ఫోన్ డిజైన్ చాలా స్టైలిష్‌గా ఉండేలా జాగ్రత్తలు తీసుకున్నారు.
కంపెనీ ఇంకా పూర్తి వివరాలు వెల్లడించనప్పటికీ.. ఇది ఇటీవలే చైనాలో విడుదలైన Redme Note 17 మోడల్‌కి రీబ్రాండ్‌గా వచ్చే అవకాశం ఉందని సమాచారం. అదే నిజమైతే.. ఇందులో 120Hz రిఫ్రెష్ రేట్‌తో కూడిన పెద్ద స్క్రీన్, స్నాప్‌డ్రాగన్ ప్రాసెసర్, 50MP మెయిన్ కెమెరా, 45W ఫాస్ట్ ఛార్జింగ్ సపోర్ట్ ఉండే అవకాశాలు ఉన్నాయి. ధర, ఇతర వేరియంట్ల సమాచారం ఆగస్టు 4 లాంచ్ రోజున అధికారికంగా తెలియనుంది. తక్కువ బడ్జెట్‌లో ఎక్కువ రోజులు వచ్చే బ్యాటరీ ఫోన్ కోసం చూసేవారికి ఇది మంచి ఎంపిక కావచ్చు.
Also Read: వచ్చేస్తోంది iPhone 18 Pro సిరీస్.. లాంచ్ డేట్ ఫిక్స్ అయింది కానీ, ఈ ఫోన్ రేటును తట్టుకోవడమే కష్టమే!
Share
ఏపీ ఫీజు బకాయిలపై సీఎం రేవంత్ షాకింగ్ కామెంట్స్!
బన్నీ మూవీలో హీరోయిన్ ఉండదా? మార్క్ చూపించబోతున్న లోకేష్!
